ബിരുദം: പ്രവേശന നടപടികൾ തുടങ്ങി

തിരുവനന്തപുരം: സംസ്ഥാനത്ത്​ പ്ലസ്​ ടു പരീക്ഷ ഫലം പ്രസിദ്ധീകരി​ച്ചതോടെ ബിരുദ കോഴ്​സുകളിലേക്കുള്ള കേന്ദ്രീകൃത പ്രവേശനത്തിന്​ സർവകലാശാലകൾ വിജ്​ഞാപനം പ്രസിദ്ധീകരിച്ചിട്ടുണ്ട്​. സ്വയംഭരണ പദവിയുള്ളവ ഒഴികെയുള്ള ആർട്​സ്​ ആൻഡ്​​ സയൻസ്​ കോളജുകളിലേക്ക്​ ബന്ധപ്പെട്ട സർവകലാശാലകളാണ്​ അലോട്ട്​മെൻറ്​ നടത്തുന്നത്​.

കേരളയിൽ അപേക്ഷ 17 വരെ

കേരള സർവകലാശാലക്കു​കീഴിലുള്ള ഗവ./എയ്​ഡഡ്​/സ്വാശ്രയ കോളജുകൾ/സർവകലാശാല പഠനകേന്ദ്രങ്ങളിലും (യു.​െഎ.ടി)ബിരുദ കോഴ്​സുകളിൽ കേന്ദ്രീകൃത പ്രവേശനത്തിന്​ ആഗസ്​റ്റ്​ 17വരെ ഒാൺലൈനായി അപേക്ഷിക്കാം. ആഗസ്​റ്റ്​ 13ന്​ ട്രയൽ അ​േലാട്ട്​ പ്രസിദ്ധീകരിക്കും. 18ന്​ ആദ്യ അലോട്ട്​മെൻറ്​ പ്രസിദ്ധീകരിക്കും. അലോട്ട്​മെൻറ്​ ലഭിച്ചവർ 18 മുതൽ 24 വരെ ഒാൺലൈനായി ഫീസടച്ച്​ അലോട്ട്​മെൻറ്​ ഉറപ്പുവരുത്തണം. ഇതോടൊപ്പം നിലവിലുള്ള ഒാപ്​ഷ​നുകൾ പുനഃക്രമീകരിക്കാനും ഉയർന്ന ഒാപ്​ഷനുകൾ റദ്ദ്​​ ചെയ്യാനും അവസരമുണ്ടായിരിക്കും.

ആഗസ്​റ്റ്​ 25ന്​ രണ്ടാം അലോട്ട്​മെൻറ്​ പ്രസിദ്ധീകരിക്കും. 25 മുതൽ സെപ്​റ്റംബർ രണ്ടു വരെ അലോട്ട്​മെൻറ്​ ലഭിച്ചവർക്ക്​ ഒാൺലൈനായി ഫീസടച്ച്​ അലോട്ട്​മെൻറ്​ ഉറപ്പാക്കാം. അലോട്ട്​മെൻറ്​ ലഭിച്ചവർക്ക്​ ആഗസ്​റ്റ്​ 26, 27, 31, സെപ്​റ്റംബർ ഒന്ന്​, രണ്ട്​ തീയതികളിൽ കോളജുകളിലെത്തി പ്രവേശനം നേടാം. വിശദവിവരങ്ങൾക്ക്​: https://admissions.keralauniversity.ac.in സന്ദർശിക്കുക.

കാലിക്കറ്റിൽ 16 വരെ

കാലിക്കറ്റ്​ സർവകലാശാലക്കുകീഴിലുള്ള കോളജുകളിൽ ബിരുദ കോഴ്​സ്​ പ്രവേശനത്തിനായി ആഗസ്​റ്റ്​ ആറു മുതൽ ഒാൺലൈൻ അപേക്ഷ സമർപ്പണം തുടങ്ങി. ആഗസ്​റ്റ്​ 16ന്​ വൈകീട്ട്​ അഞ്ചു​വരെ ഫീസടച്ച്​ അപേക്ഷ സമർപ്പിക്കാം.https://admission.uoc.ac.in/ വഴിയാണ്​ ഒാൺലൈൻ അപേക്ഷ സമർപ്പിക്കേണ്ടത്​. ജനറൽ വിഭാഗത്തിന്​ 280 രൂപയും എസ്​.സി/എസ്​.ടി വിഭാഗത്തിന്​ 115 രൂപയുമാണ്​ അപേക്ഷ ഫീസ്​. ഇ.പേ​മെൻറ്​ (എസ്​.ബി.​െഎ ഒാൺലൈൻ/ അഫിലിയേറ്റഡ്​ കോളജുകളിൽ പ്രവർത്തിക്കുന്ന നോഡൽ സെൻറർ/ ഫ്രണ്ട്​സ്​ ജനസേവന കേന്ദ്രം/ അക്ഷയ കേന്ദ്രം) രൂപത്തിലാണ്​ ഫീസൊടുക്കേണ്ടത്​. വിവരങ്ങൾ പ്രവേശന പോർട്ടലിൽ ലഭ്യമാണ്​.

എം.ജിയിൽ 13 വരെ

എം.ജി സർവകലാശാലയിൽ ആഗസ്​റ്റ്​ 13ന്​ വൈകീട്ട്​ നാലു വരെ ഒാൺലൈൻ അപേക്ഷ സമർപ്പണം നടത്താം. www.cap.mgu.ac.in എന്ന പ്രവേശന പോർട്ടലിൽ 'UG CAP- 2021' എന്ന ലിങ്ക്​ വഴി അപേക്ഷ സമർപ്പിക്കാം.

ജനറൽ വിഭാഗത്തിലുള്ളവർക്ക്​ 750 രൂപയും എസ്​.സി/എസ്​.ടി വിഭാഗത്തിലുള്ളവർക്ക്​ 375 രൂപയുമാണ്​ അപേക്ഷ ഫീസ്​. ആഗസ്​റ്റ്​ 18ന്​ ട്രയൽ അലോട്ട്​മെൻറും താൽക്കാലിക റാങ്ക്​ ലിസ്​റ്റ്​ പ്രസിദ്ധീകരണവും നടക്കും. വിവരങ്ങളിൽ തിരുത്തൽ, ഒാപ്​ഷനുകളുടെ പുനഃക്രമീകരണം, കൂട്ടിച്ചേർക്കൽ, ഒഴിവാക്കൽ എന്നിവക്ക്​ ആഗസ്​റ്റ്​ 18 മുതൽ 24 വരെ അവസരമുണ്ടാകും. ആദ്യ അലോട്ട്​മെൻറ്​ ആഗസ്​റ്റ്​ 27ന്​ പ്രസിദ്ധീകരിക്കും. സർവകലാശാലക്കുള്ള ഫീസ്​ 27 മുതൽ സെപ്​റ്റംബർ ഒന്നിന്​ വൈകീട്ട്​ നാലുവരെ ഒടുക്കാം. അലോട്ട്​മെൻറ്​ ലഭിച്ചവർക്ക്​ ​27 മുതൽ സെപ്​റ്റംബർ ഒന്നിന്​ വൈകീട്ട്​ നാലുവരെ ഫീസടച്ച്​ ഒാൺലൈനായി പ്രവേശനം നേടാം.

സെപ്​റ്റംബർ രണ്ടു​ മുതൽ മൂന്നു​ വരെ ഒാപ്​ഷനുകൾ പുനഃക്രമീകരിക്കാനും ഒഴിവാക്കാനും അവസരമുണ്ടാകും. സെപ്​റ്റംബർ ഏഴിന്​ രണ്ടാം അ​േലാട്ട്​മെൻറ്​ പ്രസിദ്ധീകരിക്കും. ഏഴു​ മുതൽ ഒമ്പതു​ വരെ ഫീസടച്ച്​ കോളജുകളിൽ ഒാൺലൈൻ പ്രവേശനം നേടാം. സെപ്​റ്റംബർ 10​ മുതൽ 11വരെ ഒാപ്​ഷനുകൾ പുനഃക്രമീകരിക്കാനും ഒഴിവാക്കാനും അവസരമുണ്ടാകും. സെപ്​റ്റംബർ 15ന്​ മൂന്നാം അലോട്ട്​മെൻറ്​ പ്രസിദ്ധീകരിക്കും. 15 മുതൽ 17 വരെ ഫീസടച്ച്​ കോളജുകളിൽ ഒാൺലൈൻ പ്രവേശനം നേടാം.

കണ്ണൂരിൽ വിജ്ഞാപനം ഉടൻ

കണ്ണൂർ സർവകലാശാല ബിരുദ കോഴ്​സുകളി​േലക്കുള്ള പ്രവേശന വിജ്ഞാപനം പ്രസിദ്ധീകരിച്ചിട്ടില്ല. ഒരാഴ്​ചക്കകം വിജ്ഞാപനം പ്രസിദ്ധീകരിക്കുമെന്ന്​ സർവകലാശാല അധികൃതർ അറിയിച്ചു. https://admission.kannuruniversity.ac.in/ എന്ന പോർട്ടൽ വഴിയായിരിക്കും പ്രവേശന നടപടികൾ.

സ്വയംഭരണ കോളജുകളിൽ പ്രവേശനം നേരിട്ട്​

സംസ്ഥാനത്തെ സ്വയംഭരണ കോളജുകളിൽ പ്രവേശനത്തിന്​ കോളജുകൾ നേരിട്ടാണ്​ അപേക്ഷ സ്വീകരിക്കുന്നത്​. ഇവിടേക്കുള്ള പ്രവേശനം സർവകലാശാലകളുടെ കേന്ദ്രീകൃത ​പ്രവേശന നടപടികളിൽ ഉൾപ്പെടില്ല. സ്വയംഭരണ കോളജുകളിൽ പ്രവേശനം ആഗ്രഹിക്കുന്നവർ ബന്ധപ്പെട്ട കോളജുകളുടെ വെബ്​സൈറ്റ്​ പരി​േശാധിച്ച്​ അപേക്ഷ സമർപ്പിക്കണം.

തിരുവനന്തപുരം മാർ ഇവാനിയോസ് (marivanioscollege.com)​, കൊല്ലം ഫാത്തിമ മാത നാഷനൽ കോളജ്​ (fmnc.ac.in), ചങ്ങനാശ്ശേരി അസംപ്​ഷൻ കോളജ് (assumptioncollege.in)​, കോട്ടയം സി.എം.എസ്(cmscollege.ac.in)​, എറണാകുളം മഹാരാജാസ് (maharajas.ac.in)​, കോതമംഗലം മാർ അത്തനേഷ്യസ്(macollege.in)​, മരിയൻ കോളജ്​ കുട്ടിക്കാനം (mariancollege.org), കളമശ്ശേരി രാജഗിരി കോളജ് (rajagiri.edu)​, തേവര സേക്രഡ്​ ഹാർട്ട്​ (www.shcollege.ac.in)​, എറണാകുളം സെൻറ്​ ആൽബർട്​സ് (www.alberts.edu.in)​, ചങ്ങനാശ്ശേരി എസ്​.ബി കോളജ്​ (sbcollege.ac.in), എറണാകുളം സെൻറ്​ ​തെരേസാസ് (teresas.ac.in)​, ഇരിങ്ങാലക്കുട ക്രൈസ്​റ്റ്​ കോളജ് (christcollegeijk.edu.in)​, കോഴിക്കോട്​ ഫാറൂഖ്​ കോളജ്​ (www.farookcollege.ac.in), മമ്പാട്​ എം.ഇ.എസ്​ കോളജ് (mesmampadcollege.edu.in)​, കോഴിക്കോട്​ സെൻറ്​ ജോസഫ്​സ്​ ദേവഗിരി കോളജ് (www.devagiricollege.org)​, ഇരിങ്ങാലക്കുട സെൻറ്​ ജോസഫ്​സ്​ കോളജ് (stjosephs.edu.in)​, തൃശൂർ സെൻറ്​ തോമസ്​ കോളജ് (stthomas.ac.in)​, തൃശൂർ വിമല കോളജ് (www.vimalacollege.edu.in)​ എന്നിവയാണ്​ സ്വന്തമായി വിദ്യാർഥി പ്രവേശനം നടത്താനും പരീക്ഷ നടത്താനും അവകാശമുള്ള സ്വയംഭരണ കോളജുകൾ.