മൂ​ന്നും ഒ​ന്നും ഇ​മ്മി​ണി വ​ല്യ ഡി​ഗ്രി

ബി​രു​ദ പഠനം നാ​ലു വ​ർ​ഷ​ത്തി​ലേ​ക്ക്. നി​ല​വി​ലു​ള്ള മൂ​ന്നു വ​ർ​ഷ ബി​രു​ദം, നാ​ലു വ​ർ​ഷ​ത്തെ ഒാ​ണേ​ഴ്സ് ബി​രു​ദം, നാ​ലു വ​ർ​ഷ​ത്തെ ഒാ​ണേ​ഴ്സ് വി​ത്ത് റി​സ​ർ​ച്ച് ബി​രു​ദം എ​ന്നി​ങ്ങ​നെ മൂ​ന്നു​ത​രം ബി​രു​ദ​മാ​ണ് കേ​ര​ളം വി​ഭാ​വ​നം ചെ​യ്യു​ന്ന​ത്

2024 ജൂ​ലൈ ഒ​ന്നു​മു​ത​ൽ കേ​ര​ള​ത്തി​ലെ ബി​രു​ദ പ​ഠ​ന​ത്തി​ൽ സ​മൂ​ല മാ​റ്റം വ​രു​ന്നു. മൂ​ന്നു വ​ർ​ഷ പ​ഠ​ന സ​ങ്ക​ൽ​പ​ത്തി​ൽ​നി​ന്ന് ബി​രു​ദം ഇ​നി നാ​ലു വ​ർ​ഷ സ​ങ്ക​ൽ​പ​ത്തി​ലേ​ക്ക് മാ​റു​ക​യാ​ണ്. കേ​ര​ള, കാ​ലി​ക്ക​റ്റ്, എം.​ജി, ക​ണ്ണൂ​ർ സ​ർ​വ​ക​ലാ​ശാ​ല​ക​ൾ​ക്ക് കീ​ഴി​ലെ 864 ആ​ർ​ട്സ് ആ​ൻ​സ് സ​യ​ൻ​സ് കോ​ള​ജു​ക​ൾ/ സ​ർ​വ​ക​ലാ​ശാ​ല പ​ഠ​ന കേ​ന്ദ്ര​ങ്ങ​ളി​ലാ​യാ​ണ് നാ​ലു വ​ർ​ഷ കോ​ഴ്സു​ക​ൾ ന​ട​പ്പാ​ക്കു​ന്ന​ത്.

ഇ​തി​ന് പു​റ​മെ കേ​ര​ള, കാ​ല​ടി ശ്രീ​ശ​ങ്ക​രാ​ചാ​ര്യ, മ​ല​യാ​ളം സ​ർ​വ​ക​ലാ​ശാ​ല​ക​ളു​ടെ പ​ഠ​ന വി​ഭാ​ഗ​ങ്ങ​ളി​ലും നാ​ലു വ​ർ​ഷ ബി​രു​ദ കോ​ഴ്സു​ക​ൾ തു​ട​ങ്ങു​ന്നു. വി​ദ്യാ​ഭ്യാ​സ മേ​ഖ​ല​യി​ലെ പ​രി​ഷ്‍കാ​ര​ങ്ങ​ളെ ഉ​ൾ​ക്കൊ​ള്ളു​ന്ന​തി​ൽ എ​പ്പോ​ഴും മ​ടി​ച്ചു​നി​ൽ​ക്കു​ന്ന കേ​ര​ളം ബി​രു​ദ​പ​ഠ​ന​ത്തി​ന്റെ രൂ​പ- ഘ​ട​ന​ക​ളി​ൽ ഗു​ണാ​ത്മ​ക​മാ​യ മാ​റ്റ​ങ്ങ​ൾ കൊ​ണ്ടു​വ​രാ​ൻ വൈ​കി​യെ​ന്ന​ത് യാ​ഥാ​ർ​ഥ്യ​മാ​ണ്.

കേ​വ​ലം ബി​രു​ദ​ധാ​രി​ക​ളെ സൃ​ഷ്ടി​ക്കു​ന്ന​തി​ന​പ്പു​റം തൊ​ഴി​ൽ സാ​ധ്യ​ത​ക​ളി​ലേ​ക്കു​കൂ​ടി, ആ​ഗോ​ള​ത​ല​ത്തി​ൽ ഉ​ന്ന​ത വി​ദ്യാ​ഭ്യാ​സ മേ​ഖ​ല വ​ഴി​മാ​റി​ന​ട​ക്കാ​ൻ തു​ട​ങ്ങി​യി​ട്ട് കാ​ല​മേ​റെ​യാ​യി. ആ മാ​റ്റ​ത്തി​ന്റെ കാ​റ്റേ​ൽ​ക്കാ​ത്ത കേ​ര​ള​വും ആ ​ബ​സി​ൽ ക​യ​റു​കയാണ്.

ഇതിന് പല കാ​ര​ണ​ങ്ങ​ളു​ണ്ട്. തൊ​ഴി​ൽ സാ​ധ്യ​ത​കൂ​ടി മു​ന്നി​ൽ​ക്ക​ണ്ട് പ്ര​തി​വ​ർ​ഷം പ​തി​നാ​യി​ര​ക്ക​ണ​ക്കി​ന് വി​ദ്യാ​ർ​ഥി​ക​ൾ വി​ദേ​ശ​ത്തേ​ക്ക് പ​റ​ക്കു​ന്നു​വെ​ന്ന ക​ണ​ക്കു​ക​ൾ ഇ​തോ​ടൊ​പ്പം ചേ​ർ​ത്തു​വാ​യി​ക്കേ​ണ്ട​താ​ണ്.

മാ​റ്റ​ത്തി​ലേ​ക്കു​ള്ള വ​ഴി

ഉ​ന്ന​ത വി​ദ്യാ​ഭ്യാ​സ​ത്തി​ന്റെ കേ​ന്ദ്ര​ങ്ങ​ളാ​യി മാ​റു​ന്ന രാ​ജ്യ​ങ്ങ​ളെ​ല്ലാം നാ​ലു വ​ർ​ഷ ബി​രു​ദ പ​ഠ​ന​ത്തി​ലേ​ക്ക് മാ​റി​യി​ട്ട് വ​ർ​ഷ​ങ്ങ​ളാ​യി. അ​തി​ന​നു​സൃ​ത​മാ​യി പി.​ജി പ​ഠ​നം ഒ​രു വ​ർ​ഷ​മാ​യി ചു​രു​ക്കു​ക​യും ചെ​യ്തു. കേ​ര​ള​ത്തി​ൽ​നി​ന്നു​ള്ള​വ​ർ​ക്ക് വി​ദേ​ശ ഉ​പ​രി​പ​ഠ​ന​ത്തി​ന് പ്ര​ധാ​ന ത​ട​സ്സ​മാ​യി മൂ​ന്നു വ​ർ​ഷ ബി​രു​ദ കോ​ഴ്സ് നി​ൽ​ക്കു​ന്നു​വെ​ന്ന​തു​ത​ന്നെ​യാ​ണ് മാ​റ്റ​ത്തി​ന്റെ പ്ര​ധാ​ന കാ​ര​ണ​ങ്ങ​ളി​ലൊ​ന്ന്.

കോ​ഴ്സു​ക​ളി​ലെ വൈ​വി​ധ്യ​മി​ല്ലാ​യ്മ​യും ഇ​ഷ്ട കോ​ഴ്സു​ക​ൾ തെ​ര​ഞ്ഞെ​ടു​ക്കു​ന്ന​തി​നു​ള്ള ത​ട​സ്സ​ങ്ങ​ളും കേ​ര​ള​ത്തി​ലെ ബി​രു​ദ പ​ഠ​നം ആ​ക​ർ​ഷ​ക​മ​ല്ലാ​താ​ക്കി​യി​ട്ടു​ണ്ട്. ഉദാഹരണത്തിന് സ​യ​ൻ​സി​നൊ​പ്പം സം​ഗീ​തം പ​ഠി​ക്കാ​ൻ ആ​ഗ്ര​ഹി​ക്കു​ന്ന കു​ട്ടി​ക്ക് അ​തി​നു​ള്ള അ​വ​സ​ര​മി​ല്ല. തൊ​ഴി​ൽ നൈ​പു​ണ്യ​മെ​ന്ന​ത് ന​മ്മു​ടെ ഉ​ന്ന​ത വി​ദ്യാ​ഭ്യാ​സ മേ​ഖ​ല​യു​ടെ പ​രി​ഗ​ണ​ന വി​ഷ​യ​മാ​യി​രു​ന്നി​ല്ല. പ്ര​ത്യേ​കി​ച്ചൊ​രു തൊ​ഴി​ൽ​വൈ​ദ​ഗ്ധ്യ​വു​മി​ല്ലാ​ത്ത​വ​രാ​യാ​ണ് ഇ​വി​ടെ മ​ഹാ​ഭൂ​രി​ഭാ​ഗം ബി​രു​ദ​ധാ​രി​ക​ളെ​യും സൃ​ഷ്ടി​ക്കു​ന്ന​ത്.

നി​ല​മൊ​രു​ക്കാ​ൻ ഒ​രു വ​ർ​ഷം

കേ​ര​ള​ത്തി​ലെ ഉ​ന്ന​ത വി​ദ്യാ​ഭ്യാ​സ മേ​ഖ​ല​യി​ൽ മാറ്റങ്ങൾ നിർദേശിച്ച് ഡോ. ​ശ്യാം ബി. ​മേ​നോ​ൻ അ​ധ്യ​ക്ഷ​നാ​യ സ​മി​തി​ സമർപ്പിച്ച ശി​പാ​ർ​ശ​ക​ളി​ൽ ഒ​ന്നാ​യി​രു​ന്നു നാ​ലു വ​ർ​ഷ ബി​രു​ദ​ം. റി​പ്പോ​ർ​ട്ട് അം​ഗീ​ക​രി​ച്ച സ​ർ​ക്കാ​ർ തു​ട​ർ​ന​ട​പ​ടി​ക്കാ​യി കേ​ര​ള ശാ​സ്ത്ര സാേ​ങ്ക​തി​ക പ​രി​സ്ഥി​തി കൗ​ൺ​സി​ൽ മു​ൻ എ​ക്സി. വൈ​സ്ചെ​യ​ർ​മാ​ൻ പ്ര​ഫ. സു​രേ​ഷ്ദാ​സ് അ​ധ്യ​ക്ഷ​നാ​യി സം​സ്ഥാ​ന ഉ​ന്ന​ത വി​ദ്യാ​ഭ്യാ​സ ക​രി​ക്കു​ലം ക​മ്മി​റ്റി രൂ​പ​വ​ത്ക​രി​ച്ചു.

ഈ ​സ​മി​തി മാ​തൃ​കാ പാ​ഠ്യ​പ​ദ്ധ​തി രൂ​പ​പ്പെ​ടു​ത്തി. ഇ​ത് മു​ന്നി​ൽ​നി​ർ​ത്തി ന​ട​ത്തി​യ ച​ർ​ച്ച​ക​ളി​ലൂ​ടെ​യും കൂ​ടി​യാ​ലോ​ച​ന​ക​ളി​ലൂ​ടെ​യു​മാ​ണ് നാ​ലു വ​ർ​ഷ ബി​രു​ദ കോ​ഴ്സു​ക​ളു​ടെ ച​ട്ട​ക്കൂ​ട് ഒ​രു​ങ്ങി​യ​ത്. ദേ​ശീ​യ വി​ദ്യാ​ഭ്യാ​സ ന​യം 2020 (എ​ൻ.​ഇ.​പി) ൽ ​ബി​രു​ദ കോ​ഴ്സ് ച​ട്ട​ക്കൂ​ട് നാ​ലു വ​ർ​ഷ​ത്തി​ലേ​ക്ക് മാ​റ്റാ​ൻ നി​ർ​ദേ​ശ​മു​ണ്ടാ​യി​രു​ന്നു.

എ​ന്നാ​ൽ, എ​ൻ.​ഇ.​പി​യി​ൽ​നി​ന്ന് വ്യ​ത്യ​സ്ത​മാ​യ വ്യ​വ​സ്ഥ​ക​ളോ​ടെ​യാ​ണ് കേ​ര​ളം നാ​ലു വ​ർ​ഷ ബി​രു​ദ​ത്തി​ലേ​ക്ക് മാ​റു​ന്ന​ത്. എ​ൻ.​ഇ.​പി ബി​രു​ദ പ​ഠ​ന​ത്തി​ൽ ഒ​ന്ന്, ര​ണ്ട് വ​ർ​ഷ​ങ്ങ​ളി​ലെ​ല്ലാം കു​ട്ടി​ക്ക് പു​റ​ത്തു​പോ​കാ​നു​ള്ള (എ​ക്സി​റ്റ്) സൗ​ക​ര്യ​മു​ണ്ട്. എ​ന്നാ​ൽ, കേ​ര​ള​ത്തി​ൽ ഈ ​സൗ​ക​ര്യം മൂ​ന്നാം വ​ർ​ഷ​ത്തി​ൽ മാ​ത്ര​മാ​ണ്.

ക്രെ​ഡി​റ്റ് പഠനം

മു​ൻ​കാ​ല ബി​രു​ദ പ​ഠ​ന​ത്തി​ൽ ഉ​പ​യോ​ഗി​ച്ചി​രു​ന്ന വി​ഷ​യം/ പേ​പ്പ​ർ തു​ട​ങ്ങി​യ സ​ങ്ക​ൽ​പ​ങ്ങ​ളു​ടെ സ്ഥാ​ന​ത്ത് ഇ​നി ക്രെ​ഡി​റ്റു​ക​ളായിരിക്കും. വി​ദ്യാ​ർ​ഥി ഒ​രു വി​ഷ​യ​ത്തി​ൽ ചെ​ല​വ​ഴി​ക്കേ​ണ്ട പ​ഠ​ന മ​ണി​ക്കൂ​റി​ന്റെ അ​ടി​സ്ഥാ​ന​ത്തി​ൽ നി​ശ്ച​യി​ക്കു​ന്ന​താ​ണ് ക്രെ​ഡി​റ്റ്. തി​യ​റി​യി​ൽ ഒ​രു ക്രെ​ഡി​റ്റ് നേ​ടാ​ൻ ഒ​രു സെ​മ​സ്റ്റ​റി​ൽ 45 മ​ണി​ക്കൂ​ർ പ​ഠ​ന​പ്ര​വ​ർ​ത്ത​ന​ത്തി​നാ​യി ചെ​ല​വ​ഴി​ക്ക​ണം.

ഇ​തി​ൽ 15 മ​ണി​ക്കൂ​ർ ക്ലാ​സ് ത​ല​ത്തി​ലും (ലെ​ക്ച​ർ/ ട്യൂേ​ട്ടാ​റി​യ​ൽ/ മ​റ്റു നേ​രി​ട്ടു​ള്ള പ​ഠ​ന പ്ര​വ​ർ​ത്ത​ന​ങ്ങ​ൾ) 30 മ​ണി​ക്കൂ​ർ സ്വ​യം​പ​ഠ​ന​വും വേ​ണം. പ്രാ​ക്ടി​ക്ക​ലി​ൽ ഒ​രു ക്രെ​ഡി​റ്റ് നേ​ടാ​ൻ സെ​മ​സ്റ്റ​റി​ൽ 30 മ​ണി​ക്കൂ​ർ പ​ഠ​ന പ്ര​വ​ർ​ത്ത​ന​ം വേണം. ഫീ​ൽ​ഡ് പ്ര​വ​ർ​ത്ത​ന​ങ്ങ​ളി​ൽ ഒ​രു ക്രെ​ഡി​റ്റിന് സെ​മ​സ്റ്റ​റി​ൽ 45 മ​ണി​ക്കൂ​ർ പ​ഠ​ന പ്ര​വ​ർ​ത്ത​ന​ം വേണം. ഒ​രു സെ​മ​സ്റ്റ​റി​ൽ 18 ആ​ഴ്ച​ക​ളി​ലാ​യി 90 ദി​വ​സ​ങ്ങ​ൾ (18x5=90) അ​ട​ങ്ങി​യി​രി​ക്കും.

ഇ​തി​ൽ 15 ആ​ഴ്ച​ക​ൾ അ​ധ്യ​യ​ന -പ​ഠ​ന പ്ര​വ​ർ​ത്ത​ന​ങ്ങ​ൾ​ക്കും മൂ​ന്നാ​ഴ്ച പ​രീ​ക്ഷ​ക​ൾ​ക്കു​മാ​യി​രി​ക്കും ചെ​ല​വ​ഴി​ക്കു​ക. ആ​ദ്യ ര​ണ്ട് വ​ർ​ഷ​ങ്ങ​ളി​ൽ വി​വി​ധ വി​ഷ​യ​ങ്ങ​ളി​ൽ അ​ടി​സ്ഥാ​ന അ​റി​വ് നേ​ടാ​ൻ പ​ഠി​ക്കേ​ണ്ട ഫൗ​ണ്ടേ​ഷ​ൻ കോ​ഴ്സു​ക​ളു​ടെ കാ​ര്യ​ത്തി​ൽ മൂ​ന്ന് ക്രെ​ഡി​റ്റു​ക​ൾ അ​ട​ങ്ങി​യ​ത് ഒ​രു കോ​ഴ്സാ​യി പ​രി​ഗ​ണി​ക്കും. മേ​ജ​ർ, മൈ​ന​ർ വി​ഷ​യ​ങ്ങ​ളു​ടെ കാ​ര്യ​ത്തി​ൽ നാ​ല് ക്രെ​ഡി​റ്റു​ക​ൾ അ​ട​ങ്ങു​ന്ന​താ​യി​രി​ക്കും ഒ​രു കോ​ഴ്സ് ആ​യി പ​രി​ഗ​ണി​ക്കു​ക.

മൂന്നിന് 133 ക്രെ​ഡി​റ്റ്; നാ​ലിന് 177

മൂ​ന്നു വ​ർ​ഷം പൂ​ർ​ത്തി​യാ​ക്കി പ​ഠ​നം അ​വ​സാ​നി​പ്പി​ക്കു​ന്ന വി​ദ്യാ​ർ​ഥി 133 ക്രെ​ഡി​റ്റ് നേ​ടി​യി​ട്ടു​ണ്ടെ​ങ്കി​ൽ, നി​ല​വി​ലെ രീ​തി​യി​ലു​ള്ള ത്രി​വ​ത്സ​ര ബി​രു​ദം ല​ഭി​ക്കും. എ​ന്നാ​ൽ നാ​ലു വ​ർ​ഷ ഒാ​ണേ​ഴ്സ് ബി​രു​ദ​മാ​ണ് ആ​ഗ്ര​ഹി​ക്കു​ന്ന​തെ​ങ്കി​ൽ മൊ​ത്തം 177 ക്രെ​ഡി​റ്റ് നേ​ട​ണം.

മി​ടു​ക്ക​രാ​യ വി​ദ്യാ​ർ​ഥി​ക​ൾ​ക്ക് ര​ണ്ട​ര വ​ർ​ഷം കൊ​ണ്ട് 133 ക്രെ​ഡി​റ്റ് ആ​ർ​ജി​ച്ച് മൂ​ന്നു വ​ർ​ഷ ബി​രു​ദ​വും, മൂ​ന്ന​ര വ​ർ​ഷം കൊ​ണ്ട് 177 ക്രെ​ഡി​റ്റ് ആ​ർ​ജി​ച്ച് നാ​ലു വ​ർ​ഷ ബി​രു​ദ​വും പൂ​ർ​ത്തി​യാ​ക്കാ​നു​ള്ള അ​വ​സ​ര​വു​മു​ണ്ട്. കോ​ഴ്സി​നി​ട​യി​ൽ ഇ​ട​വേ​ള​ക്കും അ​വ​സ​ര​മു​ണ്ടാ​കും. പ്ര​വേ​ശ​നം മു​ത​ൽ ഏ​ഴ് വ​ർ​ഷ​മാ​ണ് കോ​ഴ്സ് പൂ​ർ​ത്തി​യാ​ക്കാ​നു​ള്ള പ​ര​മാ​വ​ധി കാ​ല​യ​ള​വ്.

കോ​ള​ജും സ​ർ​വ​ക​ലാ​ശാ​ല​യും മാ​റാം

പ​ഠ​ന​ത്തി​നി​ടെ വി​ദ്യാ​ർ​ഥി​ക്ക് കോ​ള​ജും സ​ർ​വ​ക​ലാ​ശാ​ല​യും മാ​റാ​ൻ അ​വ​സ​ര​വു​മു​ണ്ട്. ഇ​തി​നാ​യി ആ​ദ്യം പ​ഠി​ക്കു​ന്ന കോ​ള​ജ്/ സ​ർ​വ​ക​ലാ​ശാ​ല​യി​ൽ നി​ന്ന് നേ​ടു​ന്ന ക്രെ​ഡി​റ്റു​ക​ൾ ക്രെ​ഡി​റ്റ് ബാ​ങ്കി​ൽ നി​ക്ഷേ​പി​ക്കും. മാ​റി​യെ​ത്തു​ന്ന കോ​ള​ജ്/ സ​ർ​വ​ക​ലാ​ശാ​ല​യി​ലേ​ക്ക് നേ​ര​ത്തേ നേ​ടി​യ ക്രെ​ഡി​റ്റ്, ക്രെ​ഡി​റ്റ് ബാ​ങ്കി​ൽ നി​ന്ന് ട്രാ​ൻ​സ്ഫ​ർ ചെ​യ്യു​ക​യും ബി​രു​ദം നേ​ടാ​ൻ അ​വ​ശേ​ഷി​ക്കു​ന്ന ക്രെ​ഡി​റ്റ് പൂ​ർ​ത്തി​യാ​ക്കു​ക​യും ചെ​യ്താ​ൽ മ​തി.

മേ​ജ​ർ, മൈ​ന​ർ കോ​ഴ്സു​ക​ൾ

ബി​രു​ദ കോ​ഴ്സു​ക​ളി​ലെ വി​ഷ​യ​ങ്ങ​ളെ മു​ൻ​കാ​ല​ങ്ങ​ളി​ൽ മെ​യി​ൻ, സ​ബ്സി​ഡി​യ​റി എ​ന്നും പി​ന്നീ​ട് കോ​ർ, കോം​പ്ലി​മെ​ന്റ​റി എ​ന്നെ​ല്ലാം വി​ളി​ച്ചി​രു​ന്നു. നാ​ലു വ​ർ​ഷ ഘ​ട​ന​യിേ​ല​ക്ക് മാ​റു​ന്ന ബി​രു​ദ​ത്തി​ൽ ഇതിനു പകരം മേ​ജ​ർ, മൈ​ന​ർ എ​ന്ന പ​രി​ഗ​ണ​ന​ക​ളാ​യി​രി​ക്കും ന​ൽ​കു​ക. ആ​റു​ത​രം ഘ​ട​ന​യു​ള്ള കോ​ഴ്സു​ക​ളാ​ണ് നാ​ലു വ​ർ​ഷ ബി​രു​ദ​ത്തി​ലൂ​ടെ ല​ഭി​ക്കു​ക.

മേ​ജ​ർ കോ​ഴ്സു​ക​ൾ

ഏ​തെ​ങ്കി​ലും വി​ഷ​യ​ത്തെ​ക്കു​റി​ച്ച് ആ​ഴ​ത്തി​ലു​ള്ള പ​ഠ​ന​ത്തി​നാ​യി തെ​ര​ഞ്ഞെ​ടു​ക്കു​ന്ന കോ​ഴ്സാ​ണ് മേ​ജ​ർ കോ​ഴ്സ്. ഉ​ദാ​ഹ​ര​ണ​ത്തി​ന് ബി.​എ​സ്‍സി​ക്ക് ചേ​രു​ന്ന വി​ദ്യാ​ർ​ഥി ആ​ഴ​ത്തി​ലു​ള്ള പ​ഠ​ന​ത്തി​നാ​യി തെ​ര​ഞ്ഞെ​ടു​ക്കു​ന്ന​ത് ഫി​സി​ക്സ് ആ​ണെ​ങ്കി​ൽ ആ ​വി​ഷ​യം ആ​ണ് മേ​ജ​ർ കോ​ഴ്സ്.

കോ​ഴ്സ് കാ​ല​യ​ള​വി​ൽ നേ​ടേ​ണ്ട മൊ​ത്തം ക്രെ​ഡി​റ്റി​ന്റെ പ​കു​തി മേ​ജ​ർ വി​ഷ​യ​ത്തി​ൽ ആ​യി​രി​ക്ക​ണം. മൂ​ന്നു വ​ർ​ഷ ബി​രു​ദം ചെ​യ്യു​ന്ന​വ​ർ​ക്ക് ആ​കെ നേ​ടേ​ണ്ട 133 ക്രെ​ഡി​റ്റി​ൽ 68 എ​ണ്ണ​വും മേ​ജ​ർ വി​ഷ​യ​ത്തി​ലാ​യി​രി​ക്ക​ണം. നാ​ലു വ​ർ​ഷ ബി​രു​ദം ചെ​യ്യു​ന്ന​വ​ർ നേ​ടേ​ണ്ട 177 ക്രെ​ഡി​റ്റി​ൽ 88 എ​ണ്ണ​വും മേ​ജ​ർ വി​ഷ​യ​ത്തി​ലാ​യി​രി​ക്ക​ണം.

മൈ​ന​ർ കോ​ഴ്സു​ക​ൾ

മേ​ജ​ർ കോ​ഴ്സു​ക​ളി​ൽ നി​ന്ന് വ്യ​ത്യ​സ്ത​മാ​യ കോ​ഴ്സു​ക​ൾ മൈ​ന​ർ കോ​ഴ്സു​ക​ളാ​യി തെ​ര​ഞ്ഞെ​ടു​ക്കാം. ഇ​തി​ൽ ഇ​ഷ്ട​മു​ള്ള വി​ഷ​യ​ങ്ങ​ൾ തെ​ര​ഞ്ഞെ​ടു​ക്കാ​നു​ള്ള സ്വാ​ത​ന്ത്ര്യ​മു​ണ്ട്. മേ​ജ​ർ ചെ​യ്യു​ന്ന വി​ഷ​യ​ത്തി​ൽ ത​ന്നെ മൈ​ന​ർ കോ​ഴ്സ് ചെ​യ്യാ​ൻ പാ​ടി​ല്ല.

മൂ​ന്നു വ​ർ​ഷ ബി​രു​ദ കോ​ഴ്സി​ൽ മൈ​ന​ർ കോ​ഴ്സ് ചെ​യ്യു​ന്ന വി​ഷ​യ​ത്തി​ൽ 24 ക്രെ​ഡി​റ്റു​ക​ൾ നേ​ടി​യി​രി​ക്ക​ണം. നാ​ലു വ​ർ​ഷ കോ​ഴ്സി​ൽ മൈ​ന​ർ വി​ഭാ​ഗ​ത്തി​ൽ 32 -36 ക്രെ​ഡി​റ്റു​ക​ൾ നേ​ടി​യി​രി​ക്ക​ണം. തെ​ര​ഞ്ഞെ​ടു​ത്ത മൈ​ന​ർ കോ​ഴ്സു​ക​ളെ പി​ന്നീ​ട് മേ​ജ​ർ കോ​ഴ്സാ​ക്കി മാ​റ്റാ​നും അ​വ​സ​ര​മു​ണ്ടാ​കും.

കോ​ഴ്സ് ബാ​സ്ക​റ്റ്

ഒാ​രോ കാ​മ്പ​സി​ലും വി​ദ്യാ​ർ​ഥി​ക​ൾ​ക്ക് മൈ​ന​റാ​യി പ​ഠി​ക്കാ​ൻ ക​ഴി​യു​ന്ന മു​ഴു​വ​ൻ വി​ഷ​യ​ങ്ങ​ളു​ടെ​യും പ​ട്ടി​ക ത​യാ​റാ​ക്കി വി​ദ്യാ​ർ​ഥി​ക​ളെ അ​റി​യി​ക്ക​ണം. താ​ൽ​പ​ര്യ​മു​ള്ള വി​ഷ​യം അ​വി​ടെ​യി​ല്ലെ​ങ്കി​ൽ വി​ഷ​യം ഒാ​ൺ​ലൈ​ൻ വ​ഴി മൈ​ന​ർ ആ​യി ചെ​യ്യാ​നു​ള്ള അ​വ​സ​ര​വും ഉ​ണ്ടാ​യി​രി​ക്കും. കോ​ഴ്സ് ബാ​സ്ക​റ്റി​ന​ക​ത്ത് ആ​വ​ശ്യ​മാ​യ കോ​ഴ്സു​ക​ളി​ല്ലെ​ങ്കി​ൽ അ​ധ്യാ​പ​ക​ർ​ക്ക് കോ​ഴ്സു​ക​ൾ ത​യാ​റാ​ക്കി സ​ർ​വ​ക​ലാ​ശാ​ല പ​ഠ​ന ബോ​ർ​ഡി​ന്റെ അം​ഗീ​കാ​ര​ം വാങ്ങി പ​ഠി​പ്പി​ക്കാ​നു​ള്ള സ്വാ​ത​ന്ത്ര്യ​വും ഉ​ണ്ടാ​യി​രി​ക്കും.

പാ​ത്ത് വേ

​വി​ദ്യാ​ർ​ഥി​ക​ൾ​ക്ക് തെ​ര​ഞ്ഞെ​ടു​ക്കാ​വു​ന്ന കോ​ഴ്സു​ക​ളു​ടെ വ​ഴി​കാ​ട്ടി​യാ​ണ് പാ​ത്ത് വേ. ​മേ​ജ​ർ വി​ത്ത് മൈ​ന​ർ, സിം​ഗ്ൾ മേ​ജ​ർ, ഡ​ബ്ൾ മേ​ജ​ർ, മേ​ജ​ർ വി​ത്ത് മ​ൾ​ട്ടി​പ്ൾ മൈ​ന​ർ ഡി​സി​പ്ലി​ൻ എ​ന്നി​ങ്ങ​നെ വി​വി​ധ പാ​ത്ത് വേ​ക​ൾ കോ​ള​ജു​ക​ൾ ഒാ​ഫ​ർ ചെ​യ്യു​ന്നു. പൊ​തു​വാ​യി ആ​റ് രീ​തി​യി​ലു​ള്ള പാ​ത്ത് വേ​ക​ൾ ആ​ണ് നാ​ലു വ​ർ​ഷ ബി​രു​ദ കോ​ഴ്സി​ൽ രൂ​പ​പ്പെ​ടു​ത്തി​യി​രി​ക്കു​ന്ന​ത്.

പ​ഠ​ന​ത്തി​ന്റെ ആ​റു വ​ഴി​ക​ൾ

ബി​രു​ദ പ​ഠ​നം വി​ദ്യാ​ർ​ഥി​ക്ക് സ്വ​ന്തം നി​ല​യി​ൽ ഡി​സൈ​ൻ ചെ​യ്യാ​ൻ ക​ഴി​യു​മെ​ന്ന​താ​ണ് പു​തി​യ രീ​തി​യു​ടെ പ്ര​ധാ​ന ആ​ക​ർ​ഷ​ണം.

01 സിം​ഗ്ൾ മേ​ജ​ർ ഒ​രു വി​ഷ​യം മാ​ത്രം ആ​ഴ​ത്തി​ൽ പ​ഠി​ക്കു​ന്ന​വ​ർ​ക്ക് സിം​ഗ്ൾ മേ​ജ​ർ ബി​രു​ദ​മാ​യി​രി​ക്കും ല​ഭി​ക്കു​ക. ഒ​രു വി​ഷ​യ​ത്തി​ലും കേ​ന്ദ്രീ​ക​രി​ക്കാ​തെ താ​ൽ​പ​ര്യ​മു​ള്ള പ​ല വി​ഷ​യ​ങ്ങ​ൾ മൈ​ന​റാ​യി പ​ഠി​ച്ചാ​ൽ മേ​ജ​റി​നൊ​പ്പം മൈ​ന​ർ ബി​രു​ദം ല​ഭി​ക്കി​ല്ല. ഉ​ദാ​ഹ​ര​ണ​ത്തി​ന് ഫി​സി​ക്സ് മേ​ജ​റി​നൊ​പ്പം കെ​മി​സ്ട്രി, മാ​ത്സ്, ക​മ്പ്യൂ​ട്ട​ർ സ​യ​ൻ​സ്, ഇം​ഗ്ലീ​ഷ് തു​ട​ങ്ങി വ്യ​ത്യ​സ്ത വി​ഷ​യ​ങ്ങ​ളാ​ണ് പ​ഠി​ക്കു​ന്ന​തെ​ങ്കി​ൽ അ​വ​ർ​ക്ക് ഫി​സി​ക്സ് (മേ​ജ​ർ) എ​ന്ന ബി​രു​ദ​മാ​കും ല​ഭി​ക്കു​ക.

02 മേ​ജ​ർ വി​ത്ത് മ​ൾ​ട്ടി​പ്ൾ ഡി​സി​പ്ലി​ൻ​സ് നി​ല​വി​ലു​ള്ള ബി​രു​ദ പ​ഠ​ന​ത്തി​ന്റെ അ​തേ​ ​രീ​തിയാണിത്. ഒ​രു വി​ഷ​യ​ത്തി​ൽ ആ​ഴ​ത്തി​ലു​ള്ള പ​ഠ​ന​വും മ​റ്റു ര​ണ്ട് വി​ഷ​യ​ങ്ങ​ളി​ലു​ള്ള പ​ഠ​ന​വു​മാ​ണ് ഇൗ ​കാ​റ്റ​ഗ​റി​യി​ൽ വ​രു​ന്ന​ത്. ഉ​ദാ​ഹ​ര​ണ​ത്തി​ന് മൂ​ന്നു വ​ർ​ഷ ബി​രു​ദ​ത്തി​ൽ ഫി​സി​ക്സ് മേ​ജ​ർ കോ​ഴ്സി​നൊ​പ്പം കെ​മി​സ്ട്രി, മാ​ത്സ് എ​ന്നീ വി​ഷ​യ​ങ്ങ​ളി​ൽ മൂ​ന്ന് കോ​ഴ്സ് വീ​തം ചെ​യ്താ​ൽ ഫി​സി​ക്സ് മേ​ജ​ർ ബി​രു​ദ​വും കെ​മി​സ്ട്രി​യി​ലും മാ​ത്സി​ലും മൈ​ന​ർ ബി​രു​ദ​വും ല​ഭി​ക്കും.

03 മേ​ജ​ർ വി​ത്ത് സിം​ഗ്ൾ മൈ​ന​ർ ഒ​രു വി​ഷ​യ​ത്തി​ൽ മേ​ജ​ർ എ​ടു​ക്കുേ​മ്പാ​ൾ അ​തോ​ടൊ​പ്പം മ​റ്റൊ​രു വി​ഷ​യം മൈ​ന​ർ ആ​യി പ​ഠി​ച്ചാൽ അത് മേ​ജ​ർ വി​ത്ത് സിം​ഗ്ൾ മൈ​ന​ർ ബി​രു​ദ​മാ​യി​രി​ക്കും.

04 മേ​ജ​ർ വി​ത്ത് വൊ​ക്കേ​ഷ​ന​ൽ മൈ​ന​ർ ഒ​രു വി​ഷ​യ​ത്തി​ൽ മേ​ജ​ർ പ​ഠ​നം ന​ട​ത്തുേ​മ്പാ​ൾ തൊ​ഴി​ൽ സാ​ധ്യ​ത​യു​ള്ള വി​ഷ​യം മൈ​ന​ർ ആ​യി തെ​ര​ഞ്ഞെ​ടു​ത്ത് പ​ഠി​ക്കു​ന്ന രീ​തി​യാ​ണി​ത്. ഉ​ദാ​ഹ​ര​ണ​ത്തി​ന്, ഫി​സി​ക്സി​നൊ​പ്പം ഡേ​റ്റ അ​ന​ലി​റ്റി​ക്സ് പ​ഠ​നം. പ​ഠി​ക്കു​ന്ന കോ​ള​ജി​ൽ അ​ത്ത​രം കോ​ഴ്സ് ല​ഭ്യ​മ​ല്ലെ​ങ്കി​ൽ ഒാ​ൺ​ലൈ​നാ​യി വൊ​ക്കേ​ഷ​ന​ൽ കോ​ഴ്സ് തെ​ര​ഞ്ഞെ​ടു​ത്ത് പ​ഠി​ക്കാം.

05 ഡ​ബ്ൾ മേ​ജ​ർ ര​ണ്ട് പ്ര​ധാ​ന വി​ഷ​യ​ങ്ങ​ളി​ൽ ആ​ഴ​ത്തി​ൽ പ​ഠി​ക്കാ​നു​ള്ള അ​വ​സ​ര​മാ​ണ് ഡ​ബ്ൾ മേ​ജ​ർ കോ​ഴ്സു​ക​ൾ. ഇ​തി​ൽ ഒ​രു വി​ഷ​യ​ത്തി​ൽ മൊ​ത്തം ക്രെ​ഡി​റ്റി​ന്റെ 50 ശ​ത​മാ​ന​വും ര​ണ്ടാ​മ​ത്തെ വി​ഷ​യ​ത്തി​ന്റെ 40 ശ​ത​മാ​ന​വും നേ​ടി​യി​രി​ക്ക​ണം.

06 മ​ൾ​ട്ടി ഡി​സി​പ്ലി​ന​റി / ഇ​ൻ​റ​ർ ഡി​സി​പ്ലി​ന​റി മൂ​ന്നു വ്യ​ത്യ​സ്ത മേ​ജ​ർ വി​ഷ​യ​ങ്ങ​ൾ ചേ​രു​ന്ന കോ​മ്പി​നേ​ഷ​ൻ കോ​ഴ്സാ​ണി​ത്. ഉ​ദാ​ഹ​ര​ണ​ത്തി​ന്, ലൈ​ഫ് സ​യ​ൻ​സ്, മൈ​ക്രോ​ബ​യോ​ള​ജി, ബ​യോ​ടെ​ക്നോ​ജി / മാ​ത്ത​മാ​റ്റി​ക്സ്, ക​മ്പ്യൂ​ട്ട​ർ സ​യ​ൻ​സ്, സ്റ്റാ​റ്റി​സ്റ്റി​ക്സ് എ​ന്നി​വ ചേ​ർ​ത്തു​ള്ള പ​ഠ​ന രീ​തി.

ഫൗ​ണ്ടേ​ഷ​ൻ കോ​ഴ്സു​ക​ൾ

വി​വി​ധ വി​ഷ​യ​ങ്ങ​ളി​ൽ അ​ടി​സ്ഥാ​ന​പ​ര​മാ​യ അ​റി​വ് നേ​ടാ​നു​ള്ള​വ​യാ​ണ് ഫൗ​ണ്ടേ​ഷ​ൻ കോ​ഴ്സു​ക​ൾ. ഇ​വ ആ​ദ്യ​ത്തെ ര​ണ്ട് വ​ർ​ഷ​ങ്ങ​ളി​ലാ​യി പ​ഠി​ക്ക​ണം. ബി​രു​ദ​ത്തി​ന് ചേ​രു​ന്ന മു​ഴു​വ​ൻ വി​ദ്യാ​ർ​ഥി​ക​ളും 13 ഫൗ​ണ്ടേ​ഷ​ൻ കോ​ഴ്സു​ക​ൾ (39 ക്രെ​ഡി​റ്റ്) നി​ർ​ബ​ന്ധ​മാ​യും പൂ​ർ​ത്തി​യാ​ക്ക​ണം.

ഭാ​ഷ, ഭ​ര​ണ​ഘ​ട​ന, ലിം​ഗ​നീ​തി തു​ട​ങ്ങി​യ പൊ​തു​വി​ജ്ഞാ​ന വി​ഷ​യ​ങ്ങ​ളും നൈ​പു​ണ്യ പ്രോ​ത്സാ​ഹ​നം, കേ​ര​ള​ത്തി​ന്റെ ത​ന​ത് വി​ജ്ഞാ​നം നേ​ടാ​ൻ വ​ഴി​യൊ​രു​ക്കു​ന്ന വി​ഷ​യ​ങ്ങ​ൾ എ​ന്നി​വ അ​ട​ങ്ങു​ന്ന​താ​ണ് ജ​ന​റ​ൽ ഫൗ​ണ്ടേ​ഷ​ൻ കോ​ഴ്സു​ക​ൾ.

എ​ബി​ലി​റ്റി എ​ൻ​ഹാ​ൻ​സ്മെ​ന്റ് കോ​ഴ്സു​ക​ൾ (ഭാ​ഷാ​പ​ഠ​നം ഇ​തി​ലാ​ണ് വ​രു​ന്ന​ത്), സ്കി​ൽ എ​ൻ​ഹാ​ൻ​സ്മെ​ന്റ് കോ​ഴ്സു​ക​ൾ, വാ​ല്യൂ അ​ഡീ​ഷ​ൻ കോ​ഴ്സു​ക​ൾ, മ​ൾ​ട്ടി ഡി​സി​പ്ലി​ന​റി കോ​ഴ്സു​ക​ൾ എ​ന്നി​ങ്ങ​നെ നാ​ല് കോ​ഴ്സു​ക​ൾ ബാ​സ്ക​റ്റു​ക​ൾ ആ​യാ​ണ് ജ​ന​റ​ൽ ഫൗ​ണ്ടേ​ഷ​ൻ കോ​ഴ്സു​ക​ൾ ന​ൽ​കി​യി​ട്ടു​ള്ള​ത്. ഫൗ​ണ്ടേ​ഷ​ൻ കോ​ഴ്സു​ക​ൾ കോ​ള​ജ്ത​ല​ത്തി​ലാ​ണ് തീ​രു​മാ​നി​ക്കേ​ണ്ട​ത്.

ഇ​ന്റേ​ൺ​ഷി​പ്

നാ​ലു വ​ർ​ഷ ബി​രു​ദ കോ​ഴ്സ് തെ​ര​ഞ്ഞെ​ടു​ക്കു​ന്ന​വ​രെ​ല്ലാം സ്ഥാ​പ​ന​ങ്ങ​ളി​ലോ വ്യ​വ​സാ​യ ശാ​ല​ക​ളി​ലോ ഫാ​ക്ക​ൽ​റ്റി​ക​ളോ​ടൊ​പ്പ​മോ ഗ​വേ​ഷ​ക​രോ​ടൊ​പ്പ​മോ 120 മ​ണി​ക്കൂ​ർ ഇ​ന്റേ​ൺ​ഷി​പ് പൂ​ർ​ത്തി​യാ​ക്ക​ണം. ര​ണ്ട് ക്രെ​ഡി​റ്റാ​ണ് ഇ​ന്റേ​ൺ​ഷി​പ്പി​ന് ന​ൽ​കു​ന്ന​ത്. പു​റ​ത്ത് പ്രോ​ജ​ക്ട് ല​ഭി​ക്കാ​ത്ത​വ​ർ​ക്ക് കാ​മ്പ​സി​ൽ അ​ധ്യാ​പ​ക​ർ​ക്കൊ​പ്പം പൂ​ർ​ത്തി​യാ​ക്കാം.

പ​രീ​ക്ഷ​യും മാ​റും

കോ​ഴ്സ് ഘ​ട​ന മാ​റു​ന്ന​തി​ന് അ​നു​സ​രി​ച്ച് പ​രീ​ക്ഷ​രീ​തി​യി​ലും മാ​റ്റം വ​രും. നി​ല​വി​ലു​ള്ള തി​യ​റി ഇ​ന്റേ​ണ​ൽ മാ​ർ​ക്ക് അ​നു​പാ​തം 80:20ൽ​നി​ന്ന് 70:30 ആ​ക്കി മാ​റ്റും. ഒ​ന്ന്, മൂ​ന്ന്, അ​ഞ്ച്, ഏ​ഴ് സെ​മ​സ്റ്റ​ർ പ​രീ​ക്ഷ മൂ​ല്യ​നി​ർ​ണ​യം കോ​ള​ജ്ത​ല​ത്തി​ൽ ന​ട​ത്തും. വ​ർ​ഷാ​ന്ത്യ പ​രീ​ക്ഷ​ക​ൾ സ​ർ​വ​ക​ലാ​ശാ​ല ത​യാ​റാ​ക്കു​ന്ന ചോ​ദ്യ​പേ​പ്പ​റി​ൽ ന​ട​ത്തും.

മൂ​ന്ന് മ​ണി​ക്കൂ​ർ പ​രീ​ക്ഷ ഇ​നി​യു​ണ്ടാ​കി​ല്ല. പ​ക​രം ഒ​രു മ​ണി​ക്കൂ​ർ മു​ത​ൽ ര​ണ്ട് മ​ണി​ക്കൂ​ർ വ​രെ​യാ​യി​രി​ക്കും പ​രീ​ക്ഷ. എ​ഴു​ത്തു​പ​രീ​ക്ഷ എ​ന്ന രീ​തി മാ​റി ഒാ​ൺ​ലൈ​ൻ/ ഒാ​പ​ൺ ബു​ക്ക് പ​രീ​ക്ഷ, ഫീ​ൽ​ഡ്/ വ്യ​വ​സാ​യ കേ​ന്ദ്ര​ങ്ങ​ളി​ലെ സ​ന്ദ​ർ​ശ​നം, ക്വി​സ്, ഇ​ൻ​റ​ർ​വ്യൂ, വി​ഡി​യോ നി​ർ​മാ​ണം, പ്ര​ഭാ​ഷ​ണം, കേ​സ് സ്റ്റ​ഡി, വ്യ​ക്തി​ഗ​ത പ്രോ​ജ​ക്ട്, സ​ർ​വേ തു​ട​ങ്ങി​യ​വ​യും മൂ​ല്യ​നി​ർ​ണ​യ​ത്തി​നാ​യി ഉ​പ​യോ​ഗി​ക്കും.

ബി​രു​ദം ഇ​നി പ​ല​വി​ധം

പ്ര​ധാ​ന​മാ​യും മൂ​ന്ന് ത​രം ബി​രു​ദ​മാ​ണ് പ​രി​ഷ്‍കാ​ര​ത്തി​ലുള്ളത്. നി​ല​വി​ലു​ള്ള മൂ​ന്നു വ​ർ​ഷ ബി​രു​ദം, നാ​ലു വ​ർ​ഷ​ത്തെ ഒാ​ണേ​ഴ്സ് ബി​രു​ദം, നാ​ലു വ​ർ​ഷ​ത്തെ ഒാ​ണേ​ഴ്സ് വി​ത്ത് റി​സ​ർ​ച്ച് ബി​രു​ദം എ​ന്നി​ങ്ങ​നെയാണത്

3 വ​ർ​ഷ ബി​രു​ദം

വി​ദ്യാ​ർ​ഥി ചേ​രു​ന്ന​ത് നാ​ലു വ​ർ​ഷ ബി​രു​ദ കോ​ഴ്സി​നാ​ണെ​ങ്കി​ലും മൂ​ന്നു വ​ർ​ഷം ക​ഴി​ഞ്ഞാ​ൽ പ​ഠ​നം അ​വ​സാ​നി​പ്പി​ക്കാ​ൻ (എ​ക്സി​റ്റ്) തു​റ​ന്നി​ട്ടി​രി​ക്കു​ന്ന വ​ഴി​യാ​ണ് മൂ​ന്നു വ​ർ​ഷ ബി​രു​ദ കോ​ഴ്സ്. ഈ ​വി​ദ്യാ​ർ​ഥി​ക​ൾ​ക്ക് നി​ല​വി​ലു​ള്ള രീ​തി​യി​ൽ ബി.​എ/​ബി.​എ​സ്.​സി /ബി.​കോം പോ​ലു​ള്ള മൂ​ന്നു വ​ർ​ഷ ബി​രു​ദം​ത​ന്നെ​യാ​യി​രി​ക്കും ല​ഭി​ക്കു​ക. ഇ​ങ്ങ​നെ ബി​രു​ദം നേ​ടു​ന്ന​വ​ർ​ക്ക് ര​ണ്ട് വ​ർ​ഷ​ത്തെ പി.​ജി കോ​ഴ്സി​ന് ചേ​രാം.

4 വ​ർ​ഷ ഒാ​ണേ​ഴ്സ് ബി​രു​ദം

ഓ​ണേ​ഴ്സ് ബി​രു​ദം ആ​ഗ്ര​ഹി​ക്കു​ന്ന​വ​ർ നാ​ലാം വ​ർ​ഷ​ത്തി​ലേ​ക്ക് പ്ര​വേ​ശ​നം നേ​ടി തു​ട​ർ​പ​ഠ​നം ന​ട​ത്ത​ണം. നാ​ലാം വ​ർ​ഷ​ത്തെ ആ​ദ്യ സെ​മ​സ്റ്റ​റി​ൽ (കോ​ഴ്സി​ന്റെ ഏ​ഴാം സെ​മ​സ്റ്റ​ർ) റെ​ഗു​ല​ർ ക്ലാ​സ് ഉ​ണ്ടാ​യി​രി​ക്കും. എ​ട്ടാം സെ​മ​സ്റ്റ​ർ പൂ​ർ​ണ​മാ​യും പ്രോ​ജ​ക്ടും ഇ​ന്റേ​ൺ​ഷി​പ്പു​മാ​യി​രി​ക്കും.

ക​രി​യ​ർ താ​ൽ​പ​ര്യ​പ്ര​കാ​രം എ​വി​ടെ വേ​ണ​മെ​ങ്കി​ലും ഇ​ന്റേ​ൺ​ഷി​പ്/ പ്രോ​ജ​ക്ട് പൂ​ർ​ത്തി​യാ​ക്കാം. അ​ധ്യാ​പ​ക​രു​ടെ കൂ​ടെ​യും ചെ​യ്യാം. ഒപ്പം ര​ണ്ട് ഓ​ൺ​ലൈ​ൻ കോ​ഴ്സു​ക​ൾ പൂ​ർ​ത്തി​യാ​ക്ക​ണം. പ്രോ​ജ​ക്ടിനും ഇ​ന്റേ​ൺ​ഷി​പ്പിനും പ​ക​ര​മാ​യി മൂ​ന്ന് കോ​ഴ്സ് ഓ​ൺ​ലൈ​നാ​യി പ​ഠി​ച്ചാ​ലും മ​തി.

നാ​ലു വ​ർ​ഷ ഓ​ണേ​ഴ്സ് ബി​രു​ദം പൂ​ർ​ത്തി​യാ​ക്കു​ന്ന​വ​ർ​ക്ക് ര​ണ്ടാം വ​ർ​ഷ പി.​ജി കോ​ഴ്സി​ലേ​ക്ക് ലാ​റ്റ​റ​ൽ എ​ൻ​ട്രി നേ​ടി ഒ​രു വ​ർ​ഷം കൊ​ണ്ട് പി.​ജി പൂ​ർ​ത്തി​യാ​ക്കാം.

4 വ​ർ​ഷ ഓ​ണേ​ഴ്സ് വി​ത്ത് റി​സ​ർ​ച്ച് ബി​രു​ദം

മൂ​ന്നു വ​ർ​ഷ ബി​രു​ദ പ​ഠ​ന​ത്തി​ൽ 75 ശ​ത​മാ​നം മാ​ർ​ക്ക് നേ​ടി​യ​വ​രെ​യാ​ണ് നാ​ലു വ​ർ​ഷ ഓ​ണേ​ഴ്സ് വി​ത്ത് റി​സ​ർ​ച്ച് ബി​രു​ദ​ത്തി​ന് പ്ര​വേ​ശി​പ്പി​ക്കു​ക. അ​ധ്യാ​പ​ന​ത്തി​ലും ഗ​വേ​ഷ​ണ​ത്തി​ലും താ​ൽ​പ​ര്യ​മു​ള്ളവർക്ക് വേ​ണ്ടി​യാ​ണ് ഈ കോ​ഴ്സ്. പൂ​ർ​ത്തി​യാ​ക്കു​ന്ന​വ​ർ​ക്ക് പി.​ജി​യി​ല്ലാ​തെ പി​എ​ച്ച്.​ഡി​ക്ക് ചേ​രാ​നും നെ​റ്റ് പ​രീ​ക്ഷ എ​ഴു​താ​നു​മാ​കും.

ഇ​തി​ന​നു​സൃ​ത​മാ​യി യു.​ജി.​സി​യും ച​ട്ട​ങ്ങ​ളി​ൽ മാ​റ്റം പ്ര​ഖ്യാ​പി​ച്ചു​ക​ഴി​ഞ്ഞു. അ​വ​സാ​ന സെ​മ​സ്റ്റ​ർ റി​സ​ർ​ച്ച് ഗൈ​ഡിന്റെ മേ​ൽ​നോ​ട്ട​ത്തി​ൽ തീ​സി​സ് പൂ​ർ​ത്തി​യാ​ക്കി​യാ​ൽ മാ​ത്ര​മാ​ണ് നാ​ലു വ​ർ​ഷ ഒാ​ണേ​ഴ്സ് വി​ത്ത് റി​സ​ർ​ച്ച് ബി​രു​ദം ല​ഭി​ക്കു​ക. ഇ​വ​ർ​ക്ക് നാ​ലാം വ​ർ​ഷ​ത്തെ ആ​ദ്യ സെ​മ​സ്റ്റ​റി​ൽ (ഏ​ഴാം സെ​മ​സ്റ്റ​ർ) റെ​ഗു​ല​ർ ക്ലാ​സ് ഉ​ണ്ടാ​യി​രി​ക്കും.

ഇവിടങ്ങളിൽ ഇനി നാലു വർഷ ബിരുദം

• കേ​ര​ള, കാ​ലി​ക്ക​റ്റ്, എം.​ജി, ക​ണ്ണൂ​ർ സ​ർ​വ​ക​ലാ​ശാ​ല​ക​ൾ​ക്ക് കീ​ഴി​ലെ 864 ആ​ർ​ട്സ് ആ​ൻ​സ് സ​യ​ൻ​സ് കോ​ള​ജു​ക​ൾ/ സ​ർ​വ​ക​ലാ​ശാ​ല പ​ഠ​ന കേ​ന്ദ്ര​ങ്ങ​ൾ.
• കേ​ര​ള, കാ​ല​ടി ശ്രീ​ശ​ങ്ക​രാ​ചാ​ര്യ, മ​ല​യാ​ളം സ​ർ​വ​ക​ലാ​ശാ​ല​ക​ളു​ടെ പ​ഠ​ന വി​ഭാ​ഗ​ങ്ങ​ൾ

വി​മ​ർ​ശ​ന​ങ്ങ​ളും ഏ​റെ

നി​ല​വി​ലു​ള്ള ബി​രു​ദ കോ​ഴ്സു​ക​ൾ മാ​റ്റി തൊ​ഴി​ൽ നൈ​പു​ണി​ക്കും സം​രം​ഭ​ക​ത്വ​ത്തി​നും കൂ​ടി പ്രാ​ധാ​ന്യം ന​ൽ​കു​ന്ന​തു​വ​ഴി അ​ക്കാ​ദ​മി​ക് സ്ഥാ​പ​ന​ങ്ങ​ളെ കോ​ച്ചി​ങ് സ്ഥാ​പ​ന​ങ്ങ​ളാ​ക്കി മാ​റ്റു​ന്നു​വെ​ന്നാ​ണ് പ്ര​ധാ​ന വി​മ​ർ​ശ​നം. ബി​രു​ദ പ​ഠ​ന​ത്തെ വ്യ​വ​സാ​യ​വു​മാ​യും കാ​മ്പ​സ് േപ്ല​സ്മെ​ന്റു​മാ​യും ബ​ന്ധ​പ്പെ​ടു​ത്തുേ​മ്പാ​ൾ അ​ക്കാ​ദ​മി​ക​ത​ലം ന​ഷ്ട​പ്പെ​ടു​ക​യും സ്ഥാ​പ​ന​ങ്ങ​ൾ കോ​ച്ചി​ങ് സെ​ന്റ​റു​ക​ളാ​യി മാ​റു​ന്നു​വെ​ന്നും വി​മ​ർ​ശ​ന​മു​യ​രു​ന്നു.

ഒ​രു വി​ഷ​യ​ത്തി​ലും ആ​ഴ​ത്തി​ലു​ള്ള പ​ഠ​നം നി​ർ​ദേ​ശി​ക്കാ​ത്ത​താ​ണ് പു​തി​യ കോ​ഴ്സ് ഘ​ട​ന​യെ​ന്നും അ​തു​വ​ഴി ജ്ഞാ​നോ​ൽ​പാ​ദ​നം എ​ന്ന പ്ര​ക്രി​യ ന​ട​ക്കാ​തെ പോ​വു​ക​യും ചെ​യ്യു​മെ​ന്നും കോ​ഴ്സ് ഘ​ട​ന​യെ​ക്കു​റി​ച്ച് വി​മ​ർ​ശ​നം ഉ​യ​രു​ന്നു​മു​ണ്ട്.