ഹയർസെക്കൻഡറി പരീക്ഷ; വിജയശതമാനം കുറഞ്ഞു; ഫുൾ എ പ്ലസുകാർ കൂടി, എറണാകുളം മുന്നിൽ, വയനാട് പിന്നിൽ
text_fieldsഹയർസെക്കൻഡറി പരീക്ഷയിൽ ഉന്നതവിജയം നേടിയ തിരുവനന്തപുരം കാർമൽ ഗേൾസ് എച്ച്.എസ്.എസിലെ വിദ്യാർഥികൾ മധുരം പങ്കിടുന്നു ഫോട്ടോ -മുസ്തഫ അബൂബക്കർ
തിരുവനന്തപുരം: ഹയർസെക്കൻഡറി പരീക്ഷയിൽ മൊത്തം വിജയം കുറഞ്ഞതിനൊപ്പം 14 ജില്ലകളിലും വിജയശതമാനത്തിൽ ഇടിവ്. എന്നാൽ, ഫുൾ എ പ്ലസ് നേടിയവരുടെ എണ്ണം വർധിച്ചു. വിജയത്തിൽ എറണാകുളം ജില്ലയാണ് ഇത്തവണയും മുന്നിൽ; 841.12 ശതമാനം. ഇടുക്കിയാണ് രണ്ടാം സ്ഥാനത്ത്; 83.44 ശതമാനം. കൂടുതൽ പേർ പരീക്ഷയെഴുതിയ മലപ്പുറത്ത് 79.63 ശതമാനമാണ് വിജയം.
കുറവ് വിജയം വയനാട് ജില്ലയിലാണ്; 72.13 ശതമാനം. കൂടുതൽ പേർ ഫുൾ എ പ്ലസ് നേട്ടത്തോടെ വിജയിച്ചത് മലപ്പുറം ജില്ലയിലാണ്; 5654 പേർ.
ഫലം ചുരുക്കത്തിൽ
പരീക്ഷ എഴുതിയവർ -3,74,755
ഉപരിപഠന യോഗ്യത നേടിയവർ -2,94,888
വിജയശതമാനം -78.69
ഫുൾ എ പ്ലസ് നേടിയവർ -39,242
നൂറ് ശതമാനം വിജയം നേടിയ സ്കൂളുകൾ -63
വി.എച്ച്.എസ്.ഇ പരീക്ഷ എഴുതിയവർ -27,586
ഉപരിപഠന യോഗ്യത നേടിയവർ -19,702
വിജയശതമാനം -71.42
ഫുൾ എ പ്ലസ് -251
നൂറ് ശതമാനം നേടിയ സ്കൂളുകൾ -12
ഗൾഫിൽ 88.03 ശതമാനം
തിരുവനന്തപുരം: ഹയർസെക്കൻഡറി പരീക്ഷയിൽ ഗൾഫിൽ മികച്ച വിജയം. എട്ട് കേന്ദ്രങ്ങളിൽ പരീക്ഷയെഴുതിയ 568 പേരിൽ 500 പേരും വിജയിച്ചു. 88.03 ശതമാനമാണ് വിജയം. 81 പേർക്ക് മുഴുവൻ വിഷയങ്ങളിലും എ പ്ലസ് ലഭിച്ചു. ഷാർജ ന്യൂ ഇന്ത്യൻ മോഡൽ എച്ച്.എസ്.എസിന് നൂറു ശതമാനം (43 വിദ്യാർഥികൾ) വിജയമുണ്ട്. ലക്ഷദ്വീപിൽ 1111 പേർ പരീക്ഷയെഴുതിയതിൽ 461 പേർ വിജയിച്ചു. 41.49 ശതമാനമാണ് വിജയം. മാഹിയിൽ 731 പേർ പരീക്ഷയെഴുതിയതിൽ 568 പേർ വിജയിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.