ഇന്ത്യൻ മാരിടൈം വാഴ്സിറ്റി പൊതുപ്രവേശന പരീക്ഷ 29ന്
text_fields
കേന്ദ്ര സർവകലാശാലയായ ഇന്ത്യൻ മാരിടൈം യൂനിവേഴ്സിറ്റിയുടെ ചെന്നൈ, മുംബൈ, നവി മുംബൈ, കൊച്ചി, വിശാഖപട്ടണം, കൊൽക്കത്ത കാമ്പസുകളിലായി 2021-22 അധ്യയന വർഷം നടത്തുന്ന വിവിധ ഡിഗ്രി, പി.ജി കോഴ്സുകളിലേക്കുള്ള പൊതുപ്രവേശന പരീക്ഷ (IMU-CET 2021) ആഗസ്റ്റ് 29ന് ദേശീയതലത്തിൽ സംഘടിപ്പിക്കും. വിശദവിവരങ്ങളടങ്ങിയ ഔദ്യോഗിക വിജ്ഞാപനം www.imu.edu.inൽ ലഭ്യമാണ്. എൻട്രൻസ് ടെസ്റ്റിൽ പങ്കെടുക്കുന്നതിന് ഓൺലൈനായി ആഗസ്റ്റ് 20നകം രജിസ്റ്റർ ചെയ്യണം. ഇതിനുള്ള നിർദേശങ്ങൾ വിജ്ഞാപനത്തിലുണ്ട്. ഇനി പറയുന്ന കോഴ്സുകളിലേക്കാണ് പ്രവേശനം.
* ബി.ടെക്-മറൈൻ എൻജിനീയറിങ്, നേവൽ ആർക്കിടെക്ചർ ആൻഡ് ഓഷ്യൻ എൻജിനീയറിങ്.
* ബി.എസ്സി നോട്ടിക്കൽ സയൻസ്, ഡിപ്ലോമ നോട്ടിക്കൽ സയൻസ്.
* എം.ടെക്-ഡ്രെഡ്ജിങ് ആൻഡ് ഹാർബർ എൻജിനീയറിങ്.
* നേവൽ ആർക്കിടെക്ചർ ആൻഡ് ഓഷൻ എൻജിനീയറിങ്
* മറൈൻ എൻജിനീയറിങ് ആൻഡ് മാനേജ്മെൻറ്
* എം.ബി.എ-ഇൻറർനാഷനൽ ട്രാൻസ്പോർട്ടേഷൻ ആൻഡ് ലോജിസ്റ്റിക്സ് മാേനജ്മെൻറ്, പോർട്ട് ആൻഡ് ഷിപ്പിങ് മാനേജ്മെൻറ്.
* ബി.ബി.എ-ലോജിസ്റ്റിക് റീട്ടെയിലിങ് ആൻഡ് ഇ-കോമേഴ്സ്.
ഓരോ കാമ്പസിലും ലഭ്യമായ കോഴ്സുകൾ, സീറ്റുകൾ, യോഗ്യത മാനദണ്ഡങ്ങൾ സമഗ്രവിവരങ്ങൾ വിജ്ഞാപനത്തിലും ഇൻഫർമേഷൻ േബ്രാഷറിലുമുണ്ട്. IMU-CET 2021നുള്ള രജിസ്ട്രേഷൻ സൗകര്യം http://apply.register.in/imu/cetയിലും ബി.ബി.എ കോഴ്സ് പ്രവേശനത്തിനുള്ള സൗകര്യം https://apply.registernow.in/imu/bbaയിലും ലഭ്യമാണ്. ഓൺലൈൻ രജിസ്ട്രേഷൻ 20 വരെ സ്വീകരിക്കും.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.