സ്കൂ​ളു​ക​ളി​ൽ സ​മ്പൂ​ർ​ണ അ​ധ്യ​യ​നം തു​ട​ങ്ങി; ആ​ദ്യ​ദി​ന ഹാ​ജ​ർ 82.77 %

തി​രു​വ​ന​ന്ത​പു​രം: കോ​വി​ഡ്​ വ്യാ​പ​ന​ത്തി​നു​ശേ​ഷം ആദ്യ​മാ​യി സം​സ്ഥാ​ന​ത്തെ സ്കൂ​ളു​ക​ളി​ൽ പൂ​ർ​ണ​തോ​തി​ൽ അ​ധ്യ​യ​നം ആ​രം​ഭി​ച്ചു. 23 മാ​സ​ത്തി​ന്​​ ശേ​ഷ​മാ​ണ്​ സ്കൂ​ളു​ക​ൾ സ​മ്പൂ​ർ​ണ​തോ​തി​ൽ പ്ര​വ​ർ​ത്ത​ിക്കു​ന്ന​ത്. ഒ​രേ ക്ലാ​സി​ൽ പ​ഠി​ക്കു​ന്ന​വ​രാ​ണെ​ങ്കി​ലും ബാ​ച്ചു​ക​ളാ​യ​തി​നാ​ൽ കു​ട്ടി​ക​ൾ​ക്ക്​ ഇ​തു​വ​രെ ഒ​ന്നി​ച്ചു​കാ​ണാ​നു​ള്ള അ​വ​സ​ര​മി​ല്ലാ​യി​രു​ന്നു. അതിനാൽ കൂട്ടുകാരെ കണ്ട ആഹ്ലാദത്തിന്റെ ദിനം കൂടിയായിരുന്നു ഇന്നലെ.

ആ​ദ്യ​ദി​ന​ത്തി​ൽ സം​സ്ഥാ​ന​ത്ത് മൊ​ത്തം 82.77 ശ​ത​മാ​നം വി​ദ്യാ​ർ​ഥി​ക​ൾ ഹാ​ജ​രാ​യ​താ​യി വി​ദ്യാ​ഭ്യാ​സ വ​കു​പ്പ്​ മ​ന്ത്രി​യു​ടെ ഓ​ഫി​സ്​ അ​റി​യി​ച്ചു. എ​ൽ.​പി, യു.​പി, ഹൈ​സ്‌​കൂ​ൾ വി​ഭാ​ഗ​ത്തി​ൽ 80.23 ശ​ത​മാ​നം വി​ദ്യാ​ർ​ഥി​ക​ൾ ഹാ​ജ​രാ​യി. ഹ​യ​ർ സെ​ക്ക​ൻ​ഡ​റി വി​ഭാ​ഗ​ത്തി​ൽ 82.18 ശ​ത​മാ​നം പേ​രും വൊ​ക്കേ​ഷ​ന​ൽ ഹ​യ​ർ​സെ​ക്ക​ൻ​ഡ​റി വി​ഭാ​ഗ​ത്തി​ൽ 85.91 ശ​ത​മാ​നം പേ​രു​മെ​ത്തി.

എ​ൽ.​പി, യു.​പി, ഹൈ​സ്‌​കൂ​ൾ വി​ഭാ​ഗ​ത്തി​ൽ ക​ണ്ണൂ​രി​ലാ​ണ് ഏ​റ്റ​വും കൂ​ടു​ത​ൽ വി​ദ്യാ​ർ​ഥി​ക​ളെ​ത്തി​യ​ത്​- 93 ശ​ത​മാ​നം. പ​ത്ത​നം​തി​ട്ട​യി​ലാ​ണ് കു​റ​വ് ഹാ​ജ​ർ​നി​ല -51.9 ശ​ത​മാ​നം. ഹ​യ​ർ സെ​ക്ക​ൻ​ഡ​റി​യി​ൽ ഏ​റ്റ​വും ഉ​യ​ർ​ന്ന ഹാ​ജ​ർ കാ​സ​ർ​കോ​ട്​ ജി​ല്ല​യി​ലാ​ണ്​ -88.54 ശ​ത​മാ​നം. കു​റ​വ് എ​റ​ണാ​കു​ള​ത്തും -72.28 ശ​ത​മാ​നം. വി.​എ​ച്ച്.​എ​സ്.​ഇ വി​ഭാ​ഗ​ത്തി​ൽ ഉ​യ​ർ​ന്ന ഹാ​ജ​ർ എ​റ​ണാ​കു​ള​ത്തും (97 ശ​ത​മാ​നം) കു​റ​വ് ക​ണ്ണൂ​രി​ലു​മാ​ണ് (71.48 ശ​ത​മാ​നം).

മു​ന്നൊ​രു​ക്ക​ങ്ങ​ൾ ഗു​ണം ചെ​യ്ത​താ​യും ആ​ദ്യ​ദി​ന​ത്തി​ലെ മി​ക​ച്ച ഹാ​ജ​ർ​നി​ല ഇ​ത്​ വ്യ​ക്ത​മാ​ക്കു​ന്ന​താ​യും പൊ​തു​വി​ദ്യാ​ഭ്യാ​സ മ​ന്ത്രി വി. ​ശി​വ​ൻ​കു​ട്ടി പ​റ​ഞ്ഞു. പൊ​തു​അ​വ​ധി ദി​ന​ങ്ങ​ൾ ഒ​ഴി​കെ​യു​ള്ള ശ​നി​യാ​ഴ്ച ഉ​ൾ​​പ്പെ​ടെ പ്ര​വൃ​ത്തി​ദി​ന​മാ​ക്കി​യാ​ണ്​ സ്കൂ​ളു​ക​ൾ പ്ര​വ​ർ​ത്ത​നം തു​ട​ങ്ങി​യ​ത്. രോ​ഗ​വ്യാ​പ​നം കു​റ​യു​ക​യും പൊ​തു​പ​രീ​ക്ഷ അ​ടു​ക്കു​ക​യും ചെ​യ്ത​തോ​ടെ​യാ​ണ്​ സ്കൂ​ളു​ക​ൾ പൂ​ർ​ണ​മാ​യും തു​റ​ക്കാ​ൻ തീ​രു​മാ​നി​ച്ച​ത്. ബാ​ച്ച്​ തി​രി​ച്ചു​ള്ള അ​ധ്യ​യ​നം അ​വ​സാ​നി​പ്പി​ച്ച​തോ​ടെ ക്ലാ​സ്​ മു​റി​ക​ളി​ൽ കു​ട്ടി​ക​ളു​ടെ എ​ണ്ണ​വും വ​ർ​ധി​ച്ചു. എ​സ്.​എ​സ്.​എ​ൽ.​സി, പ്ല​സ്​ ടു ​മോ​ഡ​ൽ പ​രീ​ക്ഷ​ക​ൾ മാ​ർ​ച്ച്​ 16നും ​പൊ​തു​പ​രീ​ക്ഷ​ക​ൾ മാ​ർ​ച്ച്​ 30നും ​ആ​രം​ഭി​ക്കാ​നാ​ണ്​ തീ​രു​മാ​നം.

നിയന്ത്രണം പാളി

മു​ഴു​വ​ൻ വി​ദ്യാ​ർ​ഥി​ക​ളെ​യും ഒ​രേ​സ​മ​യം എ​ത്തി​ച്ചു​ള്ള അ​ധ്യ​യ​നം തു​ട​ങ്ങി​യ​തോ​ടെ പ​ല സ്കൂ​ളു​ക​ളി​ലും നി​യ​ന്ത്ര​ണ​ങ്ങ​ൾ പാ​ളി. ത​ല​സ്ഥാ​ന​ത്ത്​ ഉ​ൾ​പ്പെ​ടെ രാ​വി​ലെ​യും വൈ​കീ​ട്ടും സ്കൂ​ളു​ക​ൾ​ക്കു​​മു​ന്നി​ൽ വ​ൻ ആ​ൾ​ക്കൂ​ട്ട​മാ​ണ്​ ​രൂ​പ​പ്പെ​ട്ട​ത്.

കു​ട്ടി​ക​ളെ കൊ​ണ്ടു​പോ​കാ​ൻ സ്കൂ​ൾ ക​വാ​ട​ത്തി​നു​ സ​മീ​പം ര​ക്ഷാ​ക​ർ​ത്താ​ക്ക​ൾ ഉ​ൾ​പ്പെ​ടെ ത​ടി​ച്ചു​കൂ​ടി​യ​താ​ണ്​ കാ​ര​ണം. പ​ല സ്കൂ​ളു​ക​ൾ​ക്കു​മു​ന്നി​ലും ആ​വ​ശ്യ​ത്തി​ന്​ പൊ​ലീ​സി​നെ വി​ന്യ​സി​ച്ചി​ല്ലെ​ന്നും പ​രാ​തി​യു​ണ്ട്. തി​രു​വ​ന​ന്ത​പു​രം മ​ണ​ക്കാ​ട്​ ഗ​വ. സ്കൂ​ളി​നു​മു​ന്നി​ൽ സ്കൂ​ൾ വി​ടു​ന്ന സ​മ​യ​ത്ത്​ നൂ​റു​ക​ണ​ക്കി​നു​ പേ​രാ​ണ്​ ഗേ​റ്റി​ൽ ത​ടി​ച്ചു​കൂ​ടി​യ​ത്.

സ്കൂ​ൾ വ​ള​പ്പി​ൽ​നി​ന്ന്​ കോ​വി​ഡ്​ നി​യ​ന്ത്ര​ണ​ങ്ങ​ൾ പാ​ലി​ച്ച്​ വ​രി​യാ​യി പു​റ​ത്തു​വ​ന്ന കു​ട്ടി​ക​ൾ ആ​ൾ​ക്കൂ​ട്ട​ത്തി​​നി​ട​യി​​ലേ​ക്കാ​ണ്​ ഇ​റ​ങ്ങേ​ണ്ടി​വ​ന്ന​ത്. പി​ന്നീ​ടാ​ണ്​ പൊ​ലീ​സെ​ത്തി ആ​ളു​ക​ളെ നി​യ​ന്ത്രി​ച്ച​ത്. കു​ട്ടി​ക​ളെ കൊ​ണ്ടു​പോ​കാ​നു​ള്ള വാ​ഹ​ന​ങ്ങ​ൾ കൂ​ടി നി​റ​ഞ്ഞ​തോ​ടെ പ​ല​യി​ട​ത്തും വ​ൻ ഗ​താ​ഗ​ത​ക്കു​രു​ക്ക്​ രൂ​പ​പ്പെ​ട്ടു.