നീറ്റ്​ 2018: ഉത്തരസൂചികയും ഒ.എം.ആർ ഷീറ്റും പ്രസിദ്ധീകരിച്ചു

ന്യൂഡൽഹി: നാഷണൽ എലിജിബിലിറ്റി കം എൻട്രൻസ്​ ടെസ്​റ്റി​​െൻറ(നീറ്റ്​) ഉത്തര സൂചികയും വിദ്യാർഥികൾ ഉത്തരം അടയാളപ്പെടുത്തിയ ഒ.എം.ആർ ഷീറ്റി​​െൻറ ചിത്രവും സി.ബി.എസ്​.ഇ പ്രസിദ്ധീകരിച്ചു. സി.ബി.എസ്​.ഇയുടെ ഒൗദ്യോഗിക വെബ്​സൈറ്റായ cbseneet.nic.in ലൂടെ വിദ്യാർഥികൾക്ക്​ ഇത്​ പരിശോധിക്കാം. 

യൂസർ ​െഎ.ഡി(രജിസ്​ട്രേഷൻ നമ്പർ) ഉപയോഗിച്ച്​ അവരവരുടെ അക്കൗണ്ടുകളിൽ ലോഗിൻ ചെയ്​ത്​ ഉത്തരസൂചിക പരിശോധിക്കാവുന്നതാണ്​.  ഉത്തരസൂചിക, ഒ.എം.ആർ ഗ്രേഡിങ്​, ടെസ്​റ്റ്​ ബുക്ക്​ലെറ്റ്​ കോഡ്​, എന്നിവയിൽ എന്തെങ്കിലും വിയോജിപ്പ്​ രേഖപ്പെണമെങ്കിൽ മെയ്​27 (ഞായർ) വൈകീട്ട്​ അഞ്ചു മണി വരെ ചെയ്യാവുന്നതാണ്​. വിയോജിപ്പ്​ രേഖപ്പെടുത്തുന്ന ഒാരോന്നിനും ​1000രൂപ വീതം അടക്കേണ്ടതുണ്ട്​. 

മെയ്​ ആറിനാണ്​ നീറ്റ്​ നടന്നത്​. 66000 സീറ്റുകളിലേക്ക് നടന്ന പരീക്ഷക്ക്​​ 13.3 ലക്ഷം വിദ്യാർഥികളാണ്​ രജിസ്​റ്റർ ചെയ്തിരുന്നത്​. ഊര്‍ജ്ജതന്ത്രം​, രസതന്ത്രം, ജീവശാസ്​ത്രം എന്നീ വിഷയങ്ങളിൽ നിന്നായി ഒബ്​ജക്​ടീവ്​ രീതിയിലുള്ള 180 ചോദ്യങ്ങളായിരുന്നു ഉണ്ടായിരുന്നത്​.