പ്ലസ് വണ് ക്ലാസുകൾ ഇന്ന് തുടങ്ങും ഓൺലൈനായി
text_fieldsതിരുവനന്തപുരം: പ്ലസ് വൺ വിദ്യാർഥികൾക്കുള്ള ക്ലാസുകൾക്ക് വിക്ടേഴ്സ് ചാനൽ/ വെബ്സൈറ്റ് വഴി തിങ്കളാഴ്ച തുടക്കമാകും. കോവിഡ് കാരണം സ്കൂൾ തുറക്കാനാകാത്ത സാഹചര്യം തുടരുന്നതിനാലാണ് പ്രവേശനം പൂർത്തിയായിവരുന്ന പ്ലസ് വൺ ക്ലാസുകളും ഡിജിറ്റൽ/ ഒാൺലൈൻ പ്ലാറ്റ്ഫോമിൽ തുടങ്ങാൻ തീരുമാനിച്ചത്.
ആദ്യ ആഴ്ചകളില് ഇംഗ്ലീഷ്, മാത്തമാറ്റിക്സ്, ഫിസിക്സ്, ഇക്കണോമിക്സ്, അക്കൗണ്ടന്സി വിഷയങ്ങളിലാണ് ക്ലാസ്. തുടർന്ന് മറ്റു വിഷയങ്ങളുടെ സംപ്രേഷണവും ഉണ്ടാകുമെന്ന് കൈറ്റ് സി.ഇ.ഒ കെ. അന്വർ സാദത്ത് അറിയിച്ചു. തിങ്കള് മുതല് വെള്ളി വരെ രാവിലെ 9.30നും പത്തിനുമായി രണ്ടു ക്ലാസ് വീതമാണ് സംപ്രേഷണം ചെയ്യുന്നത്.
ക്ലാസുകള് കഴിയുന്ന മുറക്ക് വിഡിയോ ഓണ് ഡിമാൻഡ് പ്ലാറ്റ്ഫോമും ഒരുക്കിയിട്ടുണ്ട്. www.firstbell.kite.kerala.gov.in ൽ ഇത് ലഭ്യമാണ്. ഔദ്യോഗിക യൂട്യൂബ് പേജ് ആയ youtube.com/itsvictersലും facebook.com/victerseduchannelലും www.victers.kite.kerala.gov.in ലും ക്ലാസ് കാണാം. പ്ലസ് വണ് ക്ലാസുകളുടെ പുനഃസംപ്രേഷണം അതത് ദിവസം രാത്രി 8.30 മുതല് 9.30 വരെയാണ്. അംഗൻവാടി കുട്ടികള്ക്കുള്ള കിളിക്കൊഞ്ചല് ശനിയും ഞായറും സംപ്രേഷണം ചെയ്യും.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.