റെയിൽ, ഏവിയേഷൻ എൻജിനീയറിങ് ബി.ടെക്, മെട്രോ റെയിൽ മാനേജ്മെന്റ് എം.ബി.എ

കേന്ദ്ര റെയിൽവേ മന്ത്രാലയത്തിനുകീഴിൽ വഡോദരയിലെ (ഗുജറാത്ത്) കേന്ദ്ര സർവകലാശാലയായ ഗാഡിശക്തി വിശ്വവിദ്യാലയ (ജി.എസ്.വി) 2024-25 വർഷം നടത്തുന്ന ഇനി പറയുന്ന കോഴ്സുകളിൽ പ്രവേശനത്തിന് ഇപ്പോൾ അപേക്ഷിക്കാം.

ബി.ടെക്-സിവിൽ, ഇലക്ട്രോണിക്സ് ആൻഡ് കമ്യൂണിക്കേഷൻ, മെക്കാനിക്കൽ, ഇലക്ട്രിക്കൽ (റെയിൽ എൻജിനീയറിങ് സ്​പെഷലൈസേഷൻ). ബി.ടെക്-ആർട്ടിഫിഷ്യൽ ഇന്റലിജൻസ് ആൻഡ് ഡേറ്റ സയൻസ് (സ്​പെഷലൈസേഷൻ-ട്രാൻസ്​പോർട്ടേഷൻ ആൻഡ് ലോജിസ്റ്റിക്സ്)

ബി.ടെക്-ഏവിയേഷൻ എൻജിനീയറിങ്

ഈ റഗുലർ കോഴ്സുകളുടെ കാലാവധി നാലുവർഷം. സീറ്റുകൾ 60 വീതം. എന്നാൽ, ഏവിയേഷൻ എൻജിനീയറിങ്ങിന് 30 സീറ്റ് മാത്രമാണുള്ളത്. ജെ.ഇ.ഇ മെയിൻ 2024 റാങ്കടിസ്ഥാനത്തിൽ ​‘ജോസ’ കൗൺസലിങ് വഴിയാണ് പ്രവേശനം.

എം.ബി.എ​-ലോജിസ്റ്റിക്സ് ആൻഡ് സപ്ലൈ ചെയിൻ മാനേജ്മെന്റ്; പോർട്സ് ആൻഡ് ഷിപ്പിങ് ലോജിസ്റ്റിക്സ്, കോഴ്സ് കാലാവധി രണ്ടുവർഷം. സീറ്റുകൾ 30 വീതം. സി.യു.ഇ.ടി-പി.ജി/ഐ.ഐ.എം കാറ്റ്/മാറ്റ്/എക്സിറ്റ് സ്കോർ അടിസ്ഥാനത്തിലാണ് പ്രവേശനം.

വർക്കിങ് പ്രഫഷനലുകൾക്കായുള്ള എക്സിക്യൂട്ടിവ് പ്രോഗ്രാമുകൾ ചുവടെ:

എം.ടെക് ഇന്റലിജന്റ് ട്രാൻസ്​പോർട്ട് സിസ്റ്റം; റെയിൽവേ എൻജിനീയറിങ്. മൂന്നുവർഷം. സീറ്റുകൾ 20 വീതം.

എം.ബി.എ-ലോജിസ്റ്റിക്സ് ആൻഡ് സപ്ലൈ ചെയിൻ മാനേജ്മെന്റ്, മൾട്ടി-മോഡൽ ട്രാൻസ്​പോർട്ടേഷൻ, മെട്രോ റെയിൽ മാനേജ്മെന്റ്. രണ്ടുവർഷം. സീറ്റുകൾ 30 വീതം. ജി.എസ്.വി പ്രവേശന പരീക്ഷ നടത്തി പ്രവേശനം നൽകും.

എൻജിനീയറിങ്ങിലും മാനേജ്മെന്റിലും സ്​പോൺസേഡ് പിഎച്ച്.ഡി പ്രോ​ഗ്രാമുകളിലും പ്രവേശനമുണ്ട്. ജി.എസ്.വി എൻട്രൻസ് ടെസ്റ്റ്/ജെ.ആർ.എഫ്/എസ്.ആർ.എഫ്/ഗേറ്റ് വഴിയാണ് പ്രവേശനം.

വിശദവിവരങ്ങൾ https://gsv.ac.inൽ ലഭിക്കും. ഓൺലൈനായി https://gsvadm.samarth.edu.in/2024ൽ അപേക്ഷ സമർപ്പിക്കാം. മേയ് 15 വരെ അപേക്ഷ സ്വീകരിക്കും. യോഗ്യതാ മാനദണ്ഡങ്ങൾ, അപേക്ഷ സമർപ്പണത്തിനുള്ള നിർദേശങ്ങൾ, സെലക്ഷൻ നടപടികൾ മുതലായ വിവരങ്ങൾ വെബ്സൈറ്റിലുണ്ട്.