പൊ​ന്നാ​നി​യി​ൽ ഫി​ഷ​റീ​സ് കോ​ള​ജിന്​ യൂ​നി​വേ​ഴ്സി​റ്റി അം​ഗീ​കാ​രം; സ​ർ​ക്കാ​ർ അ​നു​മ​തി കൂ​ടി ല​ഭ്യ​മാ​വു​ന്ന മു​റ​ക്ക് കോ​ള​ജ് ആ​രം​ഭി​ക്കും

പൊ​ന്നാ​നി: പു​തി​യ തൊ​ഴി​ൽ സാ​ധ്യ​ത​ക​ൾ ല​ഭ്യ​മാ​ക്കു​ക​യെ​ന്ന ല​ക്ഷ്യ​ത്തോ​ടെ പൊ​ന്നാ​നി​യി​ൽ ഫി​ഷ​റീ​സ് കോ​ള​ജ് തു​ട​ങ്ങാ​ൻ തീ​രു​മാ​നം. കൊ​ച്ചി​യി​ലെ കേ​ര​ള യൂ​നി​വേ​ഴ്സി​റ്റി ഓ​ഫ്​ ഫി​ഷ​റീ​സ് ആ​ൻ​ഡ്​ ഓ​ഷ്യ​ൻ സ്​​റ്റ​ഡീ​സി​ന് കീ​ഴി​ലാ​ണ് കോ​ള​ജ് ആ​രം​ഭി​ക്കു​ക.

യൂ​നി​വേ​ഴ്സി​റ്റി​യു​ടെ അം​ഗീ​കാ​ര​വും ല​ഭി​ച്ചി​ട്ടു​ണ്ട്. ജി​ല്ല​യി​ലെ ആ​ദ്യ​ത്തെ ഫി​ഷ​റീ​സ് കോ​ള​ജാ​യി​രി​ക്കും പൊ​ന്നാ​നി​യി​ൽ വ​രു​ക. നി​ല​വി​ൽ കാ​ലി​ക്ക​റ്റ് സ​ർ​വ​ക​ലാ​ശാ​ല​ക്ക് കീ​ഴി​ൽ പൊ​ന്നാ​നി എം.​ഇ.​എ​സ് കോ​ള​ജി​ലും കൊ​ടു​ങ്ങ​ല്ലൂ​ർ അ​സ്മാ​ബി കോ​ള​ജി​ലും അ​ക്വാ​ക​ൾ​ച്ച​ർ, ഫി​ഷ​റീ​സ് കോ​ഴ്സു​ക​ൾ മാ​ത്ര​മാ​ണ് ഉ​ള്ള​ത്. നി​ര​വ​ധി സാ​ധ്യ​ത​ക​ളു​ള്ള ഒ​ട്ടേ​റെ കോ​ഴ്സു​ക​ൾ ഫി​ഷ​റീ​സ് കോ​ള​ജ് വ​രു​ന്ന​തോ​ടെ ആ​രം​ഭി​ക്കാ​നാ​വും. ഇ​തി​നാ​യു​ള്ള പു​തി​യ കെ​ട്ടി​ട​ത്തി​നു​ള്ള സ്ഥ​ലം ഉ​ട​ൻ ക​ണ്ടെ​ത്തും. അ​ടു​ത്ത അ​ധ്യ​യ​ന വ​ർ​ഷ​ത്തി​ൽ ത​ന്നെ ല​ഭ്യ​മാ​യ സ്ഥ​ല​ത്ത് കോ​ഴ്സു​ക​ൾ ആ​രം​ഭി​ക്കാ​നാ​ണ് തീ​രു​മാ​ന​മെ​ന്ന് പി. ​ന​ന്ദ​കു​മാ​ർ എം.​എ​ൽ.​എ പ​റ​ഞ്ഞു. യൂ​നി​വേ​ഴ്സി​റ്റി അം​ഗീ​കാ​രം ല​ഭ്യ​മാ​യ​തി​നാ​ൽ ഉ​ട​ൻ ത​ന്നെ സ​ർ​ക്കാ​ർ അ​നു​മ​തി​യും ല​ഭ്യ​മാ​ക്കി കോ​ള​ജ് ആ​രം​ഭി​ക്കാ​നാ​ണ് തീ​രു​മാ​നം.

ഇ​തോ​ടൊ​പ്പം ഹൈ​ഡ്രോ​ഗ്രാ​ഫി​ക് മ​ല​ബാ​ർ മേ​ഖ​ല ഓ​ഫി​സും പൊ​ന്നാ​നി​യി​ൽ സ്ഥാ​പി​ക്കാ​നു​ള്ള ന​ട​പ​ടി​ക​ൾ പു​രോ​ഗ​മി​ക്കു​ന്നു​ണ്ട്. ഹൈ​ഡ്രോ ഗ്രാ​ഫി​ക് പ​ഠ​നം, ക​ട​ൽ, കാ​യ​ൽ, പു​ഴ എ​ന്നി​വി​ട​ങ്ങ​ളി​ലെ ഡ്ര​ഡ്ജി​ങ് തു​ട​ങ്ങി​യ​വ ന​ട​ത്താ​നു​ള്ള ഹൈ​ഡ്രോ ഗ്രാ​ഫി​ക് മേ​ഖ​ല ഓ​ഫി​സാ​ണ് പൊ​ന്നാ​നി കേ​ന്ദ്ര​മാ​യി വ​രു​ക. എ​റ​ണാ​കു​ളം മു​ത​ൽ മ​ല​പ്പു​റം വ​രെ​യു​ള്ള ജി​ല്ല​ക​ൾ​ക്കാ​യാ​ണ് മ​ധ്യ​മേ​ഖ​ല ഓ​ഫി​സ് സ്ഥാ​പി​ക്കു​ക. ഹൈ​ഡ്രോ ഗ്രാ​ഫി​ക് ഇ​ൻ​സ്​​റ്റി​റ്റ്യൂ​ട്ടി​ന് കീ​ഴി​ൽ വി​വി​ധ കോ​ഴ്സു​ക​ളും ആ​രം​ഭി​ക്കാ​നാ​വും. ഹൈ​ഡ്രോ ഗ്രാ​ഫി​ക് മോ​ഡേ​ൺ സ​ർ​വേ, ക്വാ​ണ്ടി​റ്റി സ​ർ​വേ, ഡൈ​വി​ങ് പ​രി​ശീ​ല​നം ഉ​ൾ​പ്പെ​ടെ കോ​ഴ്സു​ക​ളാ​ണ് സ​ർ​വ​ക​ലാ​ശാ​ല​ക്ക് കീ​ഴി​ലു​ണ്ടാ​വു​ക.