ഹയർ സെക്കന്‍ഡറി പരീക്ഷ മാന്വലിൽ പരിഷ്​കാരം: ഉത്തരക്കടലാസ്​ പുനഃപരിശോധനക്ക്​ ഇനി ഇരട്ട മൂല്യനിർണയം

തി​രു​വ​ന​ന്ത​പു​രം: ഹ​യ​ർ​ സെ​ക്ക​ൻ​ഡ​റി ഉ​ത്ത​ര​ക്ക​ട​ലാ​സ്​ പു​നഃ​പ​രി​ശോ​ധ​ന​യി​ൽ ഇ​നി മു​ത​ൽ ഒ​രു മാ​ർ​ക്ക്​ വ​ർ​ധി​ച്ചാ​ലും വി​ദ്യാ​ർ​ഥി​ക്ക്​ ല​ഭ്യ​മാ​ക്കും. ഇ​തി​ന​നു​സൃ​ത​മാ​യി പ​രി​ഷ്​​ക​രി​ച്ച പ​രീ​ക്ഷ മാ​ന്വ​ൽ പൊ​തു​വി​ദ്യാ​ഭ്യാ​സ​മ​ന്ത്രി വി. ​ശി​വ​ൻ​കു​ട്ടി ഡ​യ​റ​ക്ട​ർ കെ. ​ജീ​വ​ൻ ബാ​ബു​വി​ന്​ ന​ൽ​കി പ്ര​കാ​ശ​നം ചെ​യ്തു. ഇ​തു​വ​രെ അ​ഞ്ച്​ ശ​ത​മാ​നം മാ​ർ​ക്ക്​ വ​ർ​ധി​ച്ചാ​ൽ മാ​ത്ര​മേ മാ​റ്റം അ​നു​വ​ദി​ച്ചി​രു​ന്നു​ള്ളൂ. ഉ​ത്ത​ര​ക്ക​ട​ലാ​സ്​ പു​നഃ​പ​രി​ശോ​ധ​ന ഇ​നി മു​ത​ൽ ഇ​ര​ട്ട​മൂ​ല്യ​നി​ർ​ണ​യ​മാ​യി​രി​ക്കും.

ഇ​തി​ലൂ​ടെ ല​ഭി​ക്കു​ന്ന സ്കോ​റു​ക​ള്‍ പ​ര​മാ​വ​ധി മാ​ര്‍ക്കി​ന്‍റെ 10 ശ​ത​മാ​ന​ത്തി​ല്‍ താ​ഴെ​യാ​ണെ​ങ്കി​ല്‍ ഇ​ങ്ങ​നെ ല​ഭി​ക്കു​ന്ന ര​ണ്ട് സ്കോ​റു​ക​ളു​ടെ​യും ശ​രാ​ശ​രി മാ​ർ​ക്ക്​ കു​ട്ടി​ക്ക്​​ ല​ഭ്യ​മാ​ക്കും.

വ്യ​ത്യാ​സം 10 ശ​ത​മാ​ന​മോ അ​തി​ൽ കൂ​ടു​ത​ലോ ആ​ണെ​ങ്കി​ല്‍ മൂ​ന്നാ​മ​തും മൂ​ല്യ​നി​ര്‍ണ​യ​ത്തി​ന് വി​ധേ​യ​മാ​ക്കും. അ​തി​ല്‍ ല​ഭി​ക്കു​ന്ന സ്കോ​റും ഇ​ര​ട്ട​മൂ​ല്യ​നി​ര്‍ണ​യ​ത്തി​ലൂ​ടെ ല​ഭി​ക്കു​ന്ന സ്കോ​റു​ക​ളു​മാ​യി ഏ​റ്റ​വും അ​ടു​ത്തു​ള്ള സ്കോ​റി​ന്‍റെ​യും ശ​രാ​ശ​രി​യാ​യി​രി​ക്കും ​ന​ൽ​കു​ക. പു​നഃ​പ​രി​ശോ​ധ​ന​യി​ൽ ല​ഭി​ക്കു​ന്ന സ്​​കോ​ർ കു​റ​വാ​ണെ​ങ്കി​ല്‍ ആ​ദ്യം ല​ഭി​ച്ച​ത് നി​ല​നി​ര്‍ത്തും.

ഹ​യ​ർ സെ​ക്ക​ൻ​ഡ​റി ഡ്യൂ​പ്ലി​ക്കേ​റ്റ്​ സ​ർ​ട്ടി​ഫി​ക്ക​റ്റി​ന്​ അ​പേ​ക്ഷി​ക്കാ​ൻ ഫ​സ്റ്റ്​ ക്ലാ​സ്​ മ​ജി​സ്​​ട്രേ​റ്റി​ന്‍റെ സത്യവാങ്മൂലം വേ​ണ​മെ​ന്ന വ്യ​വ​സ്ഥ ഒ​ഴി​വാ​ക്കി. പ​ക​രം നോ​ട്ട​റി​യി​ൽ നി​ന്നു​ള്ള സത്യവാങ്മൂലം മ​തി​. ഹ​യ​ർ സെ​ക്ക​ൻ​ഡ​റി പ​രീ​ക്ഷ​യി​ൽ ഏ​തെ​ങ്കി​ലും വി​ഷ​യ​ത്തി​ൽ പ​രാ​ജ​യ​പ്പെ​ടു​ന്ന​വ​ർ ഈ ​വി​ഷ​യ​ത്തി​ന്‍റെ ര​ണ്ടു വ​ർ​ഷ​ത്തെ​യും പേ​പ്പ​റു​ക​ൾ എ​ഴു​ത​ണ​മെ​ന്ന (ക​മ്പാ​ർ​ട്ട്​​മെ​ന്‍റ​ൽ) വ്യ​വ​സ്ഥ​യും ഒ​ഴി​വാ​ക്കി. പ​ക​രം ​ജ​യി​ക്കാ​നാ​കാ​ത്ത വി​ഷ​യ​ങ്ങ​ള്‍ക്ക് ഒ​ന്നാം വ​ര്‍ഷ​മോ ര​ണ്ടാം വ​ര്‍ഷ​മോ താ​ല്‍പ​ര്യ​മ​നു​സ​രി​ച്ച് ര​ജി​സ്റ്റ​ര്‍ ചെ​യ്ത് പ​രീ​ക്ഷ എ​ഴു​താം.

ഒ​ന്നാം വ​ര്‍ഷ പ​രീ​ക്ഷ​യാ​ണ് ര​ജി​സ്റ്റ​ര്‍ ചെ​യ്യു​ന്ന​തെ​ങ്കി​ല്‍ ര​ണ്ടാം വ​ര്‍ഷ​ത്തെ പ​രീ​ക്ഷ​യു​ടെ ഉ​യ​ര്‍ന്ന സ്കോ​റും ര​ണ്ടാം വ​ര്‍ഷ പ​രീ​ക്ഷ​യാ​ണ് ര​ജി​സ്റ്റ​ര്‍ ചെ​യ്യു​ന്ന​തെ​ങ്കി​ല്‍ ഒ​ന്നാം വ​ര്‍ഷ​ത്തെ ഉ​യ​ര്‍ന്ന സ്കോ​റും നി​ല​നി​ര്‍ത്തും.

ര​ണ്ടാം വ​ര്‍ഷ തീ​യ​റി പ​രീ​ക്ഷ എ​ഴു​തി​യ വി​ദ്യാ​ർ​ഥി​ക്ക്​ പ്രാ​യോ​ഗി​ക പ​രീ​ക്ഷ എ​ഴു​താ​ന്‍ സാ​ധി​ക്കാ​തെ വ​ന്നാ​ല്‍ 'സേ' ​പ​രീ​ക്ഷ​യി​ല്‍ പ്രാ​യോ​ഗി​ക പ​രീ​ക്ഷ മാ​ത്ര​മാ​യി എ​ഴു​താം. രാ​വി​ലെ​യും ഉ​ച്ച​ക്കു ശേ​ഷ​വു​മാ​യു​ള്ള സെ​ഷ​നു​ക​ളി​ൽ 60, 80 മാ​ർ​ക്കി​നു​ള്ള 13 വീ​തം ഉ​ത്ത​ര​ക്ക​ട​ലാ​സ്​ മൂ​ല്യ​നി​ർ​ണ​യം ന​ട​ത്തി​യി​രു​ന്ന​ത്​ 17 വീ​ത​മാ​ക്കി (ദി​വ​സം 34 എ​ണ്ണം) ഉ​യ​ർ​ത്തി. 30 മാ​ർ​ക്കി​നു​ള്ള ഉ​ത്ത​ര​ക്ക​ട​ലാ​സു​ക​ൾ (ബോ​ട്ട​ണി, സു​വോ​ള​ജി, മ്യൂ​സി​ക്​) 20 വീ​തം മൂ​ല്യ​നി​ർ​ണ​യം ന​ട​ത്തി​യി​രു​ന്ന​ത്​ 25 ആ​ക്കി​യും (ദി​വ​സം 50) ഉ​യ​ർ​ത്തി. പ​രീ​ക്ഷ ക​ഴി​ഞ്ഞ് സ്കീം ​ഫൈ​ന​ലൈ​സേ​ഷ​ന്‍ ന​ട​ത്തി ചോ​ദ്യ​പേ​പ്പ​റും ഉ​ത്ത​ര​സൂ​ചി​ക​യും ഹ​യ​ർ സെ​ക്ക​ൻ​ഡ​റി പോ​ര്‍ട്ട​ലി​ല്‍ പ്ര​സി​ദ്ധ​പ്പെ​ടു​ത്തും.

സ​ർ​ട്ടി​ഫി​ക്ക​റ്റി​ൽ ​ഗ്രേ​സ്​ മാ​ർ​ക്ക്​ പ്ര​ത്യേ​കം രേ​ഖ​പ്പെ​ടു​ത്തും

സ​ർ​ട്ടി​ഫി​ക്ക​റ്റി​ൽ ഗ്രേ​സ്​ മാ​ർ​ക്ക് പ​രീ​ക്ഷ മാ​ർ​ക്കി​നൊ​പ്പം ചേ​ർ​ക്കാ​തെ പ്ര​ത്യേ​ക​മാ​യി രേ​ഖ​പ്പെ​ടു​ത്തും. നേ​ര​ത്തേ ഗ്രേ​സ്​ മാ​ർ​ക്ക്​ പ​രീ​ക്ഷ മാ​ർ​ക്കി​നൊ​പ്പം ​ചേ​ർ​ത്ത്​ 'ഗ്രേ​സ്​ മാ​ർ​ക്ക്​ അ​വാ​ർ​ഡ​ഡ്​' എ​ന്ന്​ രേ​ഖ​പ്പെ​ടു​ത്തു​ന്ന​താ​യി​രു​ന്നു രീ​തി. പ​ല വി​ദ്യാ​ഭ്യാ​സ സ്ഥാ​പ​ന​ങ്ങ​ളും ഗ്രേ​സ്​ മാ​ർ​ക്ക്​ ഒ​ഴി​വാ​ക്കി​യു​ള്ള സ​ർ​ട്ടി​ഫി​ക്ക​റ്റ്​ ആ​വ​ശ്യ​പ്പെ​ടു​ന്ന സാ​ഹ​ച​ര്യ​ത്തി​ലാ​ണി​ത്. ഗ്രേ​സ് മാ​ര്‍ക്കി​ലൂ​ടെ ല​ഭി​ക്കു​ന്ന പ​ര​മാ​വ​ധി സ്‌​കോ​ര്‍ 90 ശ​ത​മാ​ന​മാ​യി നി​ജ​പ്പെ​ടു​ത്തി.

മൂ​ല്യ​നി​ര്‍ണ​യം ക​ഴി​ഞ്ഞ ഉ​ത്ത​ര​ക്ക​ട​ലാ​സു​ക​ള്‍ ക്യാ​മ്പു​ക​ളി​ല്‍ സൂ​ക്ഷി​ക്കു​ന്ന​തി​ന്‍റെ കാ​ലാ​വ​ധി ര​ണ്ടു വ​ര്‍ഷ​ത്തി​ല്‍ നി​ന്ന്​ ഒ​രു വ​ര്‍ഷ​മാ​യി കു​റ​ച്ചി​ട്ടു​ണ്ട്.