സ്കൂളുകൾ ഒരുങ്ങുന്നു; പുതിയ അധ്യയനത്തിലേക്ക്

കോ​ട്ട​യം: പു​തി​യ അ​ധ്യ​യ​ന​വ​ർ​ഷ​ത്തെ പ്ര​വേ​ശ​നോ​ത്സ​വം ജൂ​ൺ മൂ​ന്നി​ന്‌ ന​ട​ക്കു​മെ​ന്ന പ്ര​ഖ്യാ​പ​നം വ​ന്ന​തി​ന്‌ പി​ന്നാ​ലെ കു​ട്ടി​ക​ളെ വ​ര​വേ​ൽ​ക്കാ​നു​ള്ള അ​വ​സാ​ന​വ​ട്ട ഒ​രു​ക്ക​ത്തി​ലാ​ണ് ജി​ല്ല​യി​ലെ സ്‌​കൂ​ളു​ക​ൾ. ഇ​തി​ന് മു​ന്നോ​ടി​യാ​യി, സ്‌​കൂ​ളു​ക​ളു​ടെ സു​ര​ക്ഷ ഉ​റ​പ്പാ​ക്കാ​നാ​യി അ​റ്റ​കു​റ്റ​പ്പ​ണി​ക​ൾ പു​രോ​ഗ​മി​ക്കു​ക​യാ​ണ്. പ​ണി​ക​ൾ പൂ​ർ​ത്തീ​ക​രി​ച്ച്‌ ഈ ​ആ​ഴ്‌​ച ത​ന്നെ ഫി​റ്റ്‌​ന​സ്‌ സ​ർ​ട്ടി​ഫി​ക്ക​റ്റി​നാ​യി ത​ദ്ദേ​ശ സ്ഥാ​പ​ന​ങ്ങ​ളി​ൽ അ​പേ​ക്ഷ ന​ൽ​കു​മെ​ന്ന്‌ ഡി.​ഡി.​ഇ സു​ബി​ൻ പോ​ൾ പ​റ​ഞ്ഞു.

അ​ടു​ത്ത​ദി​വ​സ​ങ്ങ​ളി​ൽ സ്കൂ​ളും പ​രി​സ​ര​വും വൃ​ത്തി​യാ​ക്ക​ൽ ആ​രം​ഭി​ക്കും. പ​രി​സ​ര​ത്തെ അ​പ​ക​ടാ​വ​സ്ഥ​യി​ലു​ള്ള മ​ര​ങ്ങ​ൾ, ബോ​ർ​ഡു​ക​ൾ, ഹോ​ർ​ഡി​ങ്സ്‌ എ​ന്നി​വ മാ​റ്റും. ശു​ദ്ധ​മാ​യ കു​ടി​വെ​ള്ളം ഉ​റ​പ്പാ​ക്കു​ന്ന​തി​നൊ​പ്പം ഉ​പ​യോ​ഗ​ശൂ​ന്യ​മാ​യ ഫ​ർ​ണി​ച്ച​ർ, മ​റ്റ് ഉ​പ​ക​ര​ണ​ങ്ങ​ൾ എ​ന്നി​വ നീ​ക്കം ചെ​യ്യു​ക​യോ പ്ര​ത്യേ​ക മു​റി​യി​ൽ സൂ​ക്ഷി​ക്കു​ക​യോ ചെ​യ്യും. സ്‌​കൂ​ൾ​ബ​സു​ക​ളു​ടെ ഫി​റ്റ്‌​ന​സ്‌ ഉ​റ​പ്പു​വ​രു​ത്തും. കു​ട്ടി​ക​ളെ കൊ​ണ്ടു​വ​രു​ന്ന സ്വ​കാ​ര്യ വാ​ഹ​ന​ങ്ങ​ളി​ലെ ഡ്രൈ​വ​ർ​മാ​രു​ടെ പേ​രും ലൈ​സ​ൻ​സ്‌ ന​മ്പ​റും സ്‌​കൂ​ളു​ക​ളി​ൽ ന​ൽ​ക​ണ​മെ​ന്നും അ​ധി​കൃ​ത​ർ അ​റി​യി​ച്ചു.

അ​ധ്യാ​പ​ക​ പ​രി​ശീ​ല​നം ആ​രം​ഭി​ച്ചു

ജി​ല്ല​യി​ലെ പൊ​തു​വി​ദ്യാ​ല​യ​ങ്ങ​ളി​ലെ 7500 ഓ​ളം എ​ൽ.​പി, യു.​പി, ഹൈ​സ്‌​കൂ​ൾ അ​ധ്യാ​പ​ക​രു​ടെ പ​രി​ശീ​ല​നം ആ​രം​ഭി​ച്ചു. 18 വ​രെ​യാ​ണ്​ ആ​ദ്യ​ഘ​ട്ട പ​രി​ശീ​ല​നം. 20 മു​ത​ൽ 24 വ​രെ ര​ണ്ടാം​ഘ​ട്ട പ​രി​ശീ​ല​ന​വും ന​ട​ക്കും. പൊ​തു​വി​ദ്യാ​ഭ്യാ​സ വ​കു​പ്പ് സ​മ​ഗ്ര ശി​ക്ഷ വി​ദ്യാ​കി​ര​ണം, ഡ​യ​റ്റ്, കൈ​റ്റ് എ​ന്നി​വ​യു​ടെ നേ​തൃ​ത്വ​ത്തി​ലാ​ണ്‌ പ​രി​ശീ​ല​നം. ജി​ല്ല​ത​ല റി​സോ​ഴ്സ് ഗ്രൂ​പ്പ് പ​രി​ശീ​ല​ന​ങ്ങ​ൾ ആ​രം​ഭി​ച്ചു​ക​ഴി​ഞ്ഞു. ബേ​ക്ക​ർ എ​ച്ച്‌.​എ​സ്‌.​എ​സ്‌, സി.​എം.​എ​സ്‌ കോ​ള​ജ്‌ എ​ച്ച്‌.​എ​സ്‌.​എ​സ്‌, കി​ട​ങ്ങൂ​ർ സെ​ന്റ്‌ മേ​രീ​സ്‌ എ​ന്നി​വി​ട​ങ്ങ​ളി​ലാ​ണ്‌ എ​ൽ.​പി, യു.​പി അ​ധ്യാ​പ​ക​ർ​ക്കു​ള്ള പ​രി​ശീ​ല​നം. ഹൈ​സ്കൂ​ൾ അ​ധ്യാ​പ​ക​ർ​ക്ക്‌ സോ​ണ​ൽ അ​ടി​സ്ഥാ​ന​ത്തി​ലാ​ണ്‌ പ​രി​ശീ​ല​നം.

പാ​ഠ​പു​സ്‌​ത​കം നേ​ര​ത്തേ​യെ​ത്തി

അ​ടു​ത്ത അ​ധ്യ​യ​ന​വ​ർ​ഷ​ത്തേ​ക്കു​ള്ള പാ​ഠ​പു​സ്ത​ക​ങ്ങ​ളു​ടെ വി​ത​ര​ണം മാ​ർ​ച്ചി​ൽ ത​ന്നെ ആ​രം​ഭി​ച്ച​തി​നാ​ൽ ത​യാ​റെ​ടു​പ്പു​ക​ൾ നേ​ര​ത്തെ തു​ട​ങ്ങാ​ൻ വി​ദ്യാ​ർ​ഥി​ക​ൾ​ക്കും അ​ധ്യാ​പ​ക​ർ​ക്കും സാ​ധി​ച്ചു. ജി​ല്ല​യി​ലെ 910 സ്‌​കൂ​ളു​ക​ളി​ലേ​ക്കു​ള്ള 6.25 ല​ക്ഷം പാ​ഠ​പു​സ്ത​ക​ങ്ങ​ളാ​ണ്‌ ഇ​തു​വ​രെ വി​ത​ര​ണം ചെ​യ്ത​ത്‌. ര​ണ്ട്, നാ​ല്, ആ​റ്, എ​ട്ട് 10 ക്ലാ​സു​ക​ളി​ലെ പാ​ഠ​പു​സ്ത​ക​ങ്ങ​ളാ​ണ്​ ആ​ദ്യ​ഘ​ട്ട​ത്തി​ൽ ന​ൽ​കി​യ​ത്‌. ര​ണ്ടാം​ഘ​ട്ട​ത്തി​ൽ ഒ​ന്ന്, മൂ​ന്ന്, അ​ഞ്ച്, ഏ​ഴ്, ഒ​മ്പ​ത്​ ക്ലാ​സു​ക​ളി​ലെ പു​സ്ത​ക​ങ്ങ​ളാ​ണ്‌ വി​ത​ര​ണം ചെ​യ്ത​ത്‌. ഇ​തി​ന്റെ വി​ത​ര​ണം അ​വ​സാ​ന​ഘ​ട്ട​ത്തി​ലാ​ണ്.