വിദ്യാർഥിനികൾക്ക് പ്രത്യേക ആർത്തവ അവധിയും പ്രസവാവധിയും അനുവദിച്ച് കേരള സർവകലാശാല

തിരുവനന്തപുരം: വിദ്യാർഥിനികൾക്ക് പ്രത്യേക ആർത്തവ അവധിയും പ്രസവാവധിയും അനുവദിച്ച് കേരള സർവകലാശാല ഉത്തരവ്. വിദ്യാർഥിനികൾക്ക് ആർത്തവ അവധിക്ക് അനുമതി നൽകിയ ശേഷം ഹാജർ പരിധി 73 ശതമാനമായി നിജപ്പെടുത്തിയ സർക്കാർ ഉത്തരവ് നടപ്പാക്കാനാണ് സർവകലാശാല സിൻഡിക്കേറ്റ് യോഗം തീരുമാനിച്ചത്.

വിദ്യാർഥിനികൾക്ക് ആറു മാസം വരെ പ്രസവാവധി പ്രയോജനപ്പെടുത്താം. അതിന് ശേഷം അവർക്ക് റീ അഡ് മിഷൻ എടുക്കാതെ കോളജിൽ വീണ്ടും ചേരാം. വിദ്യാർഥിനികളുടെ മെഡിക്കൽ രേഖകൾ പരിശോധിക്കാൻ കോളജുകളുടെ പ്രിൻസിപ്പൽമാരെ ചുമതലപ്പെടുത്തിയിട്ടുണ്ടെന്നും വാർത്താകുറിപ്പിൽ സർവകലാശാല അറിയിച്ചു.