യു.ജി.സി-നെറ്റ് ജൂൺ 13-22 വരെ
text_fieldsഇന്ത്യൻ സർവകലാശാലകളിലും കോളജുകളിലും ഭാരത പൗരന്മാർക്ക് അസിസ്റ്റന്റ് പ്രഫസറാകാനും ജൂനിയർ റിസർച് ഫെലോഷിപ്പോടെ ഗവേഷണ പഠനത്തിനുമുള്ള അർഹത നിർണയ പരീക്ഷയായ യു.ജി.സി നാഷനൽ എലിജിബിലിറ്റി ടെസ്റ്റ് (നെറ്റ്-2023) ജൂൺ 13-22 വരെ ‘എൻ.ടി.എ’യുടെ ആഭിമുഖ്യത്തിൽ നടത്തും. കേരളത്തിൽ ആലപ്പുഴ/ചെങ്ങന്നൂർ, അങ്കമാലി, എറണാകുളം/മൂവാറ്റുപുഴ, ഇടുക്കി, കണ്ണൂർ, കാസർകോട്, കൊല്ലം, കോട്ടയം, കോഴിക്കോട്, മലപ്പുറം, പാലക്കാട്, പത്തനംതിട്ട, പയ്യന്നൂർ, തിരുവനന്തപുരം, വയനാട് നഗരങ്ങളിലും ലക്ഷദ്വീപിൽ കവരത്തിയിലും പരീക്ഷകേന്ദ്രങ്ങളുണ്ട്.
ആന്ത്രോപ്പോളജി, അറബ് കൾച്ചർ ആൻഡ് ഇസ്ലാമിക് സ്റ്റഡീസ്, അറബിക്, ആർക്കിയോളജി, കോമേഴ്സ്, കമ്പ്യൂട്ടർ സയൻസ് ആൻഡ് ആപ്ലിക്കേഷൻസ്, ക്രിമിനോളജി, ഡിഫൻസ് ആൻഡ് സ്ട്രാറ്റജിക് സ്റ്റഡീസ്, ഇക്കണോമിക്സ്/ഡീമോഗ്രഫി എജുക്കേഷൻ, ഇലക്ട്രോണിക് സയൻസ്, എൻവയൺമെന്റൽ സയൻസസ്, ഫോറൻസിക് സയൻസ്, ജ്യോഗ്രഫി, ഹിസ്റ്ററി, ഹോം സയൻസ്, ലേബർ വെൽഫെയർ,
ലോ, ലൈബ്രറി ആൻഡ് ഇൻഫർമേഷൻ സയൻസ്, മലയാളം, മാനേജ്മെന്റ്, മാസ് കമ്യൂണിക്കേഷൻ ആൻഡ് ജേണലിസം, മ്യൂസിയോളജി ആൻഡ് കൺസർവേഷൻ മ്യൂസിക്, പെർഫോമിങ് ആർട്ട്, ഫിസിക്കൽ എജുക്കേഷൻ, പൊളിറ്റിക്കൽ സയൻസ്, സൈക്കോളജി, പബ്ലിക് അഡ്മിനിസ്ട്രേഷൻ, സോഷ്യൽ മെഡിസിൻ ആൻഡ് കമ്യൂണിറ്റി ഹെൽത്ത്, സോഷ്യൽ വർക്ക്, സോഷ്യോളജി, ടൂറിസം അഡ്മിനിസ്ട്രേഷൻ ആൻഡ് മാനേജ്മെന്റ്, ഉർദു, വിഷ്വൽ ആർട്ട്, വിമൻ സ്റ്റഡീസ്, യോഗ ഉൾപ്പെടെ 83 വിഷയങ്ങളിലാണ് പരീക്ഷ.
യോഗ്യത: ബന്ധപ്പെട്ട വിഷയത്തിൽ 55 ശതമാനം മാർക്കിൽ കുറയാതെ മാസ്റ്റേഴ്സ് ബിരുദം. യോഗ്യത പരീക്ഷയെഴുതി ഫലം കാത്തിരിക്കുന്നവർക്കും മാസ്റ്റേഴ്സ് ബിരുദ വിദ്യാർഥികൾക്കും അപേക്ഷിക്കാം. ഒ.ബി.സി-എൻ.സി.എൽ/എസ്.സി/എസ്.ടി/പി.ഡബ്ല്യു.ഡി/ തേർഡ് ജെൻഡർ വിഭാഗങ്ങളിൽപെടുന്നവർക്ക് യോഗ്യത പരീക്ഷക്ക് 50 ശതമാനം മാർക്ക് മതി. പ്രായപരിധി ജെ.ആർ.എഫിന് 30 വയസ്സ്. വനിതകൾക്കും എസ്.സി/എസ്.ടി/പി.ഡബ്ല്യു.ഡി/ഒ.ബി.സി-എൻ.സി.എൽ/തേർഡ് ജെൻഡർ വിഭാഗങ്ങൾക്ക് നിയമാനുസൃത വയസ്സിളവുണ്ട്. അസിസ്റ്റന്റ് പ്രഫസർ/െലക്ചറർഷിപ് പരീക്ഷക്ക് പ്രായപരിധിയില്ല.
ഫീസ് 1150 രൂപ. ഒ.ബി.സി-എൻ.സി.എൽ/ഇ.ഡബ്ല്യു.എസ് വിഭാഗത്തിന് 600 രൂപ. എസ്.സി/എസ്.ടി/പി.ഡബ്ല്യു.ഡി/ തേർഡ് ജെൻഡർ 325 രൂപ. ‘യു.ജി.സി നെറ്റ് 2023 ജൂൺ’ വിജ്ഞാപനവും ഇൻഫർമേഷൻ ബുളറ്റിനും https://ugcnet.nta.nic.inൽനിന്ന് ഡൗൺലോഡ് ചെയ്യാം. നിർദേശാനുസരണം ഓൺലൈനായി മേയ് 31 വൈകീട്ട് അഞ്ചു മണിവരെ അപേക്ഷിക്കാം. പരീക്ഷ ഫീസ് ജൂൺ ഒന്ന് രാത്രി 11.50 മണിവരെ. െക്രഡിറ്റ്/ഡെബിറ്റ് കാർഡ്/ നെറ്റ്ബാങ്കിങ് മുഖാന്തരം അടക്കാം. പരീക്ഷ ഘടനയും സിലബസും ഇൻഫർമേഷൻ ബുള്ളറ്റിനിലുണ്ട്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.