ജനറൽ ഇൻഷുറൻസ് കോർപറേഷനിൽ 110 ഒഴിവുകൾ

ജനറൽ ഇൻഷുറൻസ് കോർപറേഷൻ ഓഫ് ഇന്ത്യ മുംബൈ ഹെഡ് ഓഫിസിലേക്ക് സ്കെയിൽ വൺ ഓഫിസർ/അസിസ്റ്റന്റ് മാനേജർമാരെ തിരഞ്ഞെടുക്കുന്നു. ഇന്ത്യയിലെവിടെയും വിദേശത്തും നിയമനം നൽകാം. അക്കാദമിക് മികവുള്ള ഊർജസ്വലരായ യുവതീയുവാക്കൾക്കാണ് അവസരം.

ഒഴിവുകൾ: 110. (ജനറൽ-18, ലീഗൽ -9, ഹ്യൂമൻ റിസോഴ്സ് -6, എൻജിനീയറിങ് -5, ഐ.ടി -11, ആക്ച്വറി -10, ഇൻഷുറൻസ് -20, മെഡിക്കൽ (എം.ബി.ബി.എസ്) -2, ഫിനാൻസ് -18). സംവരണമുണ്ട്. ശമ്പള നിരക്ക് 50,925-96,765 രൂപ. എല്ലാ വിഭാഗത്തിലും അതത് വിഷയങ്ങളിൽ 60 ശതമാനം മാർക്കിൽ കുറയാതെ ബിരുദമാണ് അടിസ്ഥാന​ യോഗ്യത.പട്ടിക വിഭാഗങ്ങൾക്ക് 55 ശതമാനം മാർക്ക് മതിയാകും. പ്രായപരിധി 1-11.2024ൽ 21-30 വയസ്സ്​.

നിയമാനുസൃത വയസ്സിളവുണ്ട്. വിശദമായ യോഗ്യതാ മാനദണ്ഡങ്ങളും സെലക്ഷൻ നടപടികളും അടക്കമുള്ള റിക്രൂട്ട്മെന്റ് വിജ്ഞാപനം www.gicre.inൽ ലഭിക്കും. ഓൺലൈനായി ഡിസംബർ 19 വരെ അപേക്ഷിക്കാം. കേരളത്തിൽ തിരുവനന്തപുരവും കോഴിക്കോടും പരീക്ഷാ കേന്ദ്രങ്ങളാണ്.