പാഠപുസ്തകത്തിൽ അച്ചടിച്ചുവന്ന പ്രതിജ്ഞ തെറ്റി; തിരുത്തിച്ച് മൂന്നാംക്ലാസുകാരൻ
text_fieldsമുഹമ്മദ് അബ്ദുൽറഹീം
ഈരാറ്റുപേട്ട: പരിസരപഠനം ഇംഗ്ലീഷ് മീഡിയം പാഠപുസ്തകത്തിൽ അച്ചടിച്ചുവന്ന പ്രതിജ്ഞയിലെ തെറ്റ് കണ്ടെത്തി ഈരാറ്റുപേട്ട ഗവ. മുസ്ലിം എൽ.പി സ്കൂളിലെ മൂന്നാം ക്ലാസ് വിദ്യാർഥി മുഹമ്മദ് അബ്ദുൽറഹീം. ഇംഗ്ലീഷിൽ നൽകിയിരിക്കുന്ന പ്രതിജ്ഞയിൽ രണ്ടിടത്താണ് തെറ്റുകൾ വന്നിരിക്കുന്നത്. തെറ്റ് കണ്ടെത്തുക മാത്രമല്ല, എസ്.സി.ഇ.ആർ.ടിയിലേക്ക് തെറ്റ് ചൂണ്ടിക്കാണിച്ച് കത്തയക്കുകയും ചെയ്തു ഈ കൊച്ചുമിടുക്കൻ.
പാഠപുസ്തകത്തിലെ പ്രതിജ്ഞയിൽ ഉണ്ടായ അച്ചടിപ്പിശക് ഉടൻ ആരംഭിക്കുന്ന പാഠപുസ്തക പരിഷ്കരണത്തിൽ പരിഹരിക്കുന്നതാണെന്ന വിവരം അറിയിച്ചുകൊണ്ടുള്ള എസ്.സി.ഇ.ആർ.ടിയുടെ മറുപടിയും അബ്ദുൽറഹീമിനെ തേടിയെത്തി. പ്രധാനാധ്യാപകൻ പി.വി. ഷാജിമോൻ, പി.ടി.എ പ്രസിഡന്റ് പി.കെ. നൗഷാദ് തുടങ്ങിയവർ മുഹമ്മദ് അബ്ദുൽറഹീമിന് അഭിനന്ദനങ്ങൾ അറിയിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.