ഡോ. ഷാന പർവീന് എഫ്.എൻ.ബി പരീക്ഷയിൽ രണ്ടാം ​റാങ്ക്

കോഴിക്കോട്: നാഷണൽ ബോർഡ് ഓഫ് മെഡിക്കൽ എക്സാമിനേഷന്റെ കീഴിലുള്ള പോസ്റ്റ്-ഡോക്ടറൽ ഫെലോഷിപ്പ് പ്രവേശന പരീക്ഷയിൽ(എഫ്.എൻ.ബി) ഡോ. ഷാന പർവീൻ അഖിലേന്ത്യ തലത്തിൽ രണ്ടാം റാങ്ക് കരസ്ഥമാക്കി.

കോഴിക്കോട് ജില്ലയിൽ വാണിമേൽ ഭൂമിവാതുക്കൽ സി.പി. ഹാരിസിന്റെയും സുബൈദയുടെയും മകളാണ് ഷാന.കോഴിക്കോട് ഗവ. മെഡിക്കൽ കോളജിൽ നിന്ന് എം.ബി.ബി.എസും ഒബ്സ്റ്റട്രിഷ്യൻ ആൻഡ് ഗൈനക്കോളജിയിൽ( Obstetrician & Gynaecology) എം.എസ് നേടിയ ഡോ. ഷാന പർവീൻ മലപ്പുറം ജില്ലയിലെ വാഴക്കാട് ഇഖ്റഅ് ഹോസ്പിറ്റലിലെ ഗൈനക്കോളജിസ്റ്റാണ്. തൃശൂർ ഗവ. മെഡിക്കൽ കോളജിലെ അസി. പ്രഫസർ വി.കെ. സമീനാണ് ഭർത്താവ്. ഫീറ്റൽ മെഡിസിനിലോ റിപ്രൊഡക്ടീവ് മെഡിസിനിലോ രണ്ട് വർഷത്തെ തുടർ പഠനമാണ് ഷാനയുടെ ലക്ഷ്യം.