ഗേറ്റ് 2023 ഫലം ഇന്ന് നാലുമണിക്ക്

ഗേറ്റ് 2023(GATE 2023) പരീക്ഷ ഫലം മാർച്ച് 16 നാലുമണിയോടെ അറിയാം. ഇത്തവണ ഇന്ത്യൻ ഇൻസ്റ്റിറ്റ്യൂട്ട് ഓഫ് കാൺപൂർ ആണ് പരീക്ഷ നടത്തിയത്. കാൺപൂർ ഐ​.ഐ.ടിയുടെ gate.iitk.ac.in വെബ്സൈറ്റ് വഴി ഫലമറിയാം.

ഫെബ്രുവരി 4,5,11,12 തീയതികളിലായി രാജ്യത്തുടനീളമുള്ള വിവിധ കേന്ദ്രങ്ങളിലായാണ് ഗേറ്റ് 2023 പരീക്ഷ നടന്നത്. ഉത്തരസൂചിക ഫെബ്രുവരി 21ന് പ്രസിദ്ധീകരിച്ചിരുന്നു. കംപ്യൂട്ടർ അധിഷ്ഠിത പരീക്ഷയായിരുന്നു. കേന്ദ്രസർക്കാരിന്റെ ധനസഹായത്തോടെ പഠിക്കാവുന്ന എൻജിനീയറിങ്, ടെക്‌നോളജി, ആർക്കിടെക്ചർ, വിഷയങ്ങളിലെ മാസ്റ്റേഴ്സ് / ഡോക്ടറൽ പ്രോഗ്രാമുകളിലെയും ആർട്സ്, സയൻസ് ഡോക്ടറൽ പ്രോഗ്രാമുകളിലെയും പ്രവേശനത്തിന് അർഹത നിർണയിക്കുന്ന ദേശീയപരീക്ഷയാണ് ഗേറ്റ്.

പ്രമുഖ പൊതുമേഖലാ സ്‌ഥാപനങ്ങളിലെ നിയമനങ്ങൾക്കും ഗേറ്റ് സ്കോർ പരിഗണിക്കും. കേന്ദ്ര സർക്കാരിലെ ഗ്രൂപ്പ് എ തസ്തികകളിൽ നേരിട്ടുള്ള നിയമനത്തിനും ഗേറ്റ് സ്കോർ പരിഗണിക്കും.