ഹയർ സെക്കൻഡറി തുല്യത പരീക്ഷ മേയ്​ മൂന്നു മുതൽ; ഭീതി​യോടെ പഠിതാക്കൾ

തൃശൂർ: നേരത്തേ നഷ്​ടമായ അവസരം തുല്യത പരീക്ഷയിലൂടെ തിരിച്ചുപിടിക്കാൻ ഒരുങ്ങു​േമ്പാഴും അവർ ഭീതിയിലാണ്​. കോവിഡ്​ വ്യാപനം അതിരൂക്ഷമായിരിക്കേ പരീക്ഷ എങ്ങനെ എഴുതുമെന്നാണ്​ പഠിതാക്കളുടെ ചോദ്യം. മേയ്​ മൂന്നിന്​ തുടങ്ങി എട്ടിന്​ അവസാനിക്കുന്ന ഹയർ സെക്കൻഡറി തുല്യത പരീക്ഷക്കായി ഒരുങ്ങു​​േമ്പാഴും പരീക്ഷ എഴുതുന്ന സ്​ത്രീകൾ അടക്കമുള്ളവരുടെ മനസ്സിൽ തീയാണ്​.

കാര്യങ്ങൾ ഇങ്ങനെ ആണെങ്കിലും പരീക്ഷക്ക്​ ഒരുക്കവും തകൃതിയാണ്​. സംസ്ഥാനത്ത്​ കാൽ ലക്ഷത്തോളം പേരാണ് പരീക്ഷ എഴുതുന്നത്​. ഇവരിൽ കൂടുതൽ പേർ മലപ്പുറം, തിരുവനന്തപുരം അടക്കം ജില്ലകളിൽനിന്നാണ്​.

നേരത്തേ ലോക്​ഡൗൺ കാലത്ത്​ ഓൺലൈനിലായിരുന്നു ഇവർക്ക്​ പഠനം. പിന്നീട്​ കോവിഡ്​ വ്യാപനം കുറഞ്ഞതോടെ പഠനം സാധാരണനിലയിൽ അവധി ദിനങ്ങളിലായി. കോവിഡ്​ രണ്ടാം തരംഗം വന്നതോടെ വീണ്ടും ഓൺലൈനിലായി ക്ലാസുകൾ. ഹാൾടിക്കറ്റ്​ അടക്കം കിട്ടി പരീക്ഷക്ക്​ കാത്തിരിക്കു​േമ്പാഴും ഇവരിൽ പലർക്കും പേടിയാണ്​.

കോവിഡ്​ വ്യാപനം രൂക്ഷമായ സാഹചര്യത്തിൽ പരീക്ഷ മാറ്റണ​െമന്നാണ്​ സ്​ത്രീകൾ അടക്കമുള്ളവരുടെ ആവശ്യം. ഇക്കാര്യം ആവശ്യപ്പെട്ട്​ ഇ-മെയിൽ അയച്ചതിന്​ നന്ദി അറിയിച്ച്​​ മുഖ്യമന്ത്രിയുടെ ഓഫിസിൽനിന്ന്​ മറുപടി എത്തിയെങ്കില​ും പരീക്ഷ മാറ്റുന്നതിൽ തീരുമാനമായിട്ടില്ല.

മേയ്​ 24നാണ്​ തുല്യത എസ്​.എസ്​.എൽ.സി പരീക്ഷ നടക്കുന്നത്. തിങ്കളാഴ്​ച വരെ പിഴയോടുകൂടി അപേക്ഷ നൽകാനുള്ള സമയം ഉണ്ടെങ്കിലും ഇത്​ നീട്ടിനൽകാനാണ്​ സാധ്യത. ഒരാഴ്​ചയായി ഭീതിതമായ സാഹചര്യം നിലനിൽക്കുന്നതിനാലാണ്​ സമയം നീട്ടിനൽകുമെന്ന്​ പഠിതാക്കൾ പ്രതീക്ഷിക്കുന്നത്​.