ജെ.ഇ.ഇ പേപ്പർ 1 പരീക്ഷാഫലം പ്രഖ്യാപിച്ചു; ആറ്​ പേർക്ക്​ നൂറ്​ ശതമാനം മാർക്ക്​

ന്യൂഡൽഹി: ഫെബ്രുവരിയിൽ നടന്ന ജോയിന്‍റ്​ എൻട്രൻസ്​ എക്​സാമിനേഷന്‍റെ(ജെ.ഇ.ഇ) ഒന്നാം പേപ്പർ ഫലം പ്രഖ്യാപിച്ചു. ആറ്​ പേർ​ നൂറ്​ ശതമാനം മാർക്ക്​ കരസ്​ഥമാക്കി. ഡൽഹി സ്വദേശികളായ പ്രവർ കതാരിയ, രഞ്ജിം പ്രബൽ ദാസ്​, ചണ്ഡിഗഢ്​ സ്വദേശി ഗുരാമൃത്​ സിങ്​, രാജസ്ഥാൻ സ്വദേശി സാകേത്​ ഝാ, മഹാരാഷ്​ട്രയിൽ നിന്നുള്ള സിദ്ധാന്ത്​ മുഖർജി, ഗുജറാത്തിൽ നിന്നുള്ള അനന്ത്​​ കൃഷ്​ണ കിഡംബി എന്നിവരാണ്​ മുഴുവൻ മാർക്കും നേടിയത്​.

jeemain.nta.nic.in അല്ലെങ്കിൽ nta.ac.in വെബ്​സൈറ്റുകളിൽ നിന്ന്​ വിദ്യാർഥികൾക്ക്​ ആപ്ലിക്കേഷൻ നമ്പറും പാസ്​വേഡും നൽകിയാൽ ഫലമറിയാം.

6,61,776 പേർ രജിസ്റ്റർ ചെയ്​ത പരീക്ഷക്ക്​ 95 ശതമാനത്തോളം വിദ്യാർഥികളും ഹാജരായിരുന്നു.

തിങ്കളാഴ്ച രാവിലെ ജെ.ഇ.ഇ അന്തിമ ഉത്തരസൂചിക വെബ്​സൈറ്റിലൂ​െട പുറത്തു വിട്ടിരുന്നു. പ്രൊവിഷണൽ ഉത്തര സൂചിക വെബ്​സൈറ്റിൽ ലഭ്യമാണ്​.