കണ്ണൂർ സർവകലാശാല വിദൂര വിദ്യാഭ്യാസ പരീക്ഷ മാറ്റി

കണ്ണൂർ: നാളെ തുടങ്ങാനിരുന്ന കണ്ണൂർ സർവകലാശാല മൂന്നാം വർഷ വിദൂര വിദ്യാഭ്യാസ ബിരുദ പരീക്ഷ അനിശ്ചിതകാലത്തേക്ക് മാറ്റി. കോവിഡ് വ്യാപനം രൂക്ഷമായ പശ്ചാത്തലത്തിലാണ്​ നടപടി.

30ഓ​ളം കോ​ള​ജു​ക​ളാ​ണ്​ പ​രീ​ക്ഷ​കേ​ന്ദ്ര​ങ്ങ​ളായി നിശ്​ചയിച്ചിരുന്നത്​. എന്നാൽ, ഇവിടങ്ങ​ളി​ൽ പ​രി​ശോ​ധ​ന​ക്കാ​യി ആ​രോ​ഗ്യ​പ്ര​വ​ർ​ത്ത​ക​രെ​യും മ​റ്റും യൂ​നി​വേ​ഴ്​​സി​റ്റി ഏ​ർ​പ്പാ​ടാ​ക്കി​യി​രുന്നില്ല. ഇ​തു​സം​ബ​ന്ധി​ച്ച മു​ഴു​വ​ൻ ഉ​ത്ത​ര​വാ​ദി​ത്ത​ങ്ങ​ളും അ​ത​ത് സെൻറ​റു​ക​ളു​ടെ ത​ല​യി​ൽ കെ​ട്ടി​വെ​ച്ച​തായി​ സ്വാ​ശ്ര​യ കോ​ള​ജ്​ മാ​നേ​ജ്​​മെൻറ്​ അ​സോ​സി​യേ​ഷൻ ആരോപിച്ചിരുന്നു. മു​ൻ​ക​രു​ത​ലി​ല്ലാ​തെ ന​ട​ത്തു​ന്ന പ​രീ​ക്ഷ​ക്ക്​ ഡ്യൂ​ട്ടി ചെ​യ്യാ​ൻ അ​ധ്യാ​പ​ക​ർ വി​സ​മ്മ​തം അ​റി​യിച്ചതായും പരീക്ഷ മാറ്റിവക്കെണമെന്നും ഇവർ ആവശ്യപ്പെട്ടിരുന്നു.

കണ്ണൂർ, വയനാട്, കാസർകോട്​ ജില്ലകളിലെ വിവിധ സ്ഥലങ്ങൾ കണ്ടെയ്ന്മെന്റ് സോണുകളായതിനാൽ വിദ്യാർഥികൾക്ക്​ പരീക്ഷക്കെത്താൻ കഴിയില്ലെന്നും മാറ്റിവെക്കണമെന്നും ഫ്ര​റ്റേണിറ്റി മൂവ്​മെൻറും ആവശ്യപ്പെട്ടിരുന്നു. വിദ്യാർത്ഥികളു​െട ആശങ്ക പരിഹരിക്കണമെന്നാവശ്യപ്പെട്ട് പരീക്ഷ കൺട്രോളർ പി.ജെ വിൻസെൻറിന്‌ ഫ്രറ്റേണിറ്റി മൂവ്മെൻറ്​​ ജില്ല കമ്മിറ്റി കഴിഞ്ഞ ദിവസം നിവേദനവും നൽകിയിരുന്നു. ​