എൻ.എൽ.എസ്.ഐ.യുവിൽ നിയമപഠനത്തിന് നാഷനൽ ലോ ആപ്റ്റിറ്റ്യൂഡ് ടെസ്റ്റ് സെപ്റ്റംബർ 12ന്
text_fields
നാഷനൽ ലോ യൂനിവേഴ്സിറ്റി ബാംഗ്ലൂർ നടത്തുന്ന പഞ്ചവത്സര ബി.എ എൽഎൽ.ബി (ഓണേഴ്സ്) ഏകവർഷ എൽഎൽ.എം െറഗുലർ കോഴ്സുകളിലേക്കുള്ള പ്രവേശനത്തിന് സെപ്റ്റംബർ 12ന് പ്രത്യേകം നാഷനൽ ലോ ആപ്റ്റിറ്റ്യൂഡ് ടെസ്റ്റ് (എൻ.എൽ.എ.ടി-2020) നടത്തും.
ട്രൈമെസ്റ്റർ സമ്പ്രദായമായതിനാൽ സെപ്റ്റംബർ 30നകം അഡ്മിഷൻ നടപടികൾ പൂർത്തിയാക്കേണ്ട സാഹചര്യമാണുള്ളത്. അതിനാൽ ക്ലാറ്റ് സ്കോർ ഇക്കൊല്ലത്തെ പ്രവേശനത്തിന് പരിഗണിക്കാനാവില്ലെന്ന് അധികൃതർ വ്യക്തമാക്കി. ക്ലാറ്റ് 2020- പരീക്ഷ അനിശ്ചിതമായി നീണ്ടുപോയത് മറ്റൊരു കാരണമായി ചൂണ്ടിക്കാട്ടുന്നു. പരിഷ്കരിച്ച പ്രവേശനനടപടികൾ (എൻ.എൽ.ടി 2020)െൻറ വിശദാംശങ്ങൾ https:/admission.nls.ac.in ൽ പ്രസിദ്ധപ്പെടുത്തിയിട്ടുണ്ട്.
നാഷനൽ ലോ ആപ്റ്റിറ്റ്യൂഡ് ടെസ്റ്റിൽ (NLAT 2020)ൽ പങ്കെടുക്കുന്നതിന് സെപ്റ്റംബർ 10 അർധരാത്രിവരെ ഓൺ ലൈനായി അപേക്ഷിക്കും. അപേക്ഷഫീസ് 150 രൂപ. എസ്.സി/ എസ്.ടിക്കാർക്ക് 125 രൂപ.
യോഗ്യത: 45 ശതമാനം മാർക്കോടെ പ്ലസ്ടു. എസ്.സി/എസ്.ടിക്കാർക്ക് 20 ശതമാനം മതി. 50 ശതമാനം മാർക്കോടെ നിയമബിരുദമെടുത്തവർക്ക് ഏകവർഷ എൽഎൽ.എം കോഴ്സിനും അപേക്ഷിക്കാം. വിലാസം: നാഷനൽ ലോ സ്കൂൾ ഓഫ് ഇന്ത്യ യൂനിവേഴ്സിറ്റി, നഗർഭവി, ബംഗളൂരു- 560072.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.