സി.​യു.​ഇ.​ടി-​യു.​ജി പുനഃപരീക്ഷ ജൂലൈ19ന്

സി.​യു.​ഇ.​ടി-​യു.​ജി പ​രീ​ക്ഷ​ക​ളെ കു​റി​ച്ച് ചി​ല വി​ദ്യാ​ർ​ഥി​ക​ൾ ഉ​ന്ന​യി​ച്ച പ​രാ​തി ശ​രി​യെ​ന്ന് ബോ​ധ്യ​പ്പെ​ട്ട സാഹചര്യത്തിൽ അ​വ​ർ​ക്ക് പു​നഃ​പ​രീ​ക്ഷ ന​ട​ത്തു​മെ​ന്ന് ദേ​ശീ​യ ടെ​സ്റ്റി​ങ് ഏ​ജ​ൻ​സി (എ​ൻ.​ടി.​എ). ജൂ​ലൈ 19 നാണ് പുനഃപരീക്ഷ. അവരുടെ അഡ്മിറ്റ് കാർഡ് വെബ്സൈറ്റിൽ നിന്ന് ഡൗൺലോഡ് ചെയ്ത് എടുക്കാം. ജൂ​ൺ 30വ​രെ ന​ൽ​കി​യ പ​രാ​തി​ക​ളാ​ണ് പ​രി​ഗ​ണി​ച്ചത്. ചി​ല പ​രീ​ക്ഷാ കേ​ന്ദ്ര​ങ്ങ​ളി​ൽ സ​മ​യ​ന​ഷ്ടം, സാ​​ങ്കേ​തി​ക ത​ക​രാ​റു​ക​ൾ തു​ട​ങ്ങി​യ പ​രാ​തി​ക​ളാ​ണ് ല​ഭി​ച്ച​ത്.

അഡ്മിറ്റ് കാർഡ് ഡൗൺലോഡ് ചെയ്യാൻ ബുദ്ധിമുട്ട് അനുഭവിക്കുന്നവർ 011-40759000/011-69227700 എന്നീ നമ്പറുകളിൽ ബന്ധപ്പെടുക. പരീക്ഷ സംബന്ധ വിവരങ്ങൾക്ക് www.nta.ac.in, https://exams.nta.ac.in/CUET-UG/ എന്നീ വെബ്സൈറ്റ് സന്ദർശിക്കുക.

നേ​ര​ത്തെ ന​ട​ന്ന പ​രീ​ക്ഷ​യു​ടെ ഉ​ത്ത​ര സൂ​ചി​ക എ​ൻ.​ടി.​എ പു​റ​ത്തു​വി​ട്ടി​ട്ടു​ണ്ട്. വൈ​കാ​തെ പ​രീ​ക്ഷാ​ഫ​ലം പ്ര​ഖ്യാ​പി​​ക്കു​മെ​ന്നാ​ണ് സൂ​ച​ന. നീ​റ്റ്, നെ​റ്റ് അ​ട​ക്കം പ​രീ​ക്ഷ​ക​ൾ സം​ബ​ന്ധി​ച്ച് വ്യാ​പ​ക പ​രാ​തി​ക​ളു​യ​രു​ക​യും നെ​റ്റ് പ​രീ​ക്ഷ റ​ദ്ദാ​ക്കു​ക​യും ചെ​യ്ത സാ​ഹ​ച​ര്യ​ത്തി​ലാ​ണ് സി.​യു.​ഇ.​ടി-​യു.​ജി ഫ​ല​പ്ര​ഖ്യാ​പ​നം ​വൈ​കി​യ​ത്.

രാ​ജ്യ​ത്താ​ദ്യ​മാ​യി ഹൈ​ബ്രി​ഡ് രീ​തി​യി​ൽ ന​ട​ത്തി​യ പ​രീ​ക്ഷ ഡ​ൽ​ഹി​യി​ൽ ത​ലേ​ന്ന് രാ​ത്രി റ​ദ്ദാ​ക്കി​യി​രു​ന്നു. ഇ​വി​ടെ പി​ന്നീ​ട് പ​രീ​ക്ഷ ന​ട​ന്നു. 15 വി​ഷ​യ​ങ്ങ​ൾ​ക്ക് എ​ഴു​ത്തു​പ​രീ​ക്ഷ​യും മ​റ്റു 48 വി​ഷ​യ​ങ്ങ​ൾ​ക്ക് ക​മ്പ്യൂ​ട്ട​ർ അ​ധി​ഷ്ഠി​ത പ​രീ​ക്ഷ​യു​മാ​ണ് ന​ട​ന്ന​ത്. രാ​ജ്യ​ത്തെ 261 കേ​ന്ദ്ര, സം​സ്ഥാ​ന, ഡീം​ഡ് യൂ​നി​വേ​ഴ്സി​റ്റി​ക​ളി​ൽ പ്ര​വേ​ശ​ന​ത്തി​നാ​യി 13.4 ല​ക്ഷം വി​ദ്യാ​ർ​ഥി​ക​ളാ​ണ് ര​ജി​സ്റ്റ​ർ ചെ​യ്ത​ത്.