കണ്ണൂർ സർവകലാശാല പരീക്ഷകൾ നടത്തുന്നതിനെതിരെ വിദ്യാർഥികൾ

കാസർകോട്: കോവിഡ്​ മഹാമാരി വകവെക്കാതെ കണ്ണൂർ സർവകലാശാല പരീക്ഷയുമായി മുന്നോട്ടുപോകുന്നതായി വിദ്യാർഥികൾ.

ജൂൺ 30 മുതൽ ഓഫ്​ലൈനായി പരീക്ഷ നടത്തുന്നതിനെതിരെ കാമ്പയിനുമായാണ്​ വിദ്യാർഥികളുടെ രംഗപ്രവേശനം. എല്ലാ പരീക്ഷകളും പിൻവലിക്കണമെന്ന് വിദ്യാർഥി കൂട്ടായ്മയായ കണ്ണൂർ യൂനിവേഴ്‌സിറ്റി സ്​റ്റുഡൻറ്​സ് കലക്ടിവ് ആവശ്യപ്പെട്ടു. തിങ്കളാഴ്​ച കണ്ണൂർ സർവകലാശാലക്കു മുന്നിലും വിവിധ കോളജുകൾക്ക് മുന്നിലും പ്രതിഷേധദിനം ആചരിക്കും.

യു.ജി, പി.ജി അവസാന സെമസ്​റ്റർ പരീക്ഷകൾ റദ്ദാക്കി മുൻ സെമസ്​റ്ററുകളിലെ ഫലത്തി​െൻറ അടിസ്ഥാനത്തിൽ മൂല്യനിർണയം നടത്തി ഉടൻ ഫലം പ്രഖ്യാപിക്കണമെന്നും വിദ്യാർഥികൾ ആവശ്യപ്പെട്ടു.