പരീക്ഷകളും അഭിമുഖങ്ങളും മാറ്റി

തിരുവനന്തപുരം: തലസ്​ഥാനത്ത്​ ട്രിപ്പ്​ൾ ലോക്​ഡൗൺ അടക്കമുള്ള നിയന്ത്രണങ്ങൾ ​പ്രഖ്യാപിച്ചതിനാൽ വിവിധ പരീക്ഷകളും അഭിമുഖങ്ങളും മാറ്റിവെച്ചു. ജൂലൈ ആറ്​ മുതൽ ഒരാഴ്​ചത്തേക്ക്​ പി.എസ്​.സി നടത്താൻ തീരുമാനിച്ചിരുന്ന ഐ.എ.എസ്​/ഐ.പി.എസ്​ ഓഫിസർമാരുടെ വകുപ്പുതല പരീക്ഷ, തിരുവനന്തപുരത്ത്​  നടത്താൻ തീരുമാനിച്ചിരുന്ന അഭിമുഖം, സർട്ടിഫിക്കറ്റ്​ പരിശോധന എന്നിവ മാറ്റി. എറണാകുളം, കോഴിക്കോട്​ ജില്ലകളിലെ അഭിമുഖം നിശ്ചയിച്ച പ്രകാരം നടക്കും.

ജൂലൈ ആറ്​, ഏഴ്​, എട്ട്​ തീയതികളിൽ നടത്താൻ നിശ്ചയിച്ചിരുന്ന ഡി.എഡ്​/ഡി.എൽ.എഡ്​ പരീക്ഷകൾ മാറ്റിവെച്ചു. പുതുക്കിയ തീയതികൾ പിന്നീട്​ അറിയിക്കും.

കേരള സർവകലാശാലയുടെ തിരുവനന്തപുരം നഗരത്തിലുള്ള പരീക്ഷകേന്ദ്രങ്ങളിലെ പരീക്ഷകൾ മാറ്റി. മറ്റ്​ കേന്ദ്രങ്ങളിൽ പരീക്ഷകൾക്ക് മാറ്റമുണ്ടാകില്ല. നഗരത്തിലെ കേന്ദ്രങ്ങളിൽ പരീക്ഷയെഴുതുന്ന വിദ്യാർഥികൾക്ക് വീണ്ടും അവസരം ഒരുക്കുമെന്നും സർവകലാശാല അധികൃതർ അറിയിച്ചു.

എം.ജി സർവകലാശാല തിങ്കളാഴ്​ച മുതൽ തിരുവനന്തപുരം യൂനിവേഴ്സിറ്റി കോളജിൽ നടത്താനിരുന്ന പരീക്ഷകൾ മാറ്റി. പുതുക്കിയ തീയതി പിന്നീട് അറിയിക്കും.  മറ്റു ജില്ലകളിലുള്ള പരീക്ഷ കേന്ദ്രങ്ങളിലെ പരീക്ഷകൾക്ക് മാറ്റമില്ല. യൂനിവേഴ്സിറ്റി കോളജിൽ പരീക്ഷ എഴുതുന്ന വിദ്യാർഥികൾക്ക് ലോക്​ഡൗൺ പിൻവലിച്ചതിനുശേഷം പരീക്ഷ നടത്തുമെന്ന് കൺട്രോളർ അറിയിച്ചു.