ആയുഷ് പി.ജി പ്രവേശന പരീക്ഷക്ക് തയാറെടുക്കാം
text_fieldsതിരുവനന്തപുരം: അഖിേലന്ത്യ ആയുഷ് പോസ്റ്റ് ഗ്രാജ്വേറ്റ് എൻട്രൻസ് ടെസ്റ്റിന് (AIAPGET 2020) അപേക്ഷ ക്ഷണിച്ചു. ആയുർവേദ, യൂനാനി, സിദ്ധ, ഹോമിയോപ്പതി എന്നിവയിൽ എം.ഡി/എം.എസ് /പി.ജി ഡിപ്ലോമ കോഴ്സുകളിൽ അഖിലേന്ത്യ സ്റ്റേറ്റ് േക്വാട്ടാ സീറ്റുകളിലാണ് പ്രവേശനം. പരീക്ഷാ തീയതി പിന്നീട് അറിയിക്കും. അപേക്ഷാഫീസ്: ജനറൽ, ഒ.ബി.സി നോൺ ക്രീമിലെയർ -2500 രൂപ, ജനറൽ- EWS - 2250 രൂപ. SC/ST/PWD/ട്രാൻസ്ജൻഡർ -1750 രൂപ. സേവന നികുതി കൂടി നൽകണം.
വിവരങ്ങളടങ്ങിയ ഇൻഫർമേഷൻ ബുള്ളറ്റിൻ വെബ്സൈറ്റിൽ നിന്ന് ഡൗൺലോഡ് ചെയ്ത് നിർദേശാനുസരണം അപേക്ഷ ഓൺലൈനായി മേയ് 6 മുതൽ ജൂൺ 5 വൈകീട്ട് നാലുമണിവരെ സമർപ്പിക്കാം. അപേക്ഷയിലെ തെറ്റു തിരുത്തുന്നതിന് ജൂൺ 6 മുതൽ 10 വരെ സമയം ലഭിക്കും. അഡ്മിറ്റ് കാർഡ് ജൂൺ 20 മുതൽ ഡൗൺലോഡ് ചെയ്യാം. യോഗ്യത: അംഗീകൃത BAMS/BUMS/BSMS/BHMS ബിരുദം. ഒരുവർഷത്തെ ഇേൻറൺഷിപ് പൂർത്തിയാക്കിയിരിക്കണം. 2020 സെപ്റ്റംബർ 30നകം ഇേൻറൺഷിപ് പൂർത്തിയാക്കുന്നവരെയും പരിഗണിക്കും.
പരീക്ഷ: രണ്ടു മണിക്കൂർ ദൈർഘ്യമുള്ള കമ്പ്യൂട്ടർ അധിഷ്ഠിത പരീക്ഷയിൽ ഒബ്ജക്ടിവ് മൾട്ടിപ്പിൾ ചോയിസ് മാതൃകയിൽ ബന്ധപ്പെട്ട വിഷയങ്ങളിൽ 120 ചോദ്യങ്ങളുണ്ടാവും.
കേരളത്തിൽ തിരുവനന്തപുരം, കോട്ടയം, എറണാകുളം/കൊച്ചി, തൃശൂർ പരീക്ഷാകേന്ദ്രങ്ങളാണ്. ഇന്ത്യയൊട്ടാകെ 33 പരീക്ഷ കേന്ദ്രങ്ങളാണുള്ളത്. കേരളത്തിലെ ആയുഷ് പി.ജി. കോഴ്സുകളിലേക്കാണ് പരീക്ഷ. പ്രവേശനത്തിന് AIAPGETയുടെ റാങ്ക് അടിസ്ഥാനത്തിലാണ്. കൂടുതൽ വിവരങ്ങൾക്ക് www.ntaaiapget.nic.in സന്ദർശിക്കുക.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.