![Number of candidates hired for government jobs in 2020 21 fell by 46 8 Percent Number of candidates hired for government jobs in 2020 21 fell by 46 8 Percent](https://www.madhyamam.com/h-upload/2021/12/11/1321298-number-of-candidates-hired-for-government-jobs-in-2020-21-fell-by-46-8-percent.webp)
കേന്ദ്രസർക്കാർ ജോലിയിലും ഇടിവ്; നിയമനത്തിൽ 46.8 ശതമാനം കുറവ്
text_fieldsന്യൂഡൽഹി: 2020ലെ കോവിഡ് മഹാമാരി കോർപറേറ്റ് ജോലി നിയമനത്തിൽ മാത്രമല്ല, കേന്ദ്രസർക്കാറിനെയും ബാധിച്ചതായി കണക്കുകൾ. 2020-21 ൽ പുതുതായി നിയമനം ലഭിച്ചവരുടെ എണ്ണത്തിൽ മുൻ വർഷത്തെ അപേക്ഷിച്ച് 46.8 ശതമാനം കുറവുണ്ടായി. കേന്ദ്രമന്ത്രി ലോക്സഭയിൽ വ്യക്തമാക്കിയതാണ് ഇക്കാര്യം.
2019-20 കാലയളവിൽ 1,48,377 പേർക്കാണ് കേന്ദ്രസർക്കാർ ജോലി ലഭിച്ചതെങ്കിൽ ഈ വർഷം അത് 78,869 ആയി കുറഞ്ഞു. കഴിഞ്ഞ അഞ്ചുവർഷത്തിൽ ഏറ്റവും കൂടുതൽ നിയമനം നടത്തിയത് 2019-20ൽ ആയിരുന്നു.
സ്റ്റാഫ് സെലക്ഷൻ കമ്മീഷൻ (എസ്.എസ്.സി), യൂണിയൻ പബ്ലിക് സർവിസ് കമ്മീഷൻ (യു.പി.എസ്.സി), റെയിൽവേ റിക്രൂട്ട്മെന്റ് ബോർഡ്സ് (ആർ.ആർ.ബി) എന്നിവക്കാണ് കേന്ദ്രസർക്കാർ ജോലികളിലേക്ക് നിയമനം നടത്തേണ്ട ചുമതല.
ഈ വർഷം 4214 ഉദ്യോഗാർഥികളെ യു.പി.എസ്.സി നിയമിച്ചു. എസ്.എസ്.സി 68,891 േപർക്കും ആർ.ആർ.ബി 5764 പേർക്കും നിയമനം നൽകി -തൊഴിൽ മന്ത്രി ഭൂപേന്ദർ യാദവ് ലോക്സഭയിൽ ചോദ്യത്തിന് മറുപടിയായി പറഞ്ഞു.
2019-20ൽ ആർ.ആർ.ബി 1,28,456 ഉദ്യോഗാർഥികളെ നിയമിച്ച സ്ഥാനത്താണ് ഈ വർഷം 5764 പേർക്ക് മാത്രം നിയമനം നൽകിയത്. 2018-19കാലയളവിൽ 38,827 പേർക്കും 2017-19ൽ 77,192 പേർക്കും 2016-17ൽ 1,02,153 പേർക്കും പുതുതായി നിയമനം നൽകിയിരുന്നു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.