വകുപ്പുതല പരീക്ഷകൾ പി.എസ്.സി റദ്ദാക്കി; സർക്കാർ ജീവനക്കാരുടെ പ്രബേഷൻ, പ്രമോഷൻ നടപടി വൈകുന്നു

തൃശൂർ: കോവിഡ് വ്യാപനത്തെ തുടർന്ന് വകുപ്പുതല പരീക്ഷകൾ പി.എസ്.സി റദ്ദാക്കിയതിനെ തുടർന്ന് സർക്കാർ ജീവനക്കാരുടെ പ്രബേഷൻ, പ്രമോഷൻ നടപടി വൈകുന്നു. കോവിഡ് ഒന്നാംഘട്ട വ്യാപനത്തെ തുടർന്ന് 2020 ജനുവരിയിലെ വകുപ്പുതല പരീക്ഷ വിജ്ഞാപനം റദ്ദ് ചെയ്തിരുന്നു.

തുടർന്ന് ഈ വർഷം മേയിൽ നടക്കേണ്ടിയിരുന്ന വകുപ്പുതല പരീഷകളും റദ്ദ് ചെയ്യാൻ തീരുമാനിച്ചതിനാൽ പ്രബേഷൻ പൂർത്തീകരിക്കാനാകാതെ ഇൻക്രിമെൻറും സീനിയോറിറ്റിയും പ്രമോഷനും ഉൾപ്പെടെ അർഹമായ ആനുകൂല്യങ്ങൾ നഷ്​ടപ്പെടുമെന്ന ആശങ്കയിലാണ് ഉദ്യോഗസ്ഥർ.

മാർച്ച്, ഏപ്രിൽ, മേയ് മാസങ്ങളിൽ ന​െല്ലാരു ശതമാനം ജീവനക്കാർ വിരമിച്ചതോടെ ഉയർന്ന തസ്തികകളിൽ നേരിട്ട് നിയമനം ലഭിച്ച ഉദ്യോഗസ്ഥരുടെ പ്രമോഷൻ നടപടികൾ വൈകുന്നത് നിയമനം കാത്ത് നിൽക്കുന്ന ഉദ്യോഗാർഥികൾക്ക്​ പ്രതികൂലമാകുമെന്നാണ്​ ആശങ്ക.