വകുപ്പുതല പരീക്ഷാകേന്ദ്രങ്ങൾ വെട്ടിക്കുറച്ച് പി.എസ്.സി

തി​രു​വ​ന​ന്ത​പു​രം: പ​തി​നാ​യി​ര​ക്ക​ണ​ക്കി​ന് ഉ​ദ്യോ​ഗ​സ്ഥ​രെ ന​ക്ഷ​ത്ര​മെണ്ണി​ക്കാ​ൻ പ​ബ്ലി​ക് സ​ർ​ വി​സ് ക​മീ​ഷ​ൻ. വ​കു​പ്പു​ത​ല പ​രീ​ക്ഷ ഓ​ൺ​ലൈ​നാ​ക്കു​ന്ന​തി​െൻറ ഭാ​ഗ​മാ​യി പ​രീ​ക്ഷാ​കേ​ന്ദ്ര​ങ്ങ​ളി​ൽ ഭ ൂ​രി​ഭാ​ഗ​വും വെ​ട്ടി​ക്കു​റ​ച്ചു. 74ഓ​ളം സ​െൻറ​റു​ക​ൾ ഉ​ണ്ടാ​യി​രു​ന്ന സ്ഥാ​ന​ത്ത് ഇ​നി 27 എ​ൻ​ജി​നീ​യ​റി​ങ ് കോ​ള​ജു​ക​ളും പി.​എ​സ്.​സി​യു​ടെ നാ​ല് ഓ​ൺ​ലൈ​ൻ സ​െൻറ​റു​ക​ളു​മ​ട​ക്കം 31 കേ​ന്ദ്ര​ങ്ങ​ളി​ൽ മാ​ത്ര​മേ പ​ര ീ​ക്ഷാ​സൗ​ക​ര്യം ഉ​ണ്ടാ​കൂ. ആ​ദ്യ​ഘ​ട്ട​ത്തി​ൽ പി.​എ​സ്.​സി ഓ​ൺ​ലൈ​ൻ പ​രീ​ക്ഷ​യു​മാ​യി സ​ഹ​ക​രി​ക്കാ​ൻ നി​ ര​വ​ധി എ​ൻ​ജി​നീ​യ​റി​ങ് കോ​ള​ജു​ക​ൾ വ​ന്നെ​ങ്കി​ലും പ​രീ​ക്ഷ ന​ട​ത്തി​പ്പി​ലെ സാ​ങ്കേ​തി​ക​ത​യും സു​ര​ ക്ഷാ​വീ​ഴ്ച​യും ഭ​യ​ന്ന് ന​ല്ലൊ​രു​ശ​ത​മാ​നം കോ​ള​ജു​ക​ളും പി​ന്മാ​റി​.ജീ​വ​ന​ക്കാ​രു​ടെ പ്ര​ബേ​ഷ​ൻ പ്ര​ഖ്യാ​പി​ക്കാനും ഉ​ദ്യോ​ഗ​ക്ക​യ​റ്റ​ത്തി​നു​മാ​ണ്​ വ​കു​പ്പു​ത​ല പ​രീ​ക്ഷ.

താ​ലൂ​ക്ക് അ​ടി​സ്ഥാ​ന​ത്തി​ൽ അ​പേ​ക്ഷ​ക​രു​ടെ എ​ണ്ണ​ത്തി​ന​നു​സ​രി​ച്ച് സ​െൻറ​ർ അ​നു​വ​ദി​ക്കു​ക​യാ​യി​രു​ന്നു ഇ​തു​വ​രെ. ഈ ​വ​ർ​ഷം മു​ത​ലാ​ണ് പ​രീ​ക്ഷ ഓ​ൺ​ലൈ​ൻ ആ​ക്കിയത്. ഇ​തോ​ടെ, മേ​ഖ​ലാ​കേ​ന്ദ്ര​ങ്ങ​ൾ അ​നു​വ​ദി​ക്കാ​ൻ തീ​രു​മാ​നി​ക്കു​ക​യാ​യി​രു​ന്നു.

കാ​സ​ർ​കോ​ട്, ക​ണ്ണൂ​ർ, കോ​ഴി​ക്കോ​ട്, വ​യ​നാ​ട്, മ​ല​പ്പു​റം ജി​ല്ല​ക​ളി​ൽ ജോ​ലി ചെ​യ്യു​ന്ന​വ​ർ കോ​ഴി​ക്കോ​ട് റീ​ജ്യ​നി​ലും പാ​ല​ക്കാ​ട്, തൃ​ശൂ​ർ, എ​റ​ണാ​കു​ളം, ഇ​ടു​ക്കി, കോ​ട്ട​യം ജി​ല്ല​ക​ളി​ലു​ള്ള​വ​ർ എ​റ​ണാ​കു​ള​ത്തും ആ​ല​പ്പു​ഴ, പ​ത്ത​നം​തി​ട്ട, കൊ​ല്ലം, തി​രു​വ​ന​ന്ത​പു​രം ജി​ല്ല​യി​ലു​ള്ള​വ​ർ തി​രു​വ​ന​ന്ത​പു​രം റീ​ജ്യ​നി​ലും പ​ത്ത​നം​തി​ട്ട ഓ​ൺ​ലൈ​ൻ സ​െൻറ​റി​ലും പ​രീ​ക്ഷ എ​ഴു​തേ​ണ്ടി​വ​രും. ഇ​തി​നു​പു​റ​മെ​യാ​ണ് 27 കോ​ള​ജു​ക​ളി​ൽ സൗ​ക​ര്യം.

31 സ​െൻറ​റു​ക​ളി​ൽ 5000 ഉ​ദ്യോ​ഗ​സ്ഥ​ർ​ക്കാ​ണ്​ സൗ​ക​ര്യ​മൊ​രു​ക്കാ​നാ​കു​ക. 12,000ത്തോ​ളം ഉ​ദ്യോ​ഗ​സ്ഥ​രാ​ണ് ഒ​രു​ദി​വ​സം പ​രീ​ക്ഷ എ​ഴു​താ​ൻ എ​ത്തു​ന്ന​ത്. ഈ ​പ്ര​തി​സ​ന്ധി മ​റി​ക​ട​ക്കാ​ൻ രാ​വി​ലെ​യും ഉ​ച്ച​ക്കും വൈ​കീ​ട്ടും പ​രീ​ക്ഷ ന​ട​ത്താ​നു​ള്ള നീ​ക്ക​ത്തി​ലാ​ണ് പി.​എ​സ്.​സി. ഇ​ങ്ങ​നെ വ​ന്നാ​ൽ പ​രീ​ക്ഷാ​ദി​വ​സം ഉ​ദ്യോ​ഗ​സ്ഥ​ർ​ക്ക് അ​വ​ധി​ എടുക്കണം. ഇ​തോ​ടെ സ​ർ​ക്കാ​ർ ഓ​ഫി​സ്​ പ്ര​വ​ർ​ത്ത​നം താ​ളം​തെ​റ്റു​ം.

എ​ത്തും പി​ടി​യു​മി​ല്ലാ​തെ ഉ​ദ്യോ​ഗ​സ്ഥ​ർ
തെ​ര​ഞ്ഞെ​ടു​ക്ക​പ്പെ​ട്ട എ​ൻ​ജി​നീ​യ​റി​ങ് കോ​ള​ജു​ക​ളി​ൽ ഒ​രു​ദി​വ​സം മു​മ്പ് പി.​എ​സ്.​സി​യു​ടെ ​സ​ർ​വ​ർ ഇ​ൻ​സ്​​റ്റാ​ൾ ചെ​യ്ത ശേ​ഷ​മാ​ണ് പ​രീ​ക്ഷ ന​ട​ത്തു​ക. എ​ന്നാ​ൽ, ഇത്​ ഫ​ല​പ്ര​ദ​മാ​യി പ്ര​വ​ർ​ത്തി​ക്കു​ന്നു​ണ്ടോ​യെ​ന്ന്​ പ​രി​ശോ​ധി​ച്ചി​ട്ടി​ല്ല. സു​ര​ക്ഷ സം​ബ​ന്ധി​ച്ചും ധാ​ര​ണ​യി​ല്ല. പ​രീ​ക്ഷ ന​ട​ത്തി​പ്പിനുള്ള നി​യ​മാ​വ​ലി​യോ ഓ​ൺ​ലൈ​ൻ പ്രോ​ട്ടോ​കോ​ളോ ത​യാ​റാ​ക്കി​യി​ട്ടി​ല്ല. 5000 വി​ദ്യാ​ർ​ഥി​ക​ളെ ഉ​ൾ​പ്പെ​ടു​ത്തി മോ​ക് ടെ​സ്​​റ്റ്​ ന​ട​ത്തു​മെ​ന്ന് പി.​എ​സ്.​സി ചെ​യ​ർ​മാ​​​െൻറ അ​റി​യി​​പ്പിലൊതുങ്ങി കാര്യങ്ങൾ.

വേണം നാ​ലു​മാ​സം
പി.​എ​സ്.​സി​യു​മാ​യി ധാ​ര​ണ​പ​ത്രം ഒ​പ്പി​ട്ട കോ​ള​ജു​ക​ൾ ശ​നി​യാ​ഴ്ച മാ​ത്ര​മേ പ​രീ​ക്ഷ ന​ട​ത്താ​ൻ സ​മ്മ​തി​ച്ചി​ട്ടു​ള്ളൂ. അ​ങ്ങ​നെ​യെ​ങ്കി​ൽ ജ​നു​വ​രി​യി​ലും ജൂ​ലൈ​യി​ലും 15 ദി​വ​സം​കൊ​ണ്ട് തീ​ർ​ക്കു​ന്ന പ​രീ​ക്ഷ പൂ​ർ​ത്തി​യാ​ക്കാ​ൻ ഇ​നി നാ​ലു​മാ​സം (15 ശ​നി​യാ​ഴ്ച​ക​ൾ) വേ​ണം. ഇ​ത് ജീ​വ​ന​ക്കാ​രു​ടെ പ്ര​മോ​ഷ​നെ​യും സ​ർ​വി​സി​നെ​യും ബാ​ധി​ക്കും. പ്ര​തി​സ​ന്ധി മ​റി​ക​ട​ക്കാ​ൻ ഞാ​യ​റാ​ഴ്ച​ പ​രീ​ക്ഷ ന​ട​ത്താ​നു​ള്ള സാ​ധ്യ​ത​ ആ​രാ​യു​ന്നു​ണ്ട്.