തീ ​പ​ട​ർ​ന്ന ജു​ഡീ​ഷ്യ​റി

മാ​ർ​ച്ച് 14- നി​റ​ങ്ങ​ൾ വാ​രി​വി​ത​റി​യ ഹോ​ളി ആ​ഘോ​ഷ​ത്തി​നൊ​ടു​വി​ൽ ന​ഗ​രം ആ​ല​സ്യ​ത്തി​ൽ അ​മ​ർ​ന്ന നേ​ര​ത്താ​ണ് കേ​ന്ദ്ര​മ​ന്ത്രി​മാ​രും ന്യാ​യാ​ധി​പ​ന്മാ​രും അ​ട​ക്ക​മു​ള്ള വി.​വി.​ഐ.​പി​ക​ൾ താ​മ​സി​ക്കു​ന്ന തു​ഗ്ല​ക്ക് ക്ര​സ​ന്റ് റോ​ഡി​ൽ​നി​ന്നൊ​രു ഫോ​ൺ വി​ളി പൊ​ലീ​സി​ന്റെ പി.​സി.​ആ​റി​ലെ​ത്തു​ന്ന​ത്. ഡ​ൽ​ഹി ഹൈ​കോ​ട​തി​യി​ൽ സീ​നി​യോ​റി​റ്റി​യി​ൽ ചീ​ഫ് ജ​സ്റ്റി​സി​ന് തൊ​ട്ടു താ​ഴെ നി​ൽ​ക്കു​ന്ന ജ​സ്റ്റി​സ് യ​ശ്വ​ന്ത് വ​ർ​മ​യു​ടെ 30, തു​ഗ്ല​ക്ക് ക്ര​സ​ന്റ് ബം​ഗ്ലാ​വി​ലെ സ്റ്റോ​ർ റൂ​മി​ൽ തീ ​പി​ടി​ച്ച​ത​റി​യി​ക്കാ​നാ​യി​രു​ന്നു രാ​ത്രി 11.30നു​ള്ള വി​ളി.

മ​ധ്യ​പ്ര​ദേ​ശു​കാ​ര​നാ​യ ജ​സ്റ്റി​സ് യ​ശ്വ​ന്ത് വ​ർ​മ ഹോ​ളി ആ​ഘോ​ഷി​ക്കാ​ൻ ഭോ​പാ​ലി​ലേ​ക്ക് പോ​യ​താ​യി​രു​ന്നു. ജ​ഡ്ജി​യു​ടെ ബം​ഗ്ലാ​വി​ന്റെ സ്റ്റോ​ർ റൂ​മി​ൽ വെ​ള്ളം അ​ടി​ച്ച് തീ​പി​ടി​ത്തം ശ​മി​പ്പി​ച്ച് ക​യ​റി​ച്ചെ​ന്ന അ​ഗ്നി​ശ​മ​ന സേ​നാം​ഗ​ങ്ങ​ൾ ആ ​കാ​ഴ്ച ക​ണ്ട് ഞെ​ട്ടി. വെ​റും ആ​ക്രി​സാ​ധ​ന​ങ്ങ​ൾ നി​ക്ഷേ​പി​ക്കാ​ൻ മാ​ത്രം ഉ​പ​യോ​ഗി​ക്കു​ന്ന​തെ​ന്ന് ജ​സ്റ്റി​സ് വ​ർ​മ പ​റ​യു​ന്ന സ്റ്റോ​ർ റൂ​മി​ൽ 500ന്റെ ​നോ​ട്ടു​ക​ൾ കു​ത്തി​നി​റ​ച്ച് ചാ​ക്കു​ക​ളി​ലാ​ക്കി വെ​ച്ചി​രി​ക്കു​ന്നു. ക​ത്തി​യ 500ന്റെ ​നോ​ട്ടു​ക​ൾ ക​ണ്ട് മ​ഹാ​ത്മാ​ഗാ​ന്ധി​യാ​ണ​ല്ലോ ഈ ​തീ​യി​ൽ കി​ട​ക്കു​ന്ന​തെ​ന്ന് അ​ഗ്നി​ശ​മ​ന സേ​നാം​ഗ​ങ്ങ​ളി​ലൊ​രാ​ൾ വേ​ദ​ന​യോ​ടെ പ​റ​യു​ന്ന​ത് സു​പ്രീം​കോ​ട​തി പു​റ​ത്തു​വി​ട്ട ആ ​വി​ഡി​യോ​യി​ൽ കേ​ൾ​ക്കാം.

തീ​പി​ടി​ത്തം കോ​ട​തി അ​റി​യു​ന്ന​ത് പി​റ്റേ​ന്ന്

ല​ഖ്നോ​വി​ൽ ഹോ​ളി ആ​ഘോ​ഷി​ക്കാ​ൻ പോ​യി​രു​ന്ന ഡ​ൽ​ഹി ഹൈ​കോ​ട​തി ചീ​ഫ് ജ​സ്റ്റി​സ് ഡി.​കെ. ഉ​പാ​ധ്യാ​യ​യെ ഹോ​ളി​യു​ടെ പി​റ്റേ​ന്ന് വൈ​കീ​ട്ട് 4.50നാ​ണ് ഡ​ൽ​ഹി പൊ​ലീ​സ് ക​മീ​ഷ​ണ​ർ സ​ഞ്ജ​യ് അ​റോ​റ സ​ഹ ജ​ഡ്ജി​യു​ടെ വീ​ട്ടി​ലെ തീ​പി​ടി​ത്തം അ​റി​യി​ക്കു​ന്ന​ത്. ഹൈ​കോ​ട​തി ചീ​ഫ് ജ​സ്റ്റി​സ് അ​പ്പോ​ൾ​ത​ന്നെ സു​പ്രീം​കോ​ട​തി ചീ​ഫ് ജ​സ്റ്റി​സ് സ​ഞ്ജീ​വ് ഖ​ന്ന​യെ വി​ളി​ച്ച് കാ​ര്യ​ങ്ങ​ൾ ധ​രി​പ്പി​ച്ചു. തീ​പി​ടി​ത്തം ന​ട​ന്നു​വെ​ന്ന വി​ളി എ​വി​ടെ​നി​ന്നാ​ണ് വ​ന്ന​​തെ​ന്ന് പൊ​ലീ​സി​നോ​ട് ആ​രാ​യാ​ൻ സു​പ്രീം​കോ​ട​തി ചീ​ഫ് ജ​സ്റ്റി​സ് ഹൈ​കോ​ട​തി ചീ​ഫ് ജ​സ്റ്റി​സി​നോ​ട് ആ​വ​ശ്യ​​​​പ്പെ​ട്ടു. ജ​ഡ്ജി​യു​ടെ വീ​ട്ടി​ലു​ണ്ടാ​യി​രു​ന്ന പ​രി​ചാ​ര​ക​ൻ വി​വ​ര​മ​റി​യി​ച്ച​​തി​നെ​തു​ട​ർ​ന്ന് ജ​ഡ്ജി​യു​ടെ പേ​ഴ്സ​ണ​ൽ സെ​ക്ര​ട്ട​റി​യാ​ണ് ഫോ​ൺ വി​ളി​ച്ച​തെ​ന്ന് ഡ​ൽ​ഹി പൊ​ലീ​സ് മ​റു​പ​ടി​യും ന​ൽ​കി. അ​ന്ന് വൈ​കീ​ട്ടു​ത​ന്നെ ത​ന്റെ ര​ജി​സ്ട്രാ​ർ കം ​സെ​ക്ര​ട്ട​റി​യോ​ട് സ്റ്റോ​ർ റൂം ​സ​ന്ദ​ർ​ശി​ക്കാ​ൻ ഡ​ൽ​ഹി ഹൈ​കോ​ട​തി ചീ​ഫ് ജ​സ്റ്റി​സ് ആ​വ​ശ്യ​പ്പെ​ട്ടു. ര​ജി​സ്ട്രാ​ർ അ​വി​ടെ എ​ത്തു​മ്പോ​ഴേ​ക്കും ജ​സ്റ്റി​സ് യ​ശ്വ​ന്ത് വ​ർ​മ ഭോ​പാ​ലി​ൽ​നി​ന്ന് ഡ​ൽ​ഹി​യി​ലെ ബം​ഗ്ലാ​വി​ലെ​ത്തി​യി​ട്ടു​ണ്ട്. അ​ദ്ദേ​ഹ​ത്തി​നൊ​പ്പ​മാ​ണ് തീ​പി​ടി​ച്ച മു​റി ര​ജി​സ്ട്രാ​ർ പോ​യി ക​ണ്ട​ത്.

മാ​ർ​ച്ച് 16ന് ​ല​ഖ്നോ​വി​ൽ​നി​ന്ന് ഡ​ൽ​ഹി​യി​ലെ​ത്തി​യ ഹൈ​കോ​ട​തി ചീ​ഫ് ജ​സ്റ്റി​സ് സു​പ്രീം​കോ​ട​തി ചീ​ഫ് ജ​സ്റ്റി​സ് സ​ഞ്ജീ​വ് ഖ​ന്ന​യെ നേ​രി​ൽ ക​ണ്ടു. ചീ​ഫ് ജ​സ്റ്റി​സ് സ​ഞ്ജീ​വ് ഖ​ന്ന​യു​ടെ നി​ർ​ദേ​ശ​പ്ര​കാ​രം ഡ​ൽ​ഹി ഹൈ​കോ​ട​തി ഗ​സ്റ്റ് ഹൗ​സി​ൽ​വെ​ച്ച് ചീ​ഫ് ജ​സ്റ്റി​സ് ഉ​പാ​ധ്യാ​യ ജ​സ്റ്റി​സ് യ​ശ്വ​ന്ത് വ​ർ​യെ ക​ണ്ടു. പ​ഴ​യ സാ​ധ​ന​ങ്ങ​ൾ കൊ​ണ്ടു​വെ​ക്കാ​ൻ ഉ​പ​യോ​ഗി​ക്കു​ന്ന സ്റ്റോ​ർ റൂം ​പൂ​ട്ടി​യി​ടാ​റി​ല്ലെ​ന്ന് പ​റ​ഞ്ഞ യ​ശ്വ​ന്ത് വ​ർ​മ അ​ത് വേ​ല​ക്കാ​ർ​ക്കും തോ​ട്ട​ക്കാ​ർ​ക്കും പൊ​തു​മ​രാ​മ​ത്ത് പ​ണി​ക്കാ​ർ​ക്കു​മെ​ല്ലാം ക​യ​റാ​വു​ന്ന നി​ല​യി​ലാ​ണെ​ന്നും പ​റ​ഞ്ഞ് ര​ക്ഷ​​പ്പെ​ടാ​നു​ള്ള പ​ഴു​തി​ട്ടു. എ​ന്നാ​ൽ, പൊ​ലീ​സ് ക​മീ​ഷ​ണ​ർ വാ​ട്സ്ആ​പ്പി​ൽ അ​യ​ച്ച നോ​ട്ടു​കെ​ട്ടു​ക​ളും അ​വ നി​റ​ച്ച ചാ​ക്കു​ക​ളും കാ​ണി​ച്ച​തോ​ടെ അ​വ ത​ന്നെ കു​ടു​ക്കാ​ൻ ആ​രെ​ങ്കി​ലും കൊ​ണ്ടു​വ​ന്നി​ട്ട​താ​കു​മെ​ന്ന ഗൂ​ഢാ​ലോ​ച​ന സി​ദ്ധാ​ന്ത​വും വ​ർ​മ മു​ന്നോ​ട്ടു​വെ​ച്ചു.

അ​ന​ക്ക​മി​ല്ലാ​ത്ത അ​ഞ്ചു നാ​ളു​ക​ൾ

16ന് ​ജ​സ്റ്റി​സ് വ​ർ​മ​യു​മാ​യു​ള്ള ഈ ​കൂ​ടി​ക്കാ​ഴ്ച​ക്കു​ശേ​ഷം പൊ​ലീ​സ് ക​മീ​ഷ​ണ​റു​ടെ റി​പ്പോ​ർ​ട്ടും ​ഹൈ​കോ​ട​തി ചീ​ഫ് ജ​സ്റ്റി​സി​ന് ല​ഭി​ച്ചു. ക​രി പി​ടി​ച്ച് വി​ള്ള​ൽ വീ​ണ ചു​മ​രു​ക​ളു​ള്ള റൂ​മി​ൽ​നി​ന്ന് തെ​ളി​വാ​യ തീ​പി​ടി​ത്ത അ​വ​ശി​ഷ്ട​ങ്ങ​ൾ 15ന് ​രാ​വി​ലെ​ത​ന്നെ നീ​ക്കം ചെ​യ്തി​ട്ടു​ണ്ടെ​ന്ന് ക​മീ​ഷ​ണ​റു​ടെ റി​പ്പോ​ർ​ട്ടി​ലു​ണ്ടാ​യി​രു​ന്നു. ജ​ഡ്ജി​യു​ടെ വീ​ട്ടി​ലെ തീ ​ഡ​ൽ​ഹി​യി​ലെ ഉ​ന്ന​ത​വൃ​ത്ത​ങ്ങ​ളി​ലാ​കെ നീ​റി​പ്പു​ക​ഞ്ഞി​ട്ടും നാ​ല് ദി​വ​സ​ത്തേ​ക്ക് സു​പ്രീ​കോ​ട​തി​യു​ടെ ഭാ​ഗ​ത്തു​നി​ന്ന് അ​ന​ക്ക​മൊ​ന്നു​മു​ണ്ടാ​യി​രു​ന്നി​ല്ല. വി​വ​രം കൂ​ടു​ത​ലാ​ളു​ക​ൾ അ​റി​ഞ്ഞ് ജു​ഡീ​ഷ്യ​റി​യു​ടെ വി​ശ്വാ​സ്യ​ത​യി​ലേ​ക്ക് തീ ​പ​ട​ർ​ന്നു​തു​ട​ങ്ങി​യ​തോ​ടെ പൊ​ലീ​സ് ക​മീ​ഷ​ണ​ർ മാ​ർ​ച്ച് 15ന് ​വാ​ട്സ്ആ​പ്പി​ലൂ​ടെ ഹൈ​​കോ​ട​തി ചീ​ഫ് ജ​സ്റ്റി​സി​ന് കൊ​ടു​ത്ത തീ​പി​ടി​ച്ച സ്റ്റോ​ർ റൂ​മി​ലെ നോ​ട്ടു​ചാ​ക്കു​ക​ളു​ടെ ചി​ത്ര​ങ്ങ​ളും വി​ഡി​യോ​യും അ​യ​ച്ചു​കൊ​ടു​ക്കാ​ൻ സു​പ്രീം​​കോ​ട​തി ചീ​ഫ് ജ​സ്റ്റി​സ് ആ​വ​ശ്യ​പ്പെ​ട്ടു. ദൃ​ശ്യ​ങ്ങ​ൾ കൊ​ളീ​ജി​യ​ത്തി​ന് മു​ന്നി​ലെ​ത്തി​പ്പോ​ൾ പ​ല​രും ക​ടു​ത്ത നി​ല​പാ​ടെ​ടു​ത്തു. ജ​സ്റ്റി​സ് യ​ശ്വ​ന്ത് വ​ർ​മ​യെ മാ​തൃ​കോ​ട​തി​യാ​യ അ​ല​ഹ​ബാ​ദ് ഹൈ​കോ​ട​തി​യി​ലേ​ക്ക് സ്ഥ​ലം മാ​റ്റാ​മെ​ന്നാ​യി​രു​ന്നു ചീ​ഫ് ജ​സ്റ്റി​സി​ന്റെ അ​ഭി​പ്രാ​യം. എ​ന്നാ​ൽ, അ​ത് പോ​രെ​ന്നും ക​ടു​ത്ത ന​ട​പ​ടി അ​നി​വാ​ര്യ​മാ​ണെ​ന്നും ര​ണ്ട് മു​തി​ർ​ന്ന സു​പ്രീം​കോ​ട​തി ജ​ഡ്ജി​മാ​ർ ആ​വ​ശ്യ​പ്പെ​ട്ടു. 20ന് ​ഇ​രു​ന്ന കൊ​ളീ​ജി​യ​ത്തി​ലെ ആ​ശ​യ​ക്കു​ഴ​പ്പം 21ന് ​ഇ​തു സം​ബ​ന്ധി​ച്ച മാ​ധ്യ​മ റി​പ്പോ​ർ​ട്ടു​ക​ളി​ലൂ​ടെ പു​റ​ത്തു​വ​ന്നു. ജ​സ്റ്റി​സ് യ​ശ്വ​ന്ത് വ​ർ​മ​ക്കെ​തി​രെ ആ​ഭ്യ​ന്ത​ര അ​ന്വേ​ഷ​ണം ന​ട​ത്തു​മെ​ന്നും അ​തു​വ​രെ അ​ല​ഹ​ബാ​ദ് ഹൈ​കോ​ട​തി​യി​ലേ​ക്ക് മാ​റ്റു​ക​യാ​ണെ​ന്നു​മാ​യി​രു​ന്നു റി​പ്പോ​ർ​ട്ട്.

എ​ന്നാ​ൽ, ജ​സ്റ്റി​സ് വ​ർ​മ​യെ കൊ​ണ്ടു​വ​ന്നു ത​ള്ളാ​ൻ അ​ല​ഹ​ബാ​ദ് ഹൈ​കോ​ട​തി കു​പ്പ​ത്തൊ​ട്ടി​യ​ല്ലെ​ന്ന് പ​റ​ഞ്ഞ് അ​വി​ട​ത്തെ അ​ഭി​ഭാ​ഷ​ക​ർ പ​ര​സ്യ​മാ​യി രം​ഗ​ത്തു​വ​ന്നു. പ​ര​​മോ​ന്ന​ത കോ​ട​തി വീ​ണ്ടു​മൊ​രി​ക്ക​ൽ​കൂ​ടി ഉ​ൾ​വ​ലി​യു​ന്ന​താ​ണ് പി​​ന്നെ​യും ക​ണ്ട​ത്. ജ​ഡ്ജി​യെ അ​ല​ഹ​ബാ​ദി​ലേ​ക്ക് മാ​റ്റി​യി​ട്ടി​ല്ലെ​ന്നും മാ​റ്റാ​നു​ള്ള ആ​ലോ​ച​ന മാ​ത്ര​മാ​ണെ​ന്നും അ​താ​ക​ട്ടെ വീ​ട്ടി​ൽ​നി​ന്ന് പ​ണ​ക്കൂ​മ്പാ​രം ക​ണ്ടെ​ത്തി​യ സം​ഭ​വം കൊ​ണ്ട​ല്ലെ​ന്നും സു​പ്രീം​കോ​ട​തി പ്ര​ത്യേ​കം കു​റി​പ്പി​റ​ക്കി. തീ​യ​ണ​ക്കാ​ൻ പോ​യ അ​ഗ്നി​ശ​മ​ന​സേ​ന വ​ർ​മ​യു​ടെ വീ​ട്ടി​ൽ​നി​ന്ന് പ​ണ​മൊ​ന്നും ക​ണ്ടെ​ത്തി​യി​ട്ടി​ല്ലെ​ന്ന പ്ര​തി​ക​ര​ണ​വു​മാ​യി അ​ഗ്നി​ശ​മ​ന​സേ​നാ മേ​ധാ​വി അ​തു​ൽ ഗാ​ർ​ഗ് കൂ​ടി രം​ഗ​ത്തി​റ​ങ്ങി​യ​തോ​ടെ സം​ഭ​വം​ത​ന്നെ തേ​ച്ചു​മാ​യ്ക്കാ​നാ​ണ് നീ​ക്ക​മെ​ന്ന് തോ​ന്നി. ദൃ​ശ്യ​ങ്ങ​ൾ പ​ക​ർ​ത്തി​യ അ​ഗ്നി​ശ​മ​ന സേ​നാം​ഗ​ത്തി​ന്റെ മൊ​ബൈ​ലി​ൽ​നി​ന്ന് അ​ത് മാ​യ്ച്ചു​ക​ള​ഞ്ഞോ എ​ന്ന് വ്യ​ക്ത​മാ​ക്ക​ണ​മെ​ന്ന് സ​മൂ​ഹ​മാ​ധ്യ​മ​ങ്ങ​ളി​ൽ ആ​വ​ശ്യ​മു​യ​ർ​ന്നു. പ്ര​തി​രോ​ധ​ത്തി​ലാ​യ അ​ഗ്നി​ശ​മ​ന​സേ​നാ മേ​ധാ​വി വി​വാ​ദ​മാ​യ​പ്പോ​ൾ മാ​റ്റി​പ്പ​റ​യു​ക​യും ചെ​യ്തു.

രാ​ജി​വെ​പ്പി​ക്കാ​നു​ള്ള സ​മ്മ​ർ​ദ​ത​ന്ത്ര​ങ്ങ​ൾ

കാ​ര്യ​ങ്ങ​ളൊ​ന്നാ​കെ കു​ഴ​ഞ്ഞു​മ​റി​യു​ക​യാ​ണെ​ന്ന് തോ​ന്നി​ച്ച ഘ​ട്ട​ത്തി​ലാ​ണ് ജ​ഡ്ജി​യെ​ന്ന ചു​മ​ത​ല​ക​ളി​ൽ​നി​​ന്ന് ജ​സ്റ്റി​സ് വ​ർ​മ​യെ നീ​ക്കം ചെ​യ്ത് മൂ​ന്നം​ഗ ജു​ഡീ​ഷ്യ​ൽ സ​മി​തി​യെ അ​ന്വേ​ഷ​ണ​ത്തി​ന് നി​യോ​ഗി​ച്ച​ത്. ഡ​ൽ​ഹി ഹൈ​കോ​ട​തി ചീ​ഫ് ജ​സ്റ്റി​സ് സ​മ​ർ​പ്പി​ച്ച പ്രാ​ഥ​മി​ക അ​ന്വേ​ഷ​ണ റി​പ്പോ​ർ​ട്ടും ക​ണ്ടെ​ത്തി​യ പ​ണ​ക്കൂ​മ്പാ​ര​ത്തി​ന്റെ വി​ഡി​യോ​യും സു​പ്രീ​കോ​ട​തി വെ​ബ്സൈ​റ്റി​ലൂ​ടെ പു​റ​ത്തു​വി​ട്ടു. കേ​സ് അ​ട്ടി​മ​റി​ക്കാ​ൻ നീ​ക്കം ന​ട​ക്കു​ന്നു​വെ​ന്ന് ജ​ന​ത്തി​ന് തോ​ന്നു​ന്ന സ​ന്ദ​ർ​ഭ​ത്തി​ലാ​ണ് പ്ര​ധാ​ന തെ​ളി​വാ​യ വി​ഡി​യോ സു​പ്രീം​കോ​ട​തി രാ​ജ്യ​ത്തി​ന് മു​മ്പാ​കെ തു​റ​ന്നു​വെ​ച്ചു കൊ​ടു​ത്ത​ത്. ഇ​നി​യും വ​ഷ​ളാ​ക്കാ​തെ സ്വ​യം രാ​ജി​വെ​ച്ചു​പോ​കാ​ൻ ജ​ഡ്ജി​ക്കു​മേ​ൽ സ​മ്മ​ർ​ദം സൃ​ഷ്ടി​ക്കാ​ൻ​കൂ​ടി​യാ​ണ് സ​മി​തി​യു​ടെ അ​ന്വേ​ഷ​ണം തീ​രും മു​മ്പ് ദൃ​ശ്യ​ങ്ങ​ൾ പു​റ​ത്തു​വി​ട്ടി​രി​ക്കു​ന്ന​ത്. കാ​ര​ണം ഒ​രു ഒ​രു ഹൈ​കോ​ട​തി ജ​ഡ്ജി​യെ ത​ൽ​സ്ഥാ​ന​ത്തു​നി​ന്ന് നീ​ക്കം ചെ​യ്യാ​നു​ള്ള ഭ​ര​ണ​ഘ​ട​നാ​പ​ര​മാ​യ ന​ട​പ​ടി ഇം​പീ​ച്ച്മെ​ന്റ് മാ​ത്ര​മാ​ണ്. ഏ​റെ സ​മ​യ​മെ​ടു​ക്കു​ന്ന സ​ങ്കീ​ർ​ണ​മാ​യ അ​ത്ത​ര​മൊ​രു ന​ട​പ​ടി​യി​ലൂ​ടെ രാ​ജ്യ​ത്ത് ഇ​ന്നു​വ​രെ ഒ​രു ജ​ഡ്ജി​യെ ത​ൽ​സ്ഥാ​ന​ത്തു​നി​ന്ന് നീ​ക്കം ചെ​യ്തി​ട്ടി​ല്ല.

വി​ദ്വേ​ഷ പ്ര​സം​ഗ​ക​നാ​യ ജ​ഡ്ജി​ക്കെ​തി​രാ​യ ഇം​പീ​ച്ച്മെ​ന്റ്

ജ​സ്റ്റി​സ് യ​ശ്വ​ന്ത് വ​ർ​മ​യു​ടെ മാ​തൃ​കോ​ട​തി​യാ​യ അ​ല​ഹ​ബാ​ദ് ഹൈ​കോ​ട​തി​യി​ലെ മ​റ്റൊ​രു ജ​ഡ്ജി​യാ​യ ശേ​ഖ​ർ കു​മാ​ർ യാ​ദ​വ് വി.​എ​ച്ച്.​പി വേ​ദി​യി​ൽ പോ​യി മു​സ്‍ലിം​ക​ൾ​ക്കെ​തി​രെ കു​പ്ര​സി​ദ്ധ​മാ​യ വി​ദ്വേ​ഷ പ്ര​സം​ഗം ന​ട​ത്തി​യി​ട്ടും മ​ത​നി​ര​പേ​ക്ഷ ഇ​ന്ത്യ​യു​ടെ​യും ഭ​ര​ണ​ഘ​ട​ന​യു​ടെ​യും അ​ന്ത​സ്സ് ഉ​യ​ർ​ത്തി​പ്പി​ടി​ക്കു​ന്ന ഒ​രു ന​ട​പ​ടി സു​പ്രീം​കോ​ട​തി​യു​ടെ ഭാ​ഗ​ത്തു​നി​ന്നു​ണ്ടാ​യി​ല്ല. ജു​ഡീ​ഷ്യ​റി​യു​ടെ വി​ശ്വാ​സ്യ​ത ത​ക​ർ​ത്ത ഈ ​ജ​ഡ്ജി​യെ ഇം​പീ​ച്ച് ചെ​യ്യാ​ൻ അ​നു​മ​തി തേ​ടി 50 രാ​ജ്യ​സ​ഭാം​ഗ​ങ്ങ​ൾ ഒ​പ്പി​ട്ട് മാ​സ​ങ്ങ​ൾ​ക്ക് മു​മ്പ് നോ​ട്ടീ​സും സ​മ​ർ​പ്പി​ച്ചി​രു​ന്നു. ഇ​തു​വ​രെ​യും ആ ​നോ​ട്ടീ​സി​ൽ തീ​രു​മാ​ന​മെ​ടു​ക്കാ​ത്ത​ത് അ​തേ കോ​ട​തി​യി​ലെ മ​റ്റൊ​രു ജ​ഡ്ജി​കൂ​ടി ജു​ഡീ​ഷ്യ​റി​യു​ടെ വി​ശ്വാ​സ്യ​ത ത​ക​ർ​ത്ത ഘ​ട്ട​ത്തി​ൽ കോ​ൺ​ഗ്ര​സ് നേ​താ​വ് ജ​യ​റാം ര​മേ​ശ് രാ​ജ്യ​സ​ഭ​യി​ൽ ചോ​ദ്യം ചെ​യ്തു. കാ​ര്യ​ങ്ങ​ൾ ന​ട​പ​ടി​ക്ര​മം അ​നു​സ​രി​ച്ച് നീ​ങ്ങു​ന്നു​വെ​ന്നാ​ണ് ചെ​യ​ർ​മാ​ൻ ജ​ഗ്ദീ​പ് ധ​ൻ​ഖ​ർ അ​തി​ന് ന​ൽ​കി​യ മ​റു​പ​ടി.

യ​ശ്വ​ന്ത് വ​ർ​മ​യു​ടെ ഭാ​വി​യെ​ന്ത്?

അ​ന്വേ​ഷ​ണ​സ​മി​തി റി​പ്പോ​ർ​ട്ട് പ്ര​തി​കൂ​ല​മാ​ണെ​ങ്കി​ൽ സു​പ്രീം​കോ​ട​തി ചീ​ഫ് ജ​സ്റ്റി​സി​ന് ഹൈ​കോ​ട​തി ജ​ഡ്ജി​യോ​ട് രാ​ജി​വെ​ക്കാ​ൻ ആ​വ​ശ്യ​പ്പെ​ടാം. എ​ന്നാ​ൽ, ക​ൽ​ക്ക​ട്ട ഹൈ​കോ​ട​തി ജ​ഡ്ജി​യാ​യി​രു​ന്ന ജ​സ്റ്റി​സ് സൗ​മി​ത്ര സെ​ന്നി​നോ​ട് അ​ന്വേ​ഷ​ണ റി​പ്പോ​ർ​ട്ടി​ന്റെ അ​ടി​സ്ഥാ​ന​ത്തി​ൽ അ​ന്ന​ത്തെ സു​പ്രീം​കോ​ട​തി ചീ​ഫ് ജ​സ്റ്റി​സ് ബാ​ല​കൃ​ഷ്ണ​ൻ രാ​ജി​വെ​ക്കാ​ൻ ആ​വ​ശ്യ​പ്പെ​ട്ടെ​ങ്കി​ലും അ​ദ്ദേ​ഹം ത​യാ​റാ​യി​ല്ല. ഒ​ടു​വി​ൽ പ്ര​ധാ​ന​മ​ന്ത്രി ഡോ. ​മ​ൻ​മോ​ഹ​ൻ സി​ങ്ങി​നോ​ട് ഇം​പീ​ച്ച്മെ​ന്റ് ന​ട​പ​ടി​യി​ലേ​ക്ക് ക​ട​ക്കാ​ൻ ചീ​ഫ് ജ​സ്റ്റി​സ് ബാ​ല​കൃ​ഷ്ണ​ന് എ​ഴു​തേ​ണ്ടി​വ​ന്നു. തു​ട​ർ​ന്ന് ഇം​പീ​ച്ച്മെ​ന്റി​ന് രാ​ജ്യ​സ​ഭ സൗ​മി​ത്ര സെ​ന്നി​നെ വി​ളി​ച്ചു​വ​രു​ത്തി കു​റ്റ​പ​ത്രം വാ​യി​ച്ചു​കേ​ൾ​പ്പി​ച്ചു​വെ​ങ്കി​ലും അ​പ്പോ​ഴേ​ക്ക് അ​ദ്ദേ​ഹ​വും രാ​ജി​വെ​ച്ചു​പോ​കു​ക​യാ​ണ് ചെ​യ്ത​ത്. അ​തി​നാ​ൽ ജ​സ്റ്റി​സ് യ​ശ്വ​ന്ത് വ​ർ​മ​ക്കെ​തി​രാ​യ സു​പ്രീം​കോ​ട​തി​യു​ടെ നി​ർ​ണാ​യ​ക നീ​ക്കം ഫ​ല​പ്ര​ദ​മാ​കു​മോ എ​ന്ന​റി​യാ​ൻ ഒ​ന്നു​കി​ൽ ജ​സ്റ്റി​സ് യ​ശ്വ​ന്ത് വ​ർ​മ സ്വ​മേ​ധ​യാ രാ​ജി​വെ​ക്ക​ണം. അ​ല്ലെ​ങ്കി​ൽ ജു​ഡീ​ഷ്യ​ൽ സ​മി​തി പ്ര​തി​കൂ​ല റി​പ്പോ​ർ​ട്ട് സ​മ​ർ​പ്പി​ക്കു​ക​യും അ​തി​ന്റെ അ​ടി​സ്ഥാ​ന​ത്തി​ൽ ചീ​ഫ് ജ​സ്റ്റി​സ് രാ​ജി ആ​വ​ശ്യ​പ്പെ​ടു​ക​യും ചെ​യ്യ​ണം.