ഹിജാബും ടർബനും വിസിൽ കോഡും

ഉ​ത്ത​ർ​പ്ര​ദേ​ശി​ൽ ചൂ​ടു​പി​ടി​ച്ച തെ​ര​ഞ്ഞെ​ടു​പ്പ് ന​ട​ക്കു​മ്പോ​ൾ അ​ന്നാ​ട്ടു​കാ​ര​നാ​യ കേ​ര​ള ഗ​വ​ർ​ണ​ർ ആ​രി​ഫ് മു​ഹ​മ്മ​ദ്ഖാ​ൻ ഡ​ൽ​ഹി കേ​ര​ള ഹൗ​സി​ലെ​ത്തി ദി​വ​സ​ങ്ങ​ൾ ത​ങ്ങി​യ​ത് തെ​ര​ഞ്ഞെ​ടു​പ്പ് പ്ര​ചാ​ര​ണ​ത്തി​ന്റെ ച​ര​ടു​വ​ലി​ക​ൾ​ക്ക് വേ​ണ്ടി​യാ​ണെ​ന്ന് ആ​രും പ​റ​യി​ല്ല. അ​ദ്ദേ​ഹ​ത്തി​ന് ഔ​ദ്യോ​ഗി​ക​വും സ്വ​കാ​ര്യ​വു​മാ​യ പ​ല കാ​ര്യ​ങ്ങ​ളു​ണ്ടാ​വും.

ഗ​വ​ർ​ണ​ർ രാ​ഷ്ട്രീ​യ പ്ര​വ​ർ​ത്ത​ക​ന​ല്ല. എ​ന്നു ക​രു​തി അ​ദ്ദേ​ഹ​ത്തി​ന് രാ​ഷ്ട്രീ​യം അ​റി​യി​ല്ലെ​ന്നോ, രാ​ഷ്ട്രീ​യ പ​ശ്ചാ​ത്ത​ലം ഇ​ല്ലെ​ന്നോ അ​ർ​ഥ​മി​ല്ല. ത​ഴ​ക്ക​മു​ള്ള മു​തി​ർ​ന്ന രാ​ഷ്ട്രീ​യ പ്ര​വ​ർ​ത്ത​ക​ൻ കൂ​ടി​യാ​ണ് ആ​രി​ഫ് മു​ഹ​മ്മ​ദ്ഖാ​ൻ. തെ​ര​ഞ്ഞെ​ടു​പ്പു ന​ട​ക്കു​ന്ന യു.​പി​യി​ലെ കാ​ൺ​പു​രി​ൽ​നി​ന്നും ബ​ഹ്റൈ​ച്ചി​ൽ​നി​ന്നും കൈ​സ​ർ​ഗ​ഞ്ചി​ൽ​നി​ന്നു​മൊ​ക്കെ നി​യ​മ​നി​ർ​മാ​ണ സ​ഭ​യി​ൽ എ​ത്തി​യി​ട്ടു​ണ്ട്. പ​ല​വ​ട്ടം, പ​ല പാ​ർ​ട്ടി​ക​ളെ പ്ര​തി​നി​ധാ​നം​ ചെ​യ്തി​ട്ടു​ണ്ട്. തു​ട​ക്ക​ത്തി​ൽ കോ​ൺ​ഗ്ര​സ്, പി​ന്നെ ജ​ന​താ​ദ​ൾ, ബി.​എ​സ്.​പി, പി​ന്നെ ബി.​ജെ.​പി. അ​ഭി​പ്രാ​യ സ്വാ​ത​ന്ത്ര്യ​ത്തി​ൽ ഉ​റ​ച്ചു​നി​ൽ​ക്കാ​ൻ പ​ല പാ​ർ​ട്ടി​ക​ളെ പ്രാ​പി​ക്കേ​ണ്ടി​വ​ന്നാ​ൽ അ​ങ്ങ​നെ ചെ​യ്യ​ണ​മെ​ന്ന​താ​കാം കാ​ഴ്ച​പ്പാ​ട്. ഗ​വ​ർ​ണ​റാ​യ​തോ​ടെ ഒ​ന്നി​ലു​മി​ല്ല.

അ​ഭി​പ്രാ​യ​ങ്ങ​ളും നി​ല​പാ​ടു​ക​ളു​മി​ല്ല എ​ന്ന​ല്ല അ​തി​ന​ർ​ഥം. പ​റ​യാ​നു​ള്ള​ത് പ​റ​യും, പി​ന്നെ സ​മ​ര​സ​പ്പെ​ടും. വൈ​സ് ചാ​ൻ​സ​ല​ർ നി​യ​മ​ന വി​വാ​ദ​ത്തി​ലും അ​താ​ണ് ക​ണ്ട​ത്. സ​ർ​ക്കാ​റി​നോ​ട് ഉ​ട​ക്കി ചാ​ൻ​സ​ല​ർ​പ​ദം വ​ലി​ച്ചെ​റി​ഞ്ഞ​താ​ണ്. പി​ന്നെ സ​മ​ര​സ​പ്പെ​ട്ട് തി​രി​ച്ചെ​ടു​ത്തു. മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ചെ​ന്നു​ക​ണ്ട​തി​നു മു​മ്പോ ശേ​ഷ​മോ ആ​ക​ട്ടെ, ലോ​കാ​യു​ക്ത ഓ​ർ​ഡി​ന​ൻ​സ് വ​ലി​ച്ചെ​റി​യാ​തെ ഒ​പ്പി​ട്ടു. ക​ഴി​ഞ്ഞ ദി​വ​സം ഡ​ൽ​ഹി​യി​ൽ വാ​ർ​ത്താ​ലേ​ഖ​ക​ർ​ക്ക് മു​ന്നി​ൽ നി​ൽ​ക്കു​മ്പോ​ൾ അ​ക്കാ​ര്യം അ​ദ്ദേ​ഹം തു​റ​ന്നു പ​റ​ഞ്ഞു. ഓ​ർ​ഡി​ന​ൻ​സി​ന്റെ ഗു​ണ​ദോ​ഷ വ​ശ​ങ്ങ​ളി​ലേ​ക്ക് ക​ട​ക്കു​ന്നി​ല്ല.

വ്യ​ക്തി​പ​ര​മാ​യി ത​നി​ക്ക് അ​ഭി​പ്രാ​യ​ങ്ങ​ളു​ണ്ടാ​വും. പ​ക്ഷേ, മ​ന്ത്രി​സ​ഭ ശി​പാ​ർ​ശ ചെ​യ്യു​ന്ന ഓ​ർ​ഡി​ന​ൻ​സി​ൽ ഒ​പ്പി​ടാ​തി​രി​ക്കാ​ൻ ഗ​വ​ർ​ണ​ർ​ക്ക് ക​ഴി​യി​ല്ല ത​ന്നെ. വി.​സി നി​യ​മ​ന​ത്തി​ലെ​ന്ന പോ​ലൊ​രു പൊ​ട്ടി​ത്തെ​റി​യു​ടെ സാ​ധ്യ​ത തീ​ർ​ത്തും മ​ങ്ങി​പ്പോ​യ​തു കൊ​ണ്ടാ​ക​ണം, സം​ശ​യം ബാ​ക്കി​നി​ർ​ത്തി ചോ​ദ്യം യു.​പി മു​ഖ്യ​മ​ന്ത്രി ആ​ദി​ത്യ​നാ​ഥ് കേ​ര​ള​ത്തെ അ​പ​മാ​നി​ച്ച് സം​സാ​രി​ച്ച​തി​നെ​ക്കു​റി​ച്ചാ​യി. യു.​പി​ക്കാ​ര​നാ​ണെ​ങ്കി​ലും ഗ​വ​ർ​ണ​ർ ഇ​പ്പോ​ൾ കേ​ര​ള​ത്തി​ന്റെ നാ​ഥ​നാ​ണ​ല്ലോ. യു.​പി​യി​ൽ നി​യ​മ​സ​ഭ തെ​ര​ഞ്ഞെ​ടു​പ്പു ന​ട​ക്കു​ന്ന നേ​ര​ത്ത് ഗ​വ​ർ​ണ​റാ​യ താ​ൻ അ​തേ​ക്കു​റി​ച്ച് അ​ഭി​പ്രാ​യം പ​റ​യു​ന്ന​തി​ന്റെ അ​നൗ​ചി​ത്യ​മാ​ണ് ഗ​വ​ർ​ണ​ർ പ​ങ്കു​വെ​ച്ച​ത്. മീ​ഡി​യ​വ​ൺ നി​രോ​ധി​ച്ച കേ​ന്ദ്ര​സ​ർ​ക്കാ​ർ ന​ട​പ​ടി​യോ​ടും അ​നൗ​ചി​ത്യം മു​ൻ​നി​ർ​ത്തി ഗ​വ​ർ​ണ​ർ പ്ര​തി​ക​രി​ച്ചി​ല്ല. കോ​ട​തി​യു​ടെ പ​രി​ഗ​ണ​ന​യി​ലു​ള്ള വി​ഷ​യ​ത്തി​ൽ ഗ​വ​ർ​ണ​ർ അ​ഭി​പ്രാ​യ​പ്ര​ക​ട​നം ന​ട​ത്തു​ന്ന​ത് ശ​രി​യ​ല്ലെ​ന്ന് അ​ദ്ദേ​ഹം വി​ശ​ദീ​ക​രി​ച്ചു.

ചോ​ദ്യം ഹി​ജാ​ബി​ലേ​ക്ക് എ​ത്തി​യ​പ്പോ​ൾ പ​ദ​വി​യും ഔ​ചി​ത്യ​വും മാ​റി നി​ന്നു. വി​ഷ​യം കോ​ട​തി​യു​ടെ പ​രി​ഗ​ണ​ന​യി​ലാ​ണെ​ങ്കി​ലും, യു.​പി​യി​ലും മ​റ്റും തെ​ര​ഞ്ഞെ​ടു​പ്പു ന​ട​ക്കു​ന്ന നേ​ര​മാ​ണെ​ങ്കി​ലും, ഗ​വ​ർ​ണ​ർ വാ​ചാ​ല​നാ​യി. പ്ര​വാ​ച​ക​ന്റെ കാ​ല​ത്തു ത​ന്നെ സ്ത്രീ​ക​ൾ ശി​രോ​വ​സ്ത്ര​ത്തി​ന് എ​തി​രാ​യി നി​ന്നി​രു​ന്നു​വെ​ന്ന് സ്വ​ന്തം പു​സ്ത​ക​ത്തി​ൽ പ​ണ്ടേ പ​റ​ഞ്ഞ കാ​ര്യം അ​ദ്ദേ​ഹം വി​ശ​ദീ​ക​രി​ച്ചു. അ​വ​സ​രോ​ചി​തം അ​ഭി​പ്രാ​യം പ​റ​യു​ക​യോ പ​റ​യാ​തി​രി​ക്കു​ക​യോ ചെ​യ്യു​ന്ന​തി​ൽ അ​വ​സ​ര​വാ​ദ രാ​ഷ്ട്രീ​യ​മ​ല്ല, ആ​ർ​ജ​വ​വും ഔ​ചി​ത്യ​വും ല​ക്ഷ്യ​ബോ​ധ​വു​മാ​ണ് കാ​ണേ​ണ്ട​ത്.

തെ​ര​ഞ്ഞെ​ടു​പ്പു കാ​ല​ത്ത് യോ​ഗി​യും ഉ​ന്നം കൃ​ത്യ​മാ​ക്കി​യാ​ണ് വെ​ടി പൊ​ട്ടി​ച്ച​ത്. ബി.​ജെ.​പി വീ​ണ്ടും ഭ​ര​ണ​ത്തി​ൽ വ​ന്നി​ല്ലെ​ങ്കി​ൽ കേ​ര​ള​വും ക​ശ്മീ​രും ബം​ഗാ​ളും പോ​ലെ​യാ​കും യു.​പി എ​ന്നാ​ണ് വോ​ട്ട​ർ​മാ​ർ​ക്കു​ള്ള യോ​ഗി​യു​ടെ വി​ഡി​യോ സ​ന്ദേ​ശം. അ​തു​കേ​ട്ട് വി​ക​സ​ന കാ​ര്യ​ത്തെ​ക്കു​റി​ച്ചാ​ണ് യോ​ഗി പ​റ​ഞ്ഞ​തെ​ന്ന് തെ​റ്റി​ദ്ധ​രി​ച്ച​വ​രു​മു​ണ്ട്. ഈ ​തെ​ര​ഞ്ഞെ​ടു​പ്പ് 80ഉം 20​ഉം ത​മ്മി​ലു​ള്ള മ​ത്സ​ര​മാ​ണെ​ന്ന് യോ​ഗി നേ​ര​ത്തെ പ​റ​ഞ്ഞു​വെ​ച്ചി​രു​ന്നു. ഹി​ന്ദു​ക്ക​ൾ 80, ന്യൂ​ന​പ​ക്ഷ​ങ്ങ​ൾ 20 എ​ന്നി​ങ്ങ​നെ​യാ​ണ് യു.​പി​യി​ലെ ശ​രാ​ശ​രി ജ​ന​സം​ഖ്യാ​നു​പാ​തം. അ​തി​ന്റെ തു​ട​ർ​ച്ച​യാ​യി​രു​ന്നു വി​ഡി​യോ​വി​ലെ സ​ന്ദേ​ശം. യോ​ഗി​പ​റ​ഞ്ഞ കേ​ര​ള​ത്തി​ലും ക​ശ്മീ​രി​ലും ബം​ഗാ​ളി​ലും സ്ഥി​തി അ​ങ്ങ​നെ​യ​ല്ല. അ​തു​കൊ​ണ്ട് യു.​പി​യി​ലെ ഹി​ന്ദു​ക്ക​ൾ സം​ഘ​ടി​ക്കു​ക​യും വോ​ട്ടു ചി​ത​റാ​തെ ബി.​ജെ.​പി​യെ വീ​ണ്ടും ജ​യി​പ്പി​ക്കു​ക​യും വേ​ണം. പ​ച്ച​യാ​യ ഈ ​വി​ഭ​ജ​ന അ​ജ​ണ്ട പൊ​തി​ഞ്ഞു​വെ​ച്ച് അ​വ​ത​രി​പ്പി​ക്കു​ക​യാ​യി​രു​ന്നു യോ​ഗി.

പ്ര​തി​പ​ക്ഷം ഭ​രി​ക്കു​ന്ന സം​സ്ഥാ​ന​മാ​ണെ​ങ്കി​ലും, അ​വി​ടെ ന്യൂ​ന​പ​ക്ഷ​ത്തി​നാ​ണ് ഭൂ​രി​പ​ക്ഷ​മെ​ങ്കി​ലും, കേ​ര​ള​ത്തി​നൊ​പ്പം പ​ഞ്ചാ​ബി​നെ യോ​ഗി ചേ​ർ​ത്തു​വെ​ച്ചി​ല്ല. അ​തി​ന് രാ​ഷ്ട്രീ​യ​മാ​യി കൃ​ത്യ​മാ​യ കാ​ര​ണ​ങ്ങ​ളു​മു​ണ്ട്. സി​ഖ് ജ​ന​ത​യെ പ്ര​കോ​പി​പ്പി​ച്ചാ​ൽ ബി.​ജെ.​പി​ക്ക് തി​രി​ഞ്ഞു കു​ത്തു​മെ​ന്നു​റ​പ്പ്. വി​വാ​ദ കാ​ർ​ഷി​ക നി​യ​മ​ങ്ങ​ളെ തു​ട​ർ​ന്ന് സി​ഖു​കാ​ർ ഇ​ള​കി​യ​തി​ന്റെ കെ​ടു​തി​യാ​ണെ​ങ്കി​ൽ തീ​ർ​ന്നി​ട്ടി​ല്ല; അ​നു​ഭ​വി​ക്കാ​ൻ കി​ട​ക്കു​ന്ന​തേ​യു​ള്ളൂ.

യു.​പി​യി​ൽ ബി.​ജെ.​പി​ക്ക് ജ​യി​ച്ചേ തീ​രൂ. ആ​ദ്യ​ഘ​ട്ട വോ​ട്ടെ​ടു​പ്പു ന​ട​ന്ന പ​ശ്ചി​മ യു.​പി​യി​ൽ​നി​ന്ന് ബി.​ജെ.​പി​ക്കു കി​ട്ടു​ന്ന​തു പ​ക്ഷേ, ദുഃ​സൂ​ച​ന​ക​ളാ​ണ്. മു​സ​ഫ​ർ​ന​ഗ​ർ ക​ലാ​പ​ത്തി​ലൂ​ടെ ഉ​ണ്ടാ​യ വി​ള്ള​ലും നീ​റ്റ​ലും മ​റ​ന്ന് ക​ർ​ഷ​ക സ​മ​ര​ത്തി​ലൂ​ടെ ജാ​ട്ട്-​മു​സ്‍ലിം ഐ​ക്യം രൂ​പ​പ്പെ​ട്ട​ത് ബി.​ജെ.​പി​ക്ക് ഉ​ണ്ടാ​ക്കു​ന്ന​ത് വ​ലി​യ ആ​ശ​ങ്ക​ക​ളാ​ണ്. മു​സ​ഫ​ർ​ന​ഗ​ർ ക​ലാ​പം വോ​ട്ട​ർ​മാ​രു​ടെ മ​റ​വി​യി​ൽ​നി​ന്ന് തോ​ണ്ടി പു​റ​ത്തെ​ടു​ക്കും വി​ധ​മാ​യി​രു​ന്നു, അ​വി​ടെ പ്ര​ചാ​ര​ണം ന​ട​ത്തി​യ ആ​ഭ്യ​ന്ത​ര മ​ന്ത്രി അ​മി​ത് ഷാ ​അ​ട​ക്കം ബി.​ജെ.​പി നേ​താ​ക്ക​ളു​ടെ പ്ര​സം​ഗ​ങ്ങ​ൾ. ക​ടു​ത്ത ഭ​ര​ണ​വി​രു​ദ്ധ വി​കാ​രം യോ​ഗി നേ​രി​ടു​ന്നു​വെ​ന്നി​രി​ക്കേ, സ​മാ​ജ്‍വാ​ദി പാ​ർ​ട്ടി​ക്ക് അ​നു​കൂ​ല​മാ​യ വി​കാ​ര​ത്തി​ന്റെ വേ​ലി​യേ​റ്റ​ത്തി​ന് ചി​റ​കെ​ട്ടാ​നു​ള്ള ഉ​പാ​യ​ങ്ങ​ളാ​ണ് ബി.​ജെ.​പി പ​യ​റ്റു​ന്ന​ത്. ഭ​ര​ണ​പ​രാ​ജ​യ​ങ്ങ​ൾ​ക്കു മു​ന്നി​ൽ എ​ടു​ത്തു​കാ​ണി​ക്കാ​ൻ ഒ​ന്നും ത​ന്നെ​യി​ല്ലാ​ത്ത ബി.​ജെ.​പി വോ​ട്ടു​ക​ള​ത്തി​ൽ വീ​ണ്ടു​മൊ​രി​ക്ക​ൽ​ക്കൂ​ടി വ​ർ​ഗീ​യ ചേ​രി​തി​രി​വ് സൃ​ഷ്ടി​ക്കു​ക​യാ​ണ്.

ന്യൂ​ന​പ​ക്ഷ​ങ്ങ​ളെ അ​ന്യ​രാ​യി ക​ണ്ടി​ല്ലെ​ങ്കി​ൽ, കേ​ര​ള​ത്തി​ലും ക​ശ്മീ​രി​ലും ബം​ഗാ​ളി​ലു​മൊ​ക്കെ കി​ട്ടു​ന്ന അം​ഗീ​കാ​ര​വും പ​ങ്കാ​ളി​ത്ത​വു​മൊ​ക്കെ അ​വ​ർ യു.​പി​യി​ൽ നേ​ടി​യെ​ടു​ക്കു​മെ​ന്ന് മു​ന്ന​റി​യി​പ്പാ​ണ് യോ​ഗി ന​ൽ​കി​യ​ത്. യോ​ഗി പ​റ​ഞ്ഞ സം​സ്ഥാ​ന​ങ്ങ​ളി​ൽ ഒ​രി​ട​ത്തും, പ​രി​ഗ​ണ​ന​യോ പ​ങ്കാ​ളി​ത്ത​മോ ഇ​ല്ലാ​തെ അ​പ​ര​ന്മാ​രാ​ക്കി വെ​ളി​മ്പു​റ​ത്ത് നി​ർ​ത്തു​ന്ന സാ​ഹ​ച​ര്യ​മി​ല്ല. യു.​പി നി​യ​മ​സ​ഭ​യി​ൽ ആ​റു ശ​ത​മാ​ന​ത്തി​ൽ താ​ഴെ​യാ​ണ് ന്യൂ​ന​പ​ക്ഷ പ്രാ​തി​നി​ധ്യം. മു​സ്‍ലിം-​യാ​ദ​വ സ​ഖ്യം ജ​യം നേ​ടി​യ കാ​ല​ത്ത് അ​താ​യി​രു​ന്നി​ല്ല സ്ഥി​തി. അ​വ​രു​ടെ മേ​ധാ​വി​ത്വ​മാ​യി​രു​ന്നു. അ​തു​കൊ​ണ്ട് മോ​ദി-​യോ​ഗി സ​ഖ്യം വ​രേ​ണ്ട​തി​ന്റെ പ്രാ​ധാ​ന്യം സ​വ​ർ​ണ​രും അ​വ​ർ​ണ​രു​മാ​യ ഹി​ന്ദു​ക്ക​ൾ തി​രി​ച്ച​റി​ഞ്ഞേ മ​തി​യാ​വൂ. സ​മാ​ജ്‍വാ​ദി പാ​ർ​ട്ടി​യേ​യും ബി.​എ​സ്.​പി​യേ​യും കോ​ൺ​ഗ്ര​സി​നെ​യും വി​ട്ട് മു​മ്പ് ബി.​ജെ.​പി​ക്ക് വോ​ട്ടു ചെ​യ്ത​വ​രു​ടെ​യെ​ല്ലാം മ​ന​സ്സി​ലേ​ക്ക് ഇ​ക്കാ​ര്യം ക​ട​ന്നെ​ത്താ​ൻ ഉ​ദ്ദേ​ശി​ച്ചാ​ണ് യോ​ഗി​യു​ടെ ഈ ​വി​സി​ൽ.

മ​റ്റൊ​രു വി​സി​ലാ​ണ് ഹി​ജാ​ബ്. ക​ർ​ണാ​ട​ക​ത്തി​ൽ​നി​ന്ന് പൊ​ടു​ന്ന​നെ​യാ​ണ് വി​ഷ​യം രാ​ജ്യ​മാ​കെ ആ​ളി​പ്പ​ട​ർ​ന്ന ച​ർ​ച്ച​യാ​യ​ത്. ശി​രോ​വ​സ്ത്ര​വും തൊ​പ്പി​യു​മൊ​ക്കെ പ​ര​മ്പ​രാ​ഗ​ത രീ​തി​യാ​ണ്. സി​ഖു​കാ​ർ പ​ഞ്ചാ​ബി​ൽ മാ​ത്ര​മ​ല്ല, ഇ​ന്ത്യ​യി​ലും ലോ​ക​ത്തെ​വി​ടെ​യും ട​ർ​ബ​ൻ ധ​രി​ച്ച് ക​ട​ന്നു ചെ​ല്ലു​ന്നു. ക്രൈ​സ്ത​വ​ർ കൊ​ന്ത​യും കു​രി​ശും ധ​രി​ക്കു​ന്നു. പ​ല ജാ​തി​യി​ൽ​പെ​ട്ട​വ​ർ താ​ലി​മാ​ല ധ​രി​ക്കു​ന്നു; പൊ​ട്ടു​തൊ​ടു​ന്നു. സ​മൂ​ഹം പ​ല രീ​തി​യി​ൽ വ​സ്ത്രം ധ​രി​ക്കു​ന്നു; വ​സ്ത്രം കു​റ​ച്ചു മ​തി​യെ​ന്ന് ചി​ല​ർ ചി​ന്തി​ക്കു​ന്നു. അ​തൊ​ക്കെ വ്യ​ക്തി​നി​ഷ്ഠ​ക്കും മ​താ​ചാ​ര​ത്തി​നു​മ​പ്പു​റം വി​ല​ക്ക​പ്പെ​ടേ​ണ്ട ആ​ഭാ​സ​മാ​യി ആ​രും കാ​ണാ​റി​ല്ല. പാ​ർ​ല​മെ​ന്റി​ൽ അ​ട​ക്കം ക​യ​റി​ച്ചെ​ല്ലു​ന്ന​തി​ന് ത​ട​സ്സ​മി​ല്ല. അ​ത് ഇ​ന്ത്യ​യു​ടെ വൈ​വി​ധ്യ​മാ​ണ്; വൈ​വി​ധ്യ​ത്തെ മാ​നി​ക്ക​ലാ​ണ്. തെ​ര​ഞ്ഞെ​ടു​പ്പ് അ​ടു​ത്ത നേ​ര​ത്ത് പ​ക്ഷേ, ഹി​ജാ​ബ് ച​ർ​ച്ച​യാ​ക്കി മാ​റ്റി​യ​ത് വി​ഭ​ജ​ന​ത്തി​ന് അ​ണി​യ​റ​യി​ൽ ച​ര​ടു​വ​ലി​ക്കു​ന്ന​വ​രാ​ണ്.

'ന​മ്മ​ളും അ​വ​രു'​മാ​ക്കി മാ​റ്റു​ന്ന ഈ ​ഏ​ർ​പ്പാ​ട് കേ​വ​ലം വോ​ട്ടു​ലാ​ഭ​ത്തി​ന് വേ​ണ്ടി മാ​ത്രം. ഭ​ര​ണ​ഘ​ട​നാ പ​ദ​വി​ക​ളി​ൽ ഇ​രി​ക്കു​ന്ന​വ​ർ ഈ ​അ​ധ​മ​രാ​ഷ്ട്രീ​യ​ത്തി​ന്റെ ന​ട​ത്തി​പ്പു​കാ​രും പ്ര​ചാ​ര​ക​രു​മാ​കു​ന്നു. ഹി​ജാ​ബി​ലൂ​ടെ ഏ​ക സി​വി​ൽ കോ​ഡ് ച​ർ​ച്ച​യാ​ക്കി മാ​റ്റു​ന്നു. അ​ങ്ങ​നെ ഓ​രോ സ​ന്ദേ​ശ​മു​ള്ള വി​സി​ൽ കോ​ഡു​ക​ൾ വി​ഭാ​ഗീ​യ​ത മ​ന​സ്സു​ക​ളി​ലേ​ക്ക് ത​ള്ളി​ക്ക​യ​റ്റു​ന്നു. എ​ത്ര ഹീ​ന​മെ​ന്ന് ലോ​കം ക​ണ്ടാ​ലും ഈ ​രീ​തി മാ​റ്റാ​ൻ അ​തി​ന്റെ പ്രാ​യോ​ജ​ക​ർ​ക്ക് അ​റി​യി​ല്ല; മ​റ്റൊ​ന്നും ജ​ന​ങ്ങ​ൾ​ക്കു മു​ന്നി​ൽ വെ​ക്കാ​നി​ല്ല എ​ന്ന​താ​ണ് യാ​ഥാ​ർ​ഥ്യം. ഭ​ര​ണ​ക്കെ​ടു​തി​ക​ൾ വ​ക​ഞ്ഞു മാ​റ്റി​യും ഈ ​വി​സി​ൽ മു​ഴ​ക്കം ജ​ന​മ​ന​സ്സു​ക​ൾ ഇ​നി​യും ഏ​റ്റെ​ടു​ക്കു​ന്നു​വോ എ​ന്ന ചോ​ദ്യ​ത്തി​നാ​ണ് ഈ​യാ​ഴ്ച​ക​ളി​ലെ തെ​ര​ഞ്ഞെ​ടു​പ്പു​ക​ൾ ഉ​ത്ത​രം ന​ൽ​കു​ക.