മദ്റസയിലെ ഭാഗവത്

രാ​ഷ്ട്രീ​യ സ്വ​യം സേ​വ​ക് സം​ഘി​ന്റെ സ​ർ​സം​ഘ് ചാ​ല​ക് മോ​ഹ​ൻ ഭാ​ഗ​വ​ത് ക​ഴി​ഞ്ഞ ദി​വ​സ​ങ്ങ​ളി​ൽ ഡ​ൽ​ഹി​യി​ൽ ത​ങ്ങി​യ കൂ​ട്ട​ത്തി​ൽ അ​സാ​ധാ​ര​ണ​മാ​യ ര​ണ്ട് സ​ന്ദ​ർ​ശ​ന​ങ്ങ​ൾ ന​ട​ത്തി. ക​സ്തൂ​ർ​ബ ഗാ​ന്ധി മാ​ർ​ഗി​ലെ മ​സ്ജി​ദ് വ​ള​പ്പി​ലെ​ത്തി അ​ഖി​ലേ​ന്ത്യ ഇ​മാം അ​സോ​സി​യേ​ഷ​ൻ എ​ന്നൊ​രു സം​ഘ​ട​ന​യു​ടെ നേ​താ​വു കൂ​ടി​യാ​യ അ​വി​ട​ത്തെ ഇ​മാം ഉ​മ​ർ അ​ഹ്മ​ദ് ഇ​ല്യാ​സി​യെ ക​ണ്ടു. അ​ദ്ദേ​ഹ​ത്തെ കൂ​ട്ടി ആ​സാ​ദ്പു​രി​ലെ മ​ദ്റ​സ സ​ന്ദ​ർ​ശി​ച്ച് കു​ട്ടി​ക​ൾ​ക്കൊ​പ്പം കു​റ​ച്ചു​സ​മ​യം ചെ​ല​വി​ട്ടു. ഒ​രു മാ​സം മു​മ്പാ​ണ് മോ​ഹ​ൻ ഭാ​ഗ​വ​ത് മു​സ്‍ലിം​ക​ളാ​യ അ​ഞ്ചു പ്ര​മു​ഖ​രു​മാ​യി ആ​ശ​യ​ങ്ങ​ൾ പ​ങ്കു​വെ​ച്ച​ത്. ഡ​ൽ​ഹി മു​ൻ ല​ഫ്. ഗ​വ​ർ​ണ​റും ജാ​മി​അ മി​ല്ലി​യ സ​ർ​വ​ക​ലാ​ശാ​ല മു​ൻ വൈ​സ് ചാ​ൻ​സ​ല​റു​മാ​യ ഡോ. ​ന​ജീ​ബ് ജ​ങ്, മു​ഖ്യ തെ​ര​ഞ്ഞെ​ടു​പ്പു ക​മീ​ഷ​ണ​റാ​യി വി​ര​മി​ച്ച എ​സ്.​വൈ. ഖു​റൈ​ശി, അ​ലീ​ഗ​ഢ് സ​ർ​വ​ക​ലാ​ശാ​ല മു​ൻ വൈ​സ് ചാ​ൻ​സ​ല​ർ ജ​ന​റ​ൽ സ​മീ​റു​ദ്ദീ​ൻ ഷാ, ​മു​ൻ പാ​ർ​ല​മെ​ന്റം​ഗം ഷാ​ഹി​ദ് സി​ദ്ദീ​ഖി, വ്യ​വ​സാ​യി സ​ഈ​ദ് ഷേ​ർ​വാ​നി എ​ന്നി​വ​രു​മാ​യാ​ണ് കൂ​ടി​ക്കാ​ഴ്ച ന​ട​ന്ന​ത്.

ആ​ർ.​എ​സ്.​എ​സ് നേ​താ​വ് പ​ള്ളി​യി​ലും മ​ദ്റ​സ​യി​ലും ക​യ​റു​മോ? സ്വാ​ഭാ​വി​ക​മാ​യ ആ ​സം​ശ​യ​ത്തി​നൊ​പ്പം വാ​ദ​പ്ര​തി​വാ​ദ​ങ്ങ​ളും തു​ട​ങ്ങി. എ​ന്തി​നു പോ​ക​ണം, എ​ന്തു​കൊ​ണ്ട് പോ​യി​ക്കൂ​ടാ എ​ന്നീ ചോ​ദ്യ​ങ്ങ​ൾ ഉ​യ​ർ​ന്നു. ആ ​യാ​ത്ര​യു​ടെ ഉ​ദ്ദേ​ശ്യ​ശു​ദ്ധി ചോ​ദ്യം ചെ​യ്യ​പ്പെ​ടു​ന്ന​തും സ്വാ​ഭാ​വി​കം. 2009ൽ ​സ​ർ​സം​ഘ് ചാ​ല​ക് സ്ഥാ​ന​മേ​റ്റ 72കാ​ര​നാ​യ മോ​ഹ​ൻ ഭാ​ഗ​വ​ത് ഇ​താ​ദ്യ​മാ​യാ​ണ് ഒ​രു മ​സ്ജി​ദി​ലോ മ​ദ്റ​സ​യി​ലോ പോ​കു​ന്ന​തെ​ന്നി​രി​ക്കേ, എ​ന്തു​കൊ​ണ്ടാ​ണ് ഇ​പ്പോ​ൾ ഇ​ങ്ങ​നെ​യൊ​രു തോ​ന്ന​ലു​ണ്ടാ​യ​തെ​ന്ന ചോ​ദ്യ​വും ബാ​ക്കി​യാ​യി. കാ​ര​ണം, ഭൂ​രി​പ​ക്ഷ-​ന്യൂ​ന​പ​ക്ഷ ബ​ന്ധം അ​ത്ര​മേ​ൽ മോ​ശ​മാ​ണ്. ബ​ഹു​സ്വ​ര​ത​ക​ളു​ടെ സൗ​ന്ദ​ര്യം ആ​സ്വ​ദി​ച്ച് മു​ന്നോ​ട്ടു​പോ​യി​രു​ന്ന സ​മൂ​ഹ​ത്തി​ന്റെ ചി​ന്താ​ധാ​ര സം​ശ​യ​വും ശ​ത്രു​ത​യു​മാ​യി മാ​റി​പ്പോ​യി. ന്യൂ​ന​പ​ക്ഷം ക​ടു​ത്ത അ​ര​ക്ഷി​ത ബോ​ധ​ത്തി​ൽ. ഭൂ​രി​പ​ക്ഷം, മേ​ധാ​വി​ത്ത​ത്തി​ന്റെ​യും കീ​ഴ്പ്പെ​ടു​ത്ത​ലി​ന്റെ​യും അ​ർ​മാ​ദ​ത്തി​ൽ. ചേ​രി​തി​രി​ച്ചു നി​ർ​ത്തു​ന്ന കാ​ര്യ​പ​രി​പാ​ടി തു​ട​രു​മ്പോ​ൾ, അ​തി​ന്റെ സൂ​ത്ര​ധാ​ര​ന്മാ​ർ പൊ​ടു​ന്ന​നെ കൈ​ക്കൊ​ള്ളു​ന്ന സാ​ത്വി​ക ഭാ​വം സം​ശ​യി​ക്ക​പ്പെ​ടും. എ​ങ്കി​ലും, അ​നു​ര​ഞ്ജ​ന​ത്തി​ന്റെ വ​ഴി എ​വി​ടെ​യെ​ങ്കി​ലും തു​ട​ങ്ങിവെ​ക്കേ​ണ്ട​തി​ല്ലേ എ​ന്ന അ​ർ​ഥ​ശ​ങ്ക ബാ​ക്കി​നി​ൽ​ക്കും.

മോ​ഹ​ൻ ഭാ​ഗ​വ​തി​നെ പ​ള്ളി​വ​ള​പ്പി​ൽ ഉ​ണ്ടാ​യി​രു​ന്ന​വ​ർ​ക്കും മ​ദ്റ​സ കു​ട്ടി​ക​ൾ​ക്കും ഇ​മാം പ​രി​ച​യ​പ്പെ​ടു​ത്തി​ക്കൊ​ടു​ത്ത​ത് 'രാ​ഷ്ട്ര​പി​താ​വ്' എ​ന്ന വി​ശേ​ഷ​ണ​ത്തോ​ടെ​യാ​ണ്. ആ ​പ​ദ​വി​യു​ള്ള ഒ​രാ​ൾ നി​ല​വി​ലു​ണ്ടെ​ന്ന് ഏ​താ​യാ​ലും ഭാ​ഗ​വ​ത് തി​രു​ത്തി. കു​ട്ടി​ക​ൾ ഖു​ർ​ആ​ൻ ഓ​തു​ന്ന​ത് ശ്ര​ദ്ധാ​പൂ​ർ​വം ഭാ​ഗ​വ​ത് കേ​ട്ടി​രു​ന്നു​വെ​ന്നും കു​ട്ടി​ക​ൾ അ​ദ്ദേ​ഹ​ത്തി​നൊ​പ്പം ജ​യ്ഹി​ന്ദും വ​ന്ദേ​മാ​ത​ര​വും ചൊ​ല്ലി​യാ​ണ് പി​രി​ഞ്ഞ​തെ​ന്നും ഒ​പ്പ​മു​ണ്ടാ​യി​രു​ന്ന സം​ഘ് പ്ര​വ​ർ​ത്ത​ക​ർ വി​ശ​ദീ​ക​രി​ച്ചു. സൗ​ഹാ​ർ​ദ-​സാ​ഹോ​ദ​ര്യ​ങ്ങ​ളെ പ്രോ​ത്സാ​ഹി​പ്പി​ക്കു​ക​യാ​ണ് സ​ന്ദ​ർ​ശ​ന​ല​ക്ഷ്യ​മെ​ന്ന വി​വ​ര​ണ​ങ്ങ​ൾ​ക്കൊ​പ്പം ആ​ർ.​എ​സ്.​എ​സ് നേ​താ​വ് ഇ​ന്ദ്രേ​ഷ് കു​മാ​ർ ന​ൽ​കി​യ വി​ശ​ദീ​ക​ര​ണ​വും ശ്ര​ദ്ധേ​യ​മാ​ണ്. ഭാ​ഗ​വ​ത് ന​ട​ത്തി​യ സ​ന്ദ​ർ​ശ​നം ആ​ർ.​എ​സ്.​എ​സി​ന്റെ ന​യ​നി​ല​പാ​ടു​ക​ളെ​യോ കാ​ര്യ​പ​രി​പാ​ടി​ക​ളെ​യോ ഒ​രു​നി​ല​ക്കും ബാ​ധി​ക്കു​ന്ന​ത​ല്ലെ​ന്ന് അ​ദ്ദേ​ഹം പ​റ​ഞ്ഞു. ഹി​ന്ദു​ത്വ പ്ര​ചാ​ര​ക​ർ​ക്ക് ഉ​ണ്ടാ​വു​ന്ന സ​ന്ദേ​ഹ​ങ്ങ​ൾ ദൂ​രീ​ക​രി​ക്കാ​നാ​യി​രു​ന്നു അ​ത്. ഭാ​ഗ​വ​ത് മ​സ്ജി​ദി​ൽ ചെ​ന്ന​ത​ല്ല, ഇ​മാം അ​തി​നോ​ടു​ചേ​ർ​ന്ന് താ​മ​സി​ക്കു​ന്ന​തു​കൊ​ണ്ടാ​ണ് മ​റി​ച്ചൊ​രു പ്ര​തീ​തി ഉ​ണ്ടാ​യ​തെ​ന്ന വി​ശ​ദീ​ക​ര​ണ​വും വ​ന്നു. ഭാ​ഗ​വ​ത് ചെ​ന്നു​ക​ണ്ട ഇ​മാം കാ​ര്യ​പ​രി​പാ​ടി​യു​ടെ ക്ഷ​ണി​താ​വാ​യാ​ലും വാ​ട​ക​യാ​യാ​ലും, 16 കോ​ടി വ​രു​ന്ന മു​സ്‍ലിം​ക​ളു​ടെ പൊ​തു പ്ര​തി​നി​ധി​യ​ല്ലെ​ന്ന​ത് മ​റു​പു​റം. ബി.​ജെ.​പി ന്യൂ​ന​പ​ക്ഷ മോ​ർ​ച്ച​യു​ടെ ഒ​രു തു​ണ്ടു ക​ഷ​ണ​മാ​ണ​ത്. ഭാ​ഗ​വ​തി​ന്റെ മ​ദ്റ​സ-​മ​സ്ജി​ദ് സ​ന്ദ​ർ​ശ​ന​ത്തി​ന്റെ കാ​മ്പും ക​ഴ​മ്പും അ​ത്ര​ത​ന്നെ.

പ്ര​മു​ഖ മാ​ധ്യ​മ​പ്ര​വ​ർ​ത്ത​ക​രാ​യ ക​ര​ൺ ഥാ​പ്പ​ർ, ബ​ർ​ഖ ദ​ത്ത് എ​ന്നി​വ​ർ ന​ട​ത്തി​യ അ​ഭി​മു​ഖ​ങ്ങ​ളി​ൽ ഭാ​ഗ​വ​തു​മാ​യി ഒ​രു മാ​സം മു​മ്പു​ണ്ടാ​യ ച​ർ​ച്ച​യു​ടെ ഉ​ള്ളി​ക്കാ​മ്പ് പോ​ലു​ള്ള ഉ​ള്ള​ട​ക്കം എ​സ്.​വൈ. ഖു​റൈ​ശി, ന​ജീ​ബ് ജ​ങ് തു​ട​ങ്ങി​യ​വ​ർ വി​ശ​ദീ​ക​രി​ക്കു​ന്നു​ണ്ട്. ഭൂ​രി​പ​ക്ഷ-​ന്യൂ​ന​പ​ക്ഷ ആ​ശ​യ സം​ഭാ​ഷ​ണ​ങ്ങ​ൾ മു​ന്നോ​ട്ടു കൊ​ണ്ടു​പോ​ക​ണ​മെ​ന്ന താ​ൽ​പ​ര്യ​മ​റി​യി​ച്ച് ഖു​റൈ​ശി​യും മ​റ്റു നാ​ലു​പേ​രും ചേ​ർ​ന്ന് ഭാ​ഗ​വ​തി​ന് ഇ-​മെ​യി​ൽ അ​യ​ച്ചി​രു​ന്നു. ഡ​ൽ​ഹി​ക്ക് വ​രു​മ്പോ​ൾ ത​മ്മി​ൽ കാ​ണാ​മെ​ന്ന മ​റു​പ​ടി​യും കി​ട്ടി. അ​ത​നു​സ​രി​ച്ചാ​യി​രു​ന്നു കൂ​ടി​ക്കാ​ഴ്ച. ന്യൂ​ന​പ​ക്ഷ അ​ര​ക്ഷി​ത ബോ​ധം ച​ർ​ച്ച​യാ​യി. ഭാ​ഗ​വ​തി​ന്റെ വി​വാ​ദ പ്ര​സ്താ​വ​ന​ക​ൾ അ​ട​ക്കം പ​ല വി​ഷ​യ​ങ്ങ​ൾ സം​സാ​രി​ച്ചു. ഇ​ന്ത്യ​യി​ലെ മു​സ്‍ലിം​ക​ളെ​ല്ലാം ഹി​ന്ദു​ക്ക​ളാ​ണെ​ന്ന് ഒ​രി​ക്ക​ൽ പ​റ​ഞ്ഞ​ത് ഉ​ചി​ത​മ​ല്ലെ​ന്ന് അ​ഞ്ചം​ഗ സം​ഘം ബോ​ധി​പ്പി​ച്ചു. ഇ​ന്ത്യ​ൻ മു​സ്‍ലിം​ക​ളെ​ന്നോ ഭാ​ര​തീ​യ മു​സ്‍ലിം​ക​ളെ​ന്നോ വി​ളി​ക്കു​ന്ന​തി​ൽ തെ​റ്റി​ല്ല. ജ​ന​സം​ഖ്യ വ​ർ​ധി​പ്പി​ച്ച് ഇ​ന്ത്യ​യെ മു​സ്‍ലിം​രാ​ഷ്ട്ര​മാ​ക്കാ​ൻ ശ്ര​മി​ക്കു​ന്നു​വെ​ന്ന പ​രാ​മ​ർ​ശം, മു​സ്‍ലിം​ക​ൾ ഇ​വി​ടെ 16 ശ​ത​മാ​നം മാ​ത്ര​മാ​ണെ​ന്നി​രി​ക്കെ, ന​ട​പ്പു​ള്ള കാ​ര്യ​മ​ല്ലെ​ന്ന് ബോ​ധ്യ​പ്പെ​ടു​ത്തി. എ​ന്തി​ലും ഏ​തി​ലും ജി​ഹാ​ദ് വി​വാ​ദം കൊ​ണ്ടു​വ​രു​ന്ന​തും മു​സ്‍ലിം​ക​ളെ ജി​ഹാ​ദി​ക​ളാ​യി വി​ശേ​ഷി​പ്പി​ക്കു​ന്ന​തും ശ​രി​യ​ല്ലെ​ന്നും അ​റി​യി​ച്ചു.

ഹി​ന്ദു​ക്ക​ളു​ടെ കാ​ഴ്ച​പ്പാ​ടു​ക​ളും വി​കാ​ര​ങ്ങ​ളും അം​ഗീ​ക​രി​ക്കാ​ൻ മു​സ്‍ലിം​ക​ൾ ത​യാ​റാ​വു​ന്നി​ല്ല, പ​ശു വി​ഷ​യ​ത്തി​ൽ ഹി​ന്ദു​ക്ക​ളെ അ​സ്വ​സ്ഥ​രാ​ക്കു​ന്നു, ബീ​ഫി​ന്റെ കാ​ര്യ​ത്തി​ൽ നി​ർ​ബ​ന്ധം പി​ടി​ക്കു​ന്നു, വി​ശ്വാ​സി​ക​ള​ല്ലാ​ത്ത 'കാ​ഫി​റു'​ക​ളാ​യി ഹി​ന്ദു​ക്ക​ളെ കാ​ണു​ന്നു എ​ന്നി​ങ്ങ​നെ ചി​ല കാ​ര്യ​ങ്ങ​ൾ ഭാ​ഗ​വ​ത് തി​രി​ച്ചും പ​റ​ഞ്ഞു. രാ​ജ്യ​പു​രോ​ഗ​തി​ക്ക് സൗ​ഹാ​ർ​ദം പ്ര​ധാ​ന വി​ഷ​യ​മാ​ണെ​ന്ന കാ​ര്യം ഇ​രു​പ​ക്ഷ​വും ഊ​ന്നി​പ്പ​റ​ഞ്ഞു. പ​റ​ഞ്ഞ വി​ഷ​യ​ങ്ങ​ൾ ത​ട​സ്സ​പ്പെ​ടു​ത്ത​ൽ കൂ​ടാ​തെ ക്ഷ​മ​യോ​ടെ ഭാ​ഗ​വ​ത് കേ​ട്ടി​രു​ന്ന​തി​ൽ ആ​ത്മാ​ർ​ഥ​ത ക​ണ്ടെ​ത്താ​ൻ ക​ഴി​യു​ന്നു​വെ​ന്നാ​ണ് അ​ഞ്ചം​ഗ സം​ഘ​ത്തി​ന്റെ പ​ക്ഷം. എ​ല്ലാ പ​ള്ളി​യി​ലും ശി​വ​ലിം​ഗം തി​ര​യേ​ണ്ട എ​ന്ന ആ​ഹ്വാ​ന​വും മ​സ്ജി​ദ്-​മ​ദ്റ​സ യാ​ത്ര​യു​മൊ​ക്കെ ന​ല്ല ല​ക്ഷ​ണ​ങ്ങ​ളാ​യും അ​വ​ർ നി​രീ​ക്ഷി​ക്കു​ന്നു. പ​രി​മി​തി​ക​ളു​ണ്ടെ​ങ്കി​ലും, പ​ര​സ്പ​ര​ബ​ന്ധം ക​ല​ങ്ങി​നി​ൽ​ക്കു​ന്ന​തി​ലു​ള്ള അ​സ്വ​സ്ഥ​ത ഭ​ര​ണം ന​യി​ക്കു​ന്ന​വ​രെ അ​റി​യി​ക്കു​മെ​ന്ന് വാ​ക്കു​ന​ൽ​കി​യി​ട്ടു​ണ്ട്. ഭാ​ഗ​വ​തി​നു പി​ന്നാ​ലെ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​മാ​യി ഒ​രു സം​ഭാ​ഷ​ണം ഒ​ത്തു​കി​ട്ടാ​നു​ള്ള ശ്ര​മ​ത്തി​ലാ​ണ് അ​ഞ്ചം​ഗ സം​ഘം. ഏ​താ​യാ​ലും ഉ​ന്ന​ത പ​ദ​വി​ക​ൾ വ​ഹി​ച്ച ചി​ല​ർ ഉ​പ​കാ​ര​സ്മ​ര​ണ​യി​ൽ കു​ളി​രു​കൊ​ള്ളു​ന്ന​തും ഉ​ത്ത​ര​വാ​ദി​ത്ത​ങ്ങ​ൾ സ്വ​യം ഏ​റ്റെ​ടു​ത്ത് ക​ള​ത്തി​ലി​റ​ങ്ങു​ന്ന​തും പു​തി​യ ലാ​ഭ​ചേ​ത​ങ്ങ​ളി​ൽ ക​ണ്ണു​ന​ട്ട് വാ​ലാ​ട്ടു​ന്ന​തു​മെ​ല്ലാം കൗ​തു​ക​മു​ണ​ർ​ത്തു​ന്ന കാ​ഴ്ച​യാ​ണ്.

സം​ഭാ​ഷ​ണ​വും അ​നു​ര​ഞ്ജ​ന​വു​മാ​ണ് ഭി​ന്ന​ത​യും അ​വി​ശ്വാ​സ​വും അ​വ​സാ​നി​പ്പി​ക്കാ​ൻ ഏ​റ്റ​വും ന​ല്ല വ​ഴി​യെ​ന്ന കാ​ര്യ​ത്തി​ൽ ര​ണ്ടു പ​ക്ഷ​മു​ണ്ടാ​വി​ല്ല. അ​തി​നൊ​രു ക​ള​മൊ​രു​ങ്ങി​യി​ട്ടു​ണ്ടോ എ​ന്ന കാ​ത​ലാ​യ ചോ​ദ്യം ബാ​ക്കി നി​ൽ​ക്കു​ന്നു. വി​ശ്വാ​സ​യോ​ഗ്യ​വും സ്വീ​കാ​ര്യ​വു​മ​ല്ലാ​ത്ത ചു​വ​ടു​ക​ൾ അ​സം​ബ​ന്ധ നാ​ട​ക​മാ​യി മാ​റും. നി​യ​മ​നി​ർ​മാ​ണ സ​ഭ​ക​ളി​ലും ഭ​ര​ണ​ത്തി​ലും ഉ​ദ്യോ​ഗ​ത്തി​ലു​മൊ​ക്കെ ന്യൂ​ന​പ​ക്ഷ​ങ്ങ​ൾ​ക്ക് ബി.​ജെ.​പി എ​ത്ര പ്രാ​തി​നി​ധ്യം ന​ൽ​കു​ന്നു​വെ​ന്ന​തു​പോ​ലു​ള്ള വി​ഷ​യ​ങ്ങ​ൾ നി​ൽ​ക്ക​ട്ടെ. പു​ച്ഛ​വും വി​ദ്വേ​ഷ​വും പു​റ​ന്ത​ള്ള​ലും പ്ര​മേ​യ​മാ​ക്കി പു​തി​യൊ​രു രാ​ഷ്ട്ര​നി​ർ​മി​തി​ക്ക് ശ്ര​മി​ക്കു​ന്ന​വ​ർ ഭ​ര​ണ​സൗ​ക​ര്യം ദു​രു​പ​യോ​ഗി​ച്ച് ന​ട​ത്തു​ന്ന അ​പ​ര വേ​ട്ട​യാ​ട​ൽ സൃ​ഷ്ടി​ച്ച അ​ര​ക്ഷി​ത​ബോ​ധ​ത്തി​ന്റെ​യും ഭ​യാ​ശ​ങ്ക​ക​ളു​ടെ​യും പി​ടി​യി​ലാ​ണ് ന്യൂ​ന​പ​ക്ഷം. ഭാ​ഗ​വ​ത് മ​ദ്റ​സ​യി​ൽ പോ​കു​ന്ന​തോ വ​രേ​ണ്യ​സം​ഘം താ​ത്ത്വി​ക ച​ർ​ച്ച ന​ട​ത്തു​ന്ന​തോ ഇ​ത്ത​രം കാ​ത​ലാ​യ പ്ര​ശ്ന​ങ്ങ​ളെ തൊ​ടാ​തെ​യാ​ണ്. എ​ന്നാ​ൽ അ​ജ​ണ്ട​ക​ൾ മു​ന്നോ​ട്ടു നീ​ക്കു​ന്ന​തി​നൊ​പ്പം, ന്യൂ​ന​പ​ക്ഷ​ങ്ങ​ളി​ൽ പ​ര​സ്പ​ര ഭി​ന്ന​ത വ​ള​ർ​ത്താ​നും മെ​രു​ങ്ങു​ന്ന കൂ​ട്ട​രെ വ​ര​ച്ച വ​ഴി​യേ ന​ട​ത്താ​നു​മു​ള്ള ഇ​ര​ട്ട​ലാ​ക്ക് അ​തി​ൽ അ​ട​ക്കം ചെ​യ്തി​രി​ക്കു​ന്നു.