അ​ന്യാ​യ നി​യ​മ​ങ്ങ​ളു​ടെ ബൂ​ട്ടി​ൻ കീ​ഴി​ൽ

ഭീ​ക​ര​പ്ര​വ​ര്‍ത്ത​നം ത​ട​യാ​നു​ണ്ടാ​ക്കി​യ 'ടാ​ഡ' നി​യ​മം ദു​രു​പ​യോ​ഗ​ത്തെ തു​ട​ര്‍ന്ന്‍ പി​ന്‍വ​ലി​ക്കാ​ന്‍ നി​ർ​ബ​ന്ധി​ത​മാ​യ​പ്പോ​ള്‍ അ​തി​നു​പ​ക​ര​മാ​യി മ​ന്‍മോ​ഹ​ന്‍ സി​ങ്​ സ​ര്‍ക്കാ​ര്‍ കൊ​ണ്ടു​വ​ന്ന​താ​ണ്​ യു.​എ.​പി.​എ. അ​ടി​സ്ഥാ​ന​പ​ര​മാ​യി ര​ണ്ടു നി​യ​മ​ങ്ങ​ളും ചെ​യ്യു​ന്ന​ത് ഒ​ന്നു​ത​ന്നെ. സാ​ധാ​ര​ണ​ഗ​തി​യി​ല്‍ നി​യ​മ​പ്ര​കാ​രം കേ​സെ​ടു​ക്കു​മ്പോ​ള്‍ ആ​രോ​പി​ത​നാ​യ വ്യ​ക്​​തി ​ പ്ര​സ്​​തു​ത കു​റ്റ​ങ്ങ​ള്‍ ചെ​യ്തെ​ന്നു സം​ശ​യാ​തീ​ത​മാ​യി തെ​ളി​യി​ക്കാ​നു​ള്ള ബാ​ധ്യ​ത പൊ​ലീ​സി​നു​ണ്ട്. ഭീ​ക​ര വി​രു​ദ്ധ നി​യ​മ​ങ്ങ​ള്‍ ​െപാ​ലീ​സി​നെ ഈ ​ബാ​ധ്യ​ത​യി​ല്‍നി​ന്ന് ഒ​ഴി​വാ​ക്കു​ക​യും ആ​രോ​പ​ണ​വി​ധേ​യ​നാ​യ വ്യ​ക്​​തി​യെ താ​ന്‍ കു​റ്റം ചെ​യ്തി​ട്ടി​ല്ലെ​ന്ന് തെ​ളി​യി​ക്കാ​ന്‍ ബാ​ധ്യ​സ്ഥ​നാ​ക്കു​ക​യും ചെ​യ്യു​ന്നു.

ഭീ​ക​ര​ര്‍ക്കെ​തി​രെ തെ​ളി​വ് ശേ​ഖ​രി​ക്കു​ന്ന​തി​ലെ പ്രാ​യോ​ഗി​ക ബു​ദ്ധി​മു​ട്ടു​ക​ള്‍ ചൂ​ണ്ടി​ക്കാ​ട്ടി​യാ​ണ് ഇ​ത്ത​രം വ്യ​വ​സ്ഥ​ക​ള്‍ ഉ​ണ്ടാ​ക്കു​ന്ന​ത്. സാ​ഹ​ച​ര്യ​ങ്ങ​ള്‍ അ​ത് ഒ​ഴി​വാ​ക്കാ​ന്‍ അ​നു​വ​ദി​ക്കു​ന്നി​ല്ലെ​ങ്കി​ല്‍ നി​യ​മ​ത്തി​െ​ൻ​റ ദു​രു​പ​യോ​ഗം ത​ട​യാ​ന്‍ ഫ​ല​പ്ര​ദ​മാ​യ സം​വി​ധാ​ന​മു​ണ്ടാ​യേ മ​തി​യാ​കൂ. യു.​എ.​പി.​എ അ​ത്ത​രം സം​വി​ധാ​നം വി​ഭാ​വ​ന ചെ​യ്യു​ന്നു​ണ്ട്. എ​ന്നാ​ല്‍ അ​ത് നി​യ​മ​നി​ർ​മാ​താ​ക്ക​ള്‍ ആ​ഗ്ര​ഹി​ച്ച രീ​തി​യി​ല്‍ പ്ര​വ​ര്‍ത്തി​ക്കു​ന്നി​ല്ല.

ഒ​രു നി​യ​മം ദു​രു​പ​യോ​ഗം ചെ​യ്യാ​ൻ ഏ​തെ​ങ്കി​ലും ഒ​രു സാ​ധ്യ​ത​യു​ണ്ടെ​ങ്കി​ല്‍ അ​ത് വി​നി​യോ​ഗി​ക്ക​പ്പെ​ടു​ന്നു​ണ്ട്​ എ​ന്ന​താ​ണ്​ അ​നു​ഭ​വ പാ​ഠം.മോ​ദി സ​ര്‍ക്കാ​ര്‍ അ​ധി​കാ​ര​മേ​റ്റ​ശേ​ഷം draconian laws (നി​ർ​ദ​യ നി​യ​മ​ങ്ങ​ള്‍) എ​ന്ന് വി​ശേ​ഷി​പ്പി​ക്കു​ന്ന ഇ​വ​യു​ടെ മ​റ​വി​ൽ കേ​സു​ക​ളും ജാ​മ്യം നി​ഷേ​ധി​ച്ചു​ള്ള അ​റ​സ്​​റ്റു​ക​ളും ക്ര​മാ​തീ​ത​മാ​യി വ​ർ​ധി​ച്ചി​ട്ടു​ണ്ട്.

ഭീ​ക​ര സം​ഘ​ട​ന​ക​ളാ​യി പ്ര​ഖ്യാ​പി​ച്ചി​ട്ടു​ള്ള​വ​യു​മാ​യി ബ​ന്ധ​പ്പെ​ട്ട് പ്ര​വ​ർ​ത്തി​ക്കു​ന്ന​വ​ര്‍ക്കെ​തി​രെ മാ​ത്ര​മാ​യി​രു​ന്നു ​ യു.​എ.​പി.​എ പ്ര​കാ​രം ന​ട​പ​ടി​യെ​ടു​ക്കാ​ൻ നേ​ര​ത്തേ വ്യ​വ​സ്​​ഥ​യു​ണ്ടാ​യി​രു​ന്ന​ത്. ഒ​രു ഭേ​ദ​ഗ​തി​യി​ലൂ​ടെ ഒ​രു വ്യ​ക്തി​യെ ഭീ​ക​ര​നാ​യി പ്ര​ഖ്യാ​പി​ക്കാ​നു​ള്ള അ​ധി​കാ​ര​വും മോ​ദി സ​ര്‍ക്കാ​ര്‍ കൈ​ക്ക​ലാ​ക്കി. ഒ​രു സ്വ​ത​ന്ത്ര വ്യ​ക്​​തി​യെ നേ​രി​ടാ​നും ഇ​ത്ത​രം നി​യ​മം വേ​ണ​മെ​ന്നു പ​റ​യു​ന്ന​തി​ലെ യു​ക്തി​യെ​ന്താ​ണ്?

യു.​എ.​പി.​എ​യു​ടെ ച​രി​ത്രം പ​രി​ശോ​ധി​ക്കു​േ​മ്പാ​ള്‍ കൊ​ടി​യു​ടെ നി​റ​ഭേ​ദ​െ​മ​ന്യേ സം​സ്ഥാ​ന സ​ര്‍ക്കാ​റു​ക​ള്‍ അ​ത് ദു​രു​പ​യോ​ഗം ചെ​യ്യു​ന്ന​താ​യി കാ​ണാം. പ​ല പ്ര​തി​ക​ള്‍ക്കു​മെ​തി​രാ​യ കു​റ്റം ഭീ​ക​ര സം​ഘ​ട​ന​ക​ളി​ല്‍ അം​ഗ​ങ്ങ​ളാ​ണെ​ന്നോ ഭീ​ക​ര പ്ര​വ​ർ​ത്ത​ന​ങ്ങ​ളി​ല്‍ ഏ​ര്‍പ്പെ​ട്ടെ​ന്നോ അ​ല്ല, ഭീ​ക​ര സം​ഘ​ട​ന​ക​ളു​ടെ ല​ഘു​ലേ​ഖ​ക​ള്‍ കൈ​വ​ശം​വെ​ച്ചു, ഭീ​ക​ര പ്ര​വ​ര്‍ത്ത​ക​ര്‍ക്ക് താ​മ​സ സൗ​ക​ര്യം ന​ല്‍കി എ​ന്നി​ങ്ങ​നെ​യു​ള്ള ആ​രോ​പ​ണ​ങ്ങ​ളാ​ണ്. കോ​ഴി​ക്കോ​ട്​ ജി​ല്ല​യി​ലെ അ​ല​ന്‍, താ​ഹ എ​ന്ന ര​ണ്ടു വി​ദ്യാ​ര്‍ഥി​ക​ള്‍ക്കെ​തി​രെ കേ​സെ​ടു​ത്ത് കേ​ന്ദ്ര അ​ന്വേ​ഷ​ണ ഏ​ജ​ന്‍സി​ക്ക് കൈ​മാ​റി​യ​ശേ​ഷം അ​വ​ര്‍ക്കെ​തി​രാ​യ കു​റ്റ​ങ്ങ​ള്‍ ഗൗ​ര​വ​മു​ള്ള​ത​ല്ലെ​ന്നു കാ​ണി​ച്ച്​ മു​ഖ്യ​മ​ന്ത്രി​ക്ക് കേ​ന്ദ്ര​ത്തി​ന്​ ക​ത്തെ​ഴു​തേ​ണ്ടി വ​ന്നു. ഇ​തെ​ല്ലാം വി​ഷ​യം ബ​ന്ധ​പ്പെ​ട്ട​വ​ര്‍ ലാ​ഘ​വ ബു​ദ്ധി​യോ​ടെ കൈ​കാ​ര്യം ചെ​യ്യു​ന്നു​വെ​ന്ന് തെ​ളി​യി​ക്കു​ന്നു.

ഔ​ദ്യോ​ഗി​ക ക​ണ​ക്കു​ക​ള​നു​സ​രി​ച്ച് 2.2 ശ​ത​മാ​നം യു.​എ.​പി.​എ കേ​സു​ക​ളി​ല്‍ മാ​ത്ര​മാ​ണ് ​െപാ​ലീ​സി​ന്​ പ്ര​തി​ക​ള്‍ക്ക് ശി​ക്ഷ വാ​ങ്ങി​ക്കൊ​ടു​ക്കാ​ന്‍ ക​ഴി​യു​ന്ന​ത്. വ​ര്‍ഷ​ങ്ങ​ള്‍ നീ​ണ്ടു​പോ​കു​ന്ന വി​ചാ​ര​ണ​ക്കു​ശേ​ഷ​മാ​ണ് പ്ര​തി കു​റ്റ​ക്കാ​ര​ന​ല്ലെ​ന്നു​ക​ണ്ട്​ കോ​ട​തി വെ​റു​തെ വി​ടു​ന്ന​ത്. സാ​ധാ​ര​ണ​ഗ​തി​യി​ല്‍ യു.​എ.​പി.​എ കേ​സ് പ്ര​തി​ക​ള്‍ക്ക് ജാ​മ്യ​ത്തി​ന​ര്‍ഹ​ത​യി​ല്ല. അ​താ​യ​ത് ആ​രോ​പ​ണ​ങ്ങ​ൾ പൊ​ള്ള​യാ​ണെ​ന്ന്​ ബോ​ധ്യ​പ്പെ​ട്ട്​ നി​ര​പ​രാ​ധി​യെ​ന്ന്​ വി​ധി​ച്ച്​ കോ​ട​തി വെ​റു​തെ വി​ടു​മ്പോ​ഴേ​ക്കും അ​വ​ര്‍ ജീ​വി​ത​ത്തി​െ​ൻ​റ ഒ​രു ന​ല്ല ഭാ​ഗം ജ​യി​ലി​ല്‍ ഹോ​മി​ച്ചി​രി​ക്കും. കൊ​ടും അ​നീ​തി​യാ​ണി​ത്.

ഏ​ഴു മാ​സ​മാ​യി ഡ​ല്‍ഹി ന​ഗ​ര​ത്തി​നു പു​റ​ത്ത് ത​ണു​പ്പും വെ​യി​ലും മ​ഴ​യു​മേ​റ്റ്​ സ​മാ​ധാ​ന​പ​ര​മാ​യി അ​വ​രു​ടെ താ​ല്‍പ​ര്യ​ങ്ങ​ളെ ഹ​നി​ക്കു​ന്ന നി​യ​മ​ങ്ങ​ള്‍ക്കെ​തി​രെ സ​മ​രം ചെ​യ്യു​ന്ന ക​ര്‍ഷ​ക​രു​ടെ നേ​താ​ക്ക​ള്‍ക്കെ​തി​രെ​യും യു.​എ.​പി​എ ചു​മ​ത്തി​യി​ട്ടു​ണ്ട്. അ​ക്ര​മ​ത്തി​നു പ​ര​സ്യ​മാ​യി ആ​ഹ്വാ​നം​ചെ​യ്ത ഭ​ര​ണ​ക​ക്ഷി നേ​താ​ക്ക​ള്‍ ഒ​രു ന​ട​പ​ടി​യും നേ​രി​ടാ​തെ ന​ട​ക്കു​മ്പോ​ള്‍ അ​ക്ര​മ​ത്തി​നു വി​ധേ​യ​രാ​യ​വ​രും സ​മാ​ധാ​ന​പ​ര​മാ​യി പ്ര​തി​ഷേ​ധി​ച്ച​വ​രും യു.​എ.​പി.​എ ചു​മ​ത്ത​പ്പെ​ട്ട്​ ജ​യി​ലി​ല്‍ ക​ഴി​യു​ന്ന കാ​ഴ്ച​യും രാ​ജ്യ​ത​ല​സ്ഥാ​ന​ത്ത് കാ​ണാ​വു​ന്ന​താ​ണ്.

ഒ​രു കൊ​ല്ലം മു​മ്പ് യു.​എ.​പി.​എ വ​കു​പ്പു​ക​ള്‍ ചു​മ​ത്തി പൊ​ലീ​സ് അ​റ​സ്​​റ്റു​ചെ​യ്ത മൂ​ന്നു വി​ദ്യാ​ര്‍ഥി​ക​ളു​ടെ ജാ​മ്യാ​പേ​ക്ഷ​ക​ള്‍ പ​രി​ഗ​ണി​ക്ക​വെ​യാ​ണ് ഡ​ല്‍ഹി ഹൈ​കോ​ട​തി യു.​എ.​പി.​എ​യു​ടെ ദു​രു​പ​യോ​ഗ​ത്തെ​ക്കു​റി​ച്ച്​ പ​രാ​മ​ര്‍ശി​ച്ച​ത്. സാ​ധാ​ര​ണ നി​യ​മ​ത്തി​െ​ൻ​റ പ​രി​ധി​യി​ല്‍ ഒ​തു​ങ്ങു​ന്ന സം​ഭ​വ​ങ്ങ​ളെ പൊ​ലീ​സ് വ​ലി​ച്ചു​നീ​ട്ടി തീ​വ്ര​വാ​ദ പ്ര​വ​ര്‍ത്ത​ന​ത്തി​െ​ൻ​റ പ​രി​ധി​യി​ല്‍പെ​ടു​ത്തു​ന്ന​താ​യി ജ​സ്​​റ്റി​സു​മാ​രാ​യ സി​ദ്ധാ​ര്‍ഥ് മൃ​ദു​ല്‍, അ​നൂ​പ്‌ ജ​യ​റാം ഭം​ഭാ​നി എ​ന്നി​വ​ര്‍ നി​രീ​ക്ഷി​ച്ചു.

സു​പ്രീം​കോ​ട​തി 1994ലെ ​ഒ​രു വി​ധി​യി​ല്‍ അ​ക്കാ​ല​ത്ത് നി​ല​നി​ന്നി​രു​ന്ന ടാ​ഡ നി​യ​മ​ത്തി​െ​ൻ​റ ദു​രു​പ​യോ​ഗ​ത്തി​നെ​തി​രെ ന​ട​ത്തി​യ പ​രാ​മ​ര്‍ശ​ങ്ങ​ളു​ടെ വെ​ളി​ച്ച​ത്തി​ലാ​ണ് ഡ​ല്‍ഹി ഹൈ​കോ​ട​തി യു.​എ.​പി.​എ പ്ര​വ​ര്‍ത്ത​നം പ​രി​ശോ​ധി​ച്ച​ത്.ഒ​രാ​ള്‍ ഭീ​ക​ര പ്ര​വ​ര്‍ത്ത​നം ന​ട​ത്തി​യി​ല്ലെ​ങ്കി​ല്‍ത​ന്നെ​യും ന​ട​ത്താ​നു​ള്ള സാ​ധ്യ​ത​യു​ണ്ടെ​ങ്കി​ല്‍ അ​യാ​ള്‍ക്കെ​തി​രെ യു.​എ.​പി.​എ ചു​മ​ത്താ​നാ​കു​മെ​ന്ന ഡ​ല്‍ഹി പൊ​ലീ​സ് വാ​ദം ത​ള്ളി​യ കോ​ട​തി ക്രി​മി​ന​ല്‍ കു​റ്റ​ങ്ങ​ള്‍ സം​ബ​ന്ധി​ച്ച നി​യ​മ​ങ്ങ​ള്‍ അ​ങ്ങ​നെ വ​ലി​ച്ചു​നീ​ട്ടാ​നാ​കി​ല്ലെ​ന്നും ചൂ​ണ്ടി​ക്കാ​ട്ടി.ക്ര​മ​സ​മാ​ധാ​നം ത​ക​രാ​റി​ലാ​യ​തു​കൊ​ണ്ടു​മാ​ത്രം ഒ​രു കൃ​ത്യം ഭീ​ക​ര​പ്ര​വ​ർ​ത്ത​ന​മാ​കി​ല്ലെ​ന്ന കോ​ട​തി​യു​ടെ നി​രീ​ക്ഷ​ണം ശ്ര​ദ്ധാ​ർ​ഹ​മാ​ണ്.

ഹൈ​കോ​ട​തി മൂ​ന്ന്‍ വി​ദ്യാ​ര്‍ഥി​ക​ള്‍ക്കും ജാ​മ്യം അ​നു​വ​ദി​ച്ചു. കേ​ന്ദ്ര​ത്തി​െ​ൻ​റ നി​യ​ന്ത്ര​ണ​ത്തി​ലു​ള്ള ഡ​ല്‍ഹി പൊ​ലീ​സ് വി​ധി അ​സ്ഥി​ര​പ്പെ​ടു​ത്ത​ണ​മെ​ന്ന ആ​വ​ശ്യ​വു​മാ​യി സു​പ്രീം കോ​ട​തി​യെ സ​മീ​പി​ച്ചെ​ങ്കി​ലും കോ​ട​തി ആ ​ആ​വ​ശ്യം നി​ര​സി​ച്ചു. അ​തേ​സ​മ​യം മ​റ്റു കോ​ട​തി​ക​ള്‍ ഈ ​ഹൈ​കോ​ട​തി വി​ധി​യെ കീ​ഴ്വ​ഴ​ക്ക​മാ​യി കാ​ണ​രു​തെ​ന്ന്​ അ​ത് നി​രീ​ക്ഷി​ച്ചു. മു​ന്‍കാ​ല സു​പ്രീം​കോ​ട​തി വി​ധി​ക​ളെ ആ​ധാ​ര​മാ​ക്കി​യു​ള്ള ആ ​വി​ധി കീ​ഴ്വ​ഴ​ക്ക​മാ​യി കാ​ണു​ന്ന​തി​ല്‍ എ​ന്ത് അ​പാ​ക​ത​യാ​ണു​ള്ള​തെ​ന്ന്​ കോ​ട​തി വ്യ​ക്ത​മാ​ക്കി​യി​ല്ല.

●