മയക്കുമരുന്നുമായി കുടകിൽ മൂന്ന് മലയാളികൾ അറസ്റ്റിൽ
text_fieldsബംഗളൂരു: 10 ലക്ഷം രൂപയുടെ മയക്കുമരുന്നുമായി മൂന്ന് മലയാളികളെ കുടക് പൊലീസ് അറസ്റ്റ് ചെയ്തു. കാസർകോട് സ്വദേശി അഹ്മദ് കബീർ (37), കാഞ്ഞങ്ങാട് സ്വദേശികളായ അബ്ദുൽ ഖാദർ (27), മുഹമ്മദ് മുസമ്മിൽ (27) എന്നിവരാണ് പിടിയിലായത്. ഇവരിൽനിന്ന് 1.16 കിലോ ഹഷീഷ് ഓയിൽ പിടിച്ചെടുത്തു. കേരളത്തിൽനിന്ന് കാറിൽ കരികെ വഴി കുടകിലേക്ക് സഞ്ചരിച്ച മൂവർ സംഘത്തെ സംശയത്തിന്റെ അടിസ്ഥാനത്തിൽ കാർ തടഞ്ഞ് പരിശോധിച്ചപ്പോഴാണ് മയക്കുമരുന്ന് കണ്ടെത്തിയതെന്ന് കുടക് എസ്.പി എം.എ. അയ്യപ്പ പറഞ്ഞു. പ്രതികൾക്കെതിരെ മയക്കുമരുന്നുമായി ബന്ധപ്പെട്ട എൻ.ഡി.പി.എസ് ആക്ട് പ്രകാരം ബാഗമണ്ഡല പൊലീസ് കേസെടുത്തു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.