ആദിവാസി യുവാക്കളെ കാണാതായിട്ട് 36 ദിവസം; പൊലീസ് ലുക്ക് ഔട്ട് നോട്ടീസ് പുറത്തിറക്കി
text_fieldsചെമ്മണാമ്പതിയിൽ കാണാതായ ആദിവാസി യുവാക്കൾക്കായി പൊലീസ് പുറത്തിറക്കിയ ഔട്ട് നോട്ടീസ്
കൊല്ലങ്കോട്: ആഗസ്റ്റ് 30 കാണാതായ ആദിവാസി യുവാക്കൾക്കായി പൊലീസ് ലുക്ക് ഔട്ട് നോട്ടീസ് പുറത്തിറക്കി. മുതലമട, ചപ്പക്കാട് ആദിവാസി കോളനി സ്വദേശികളായ സാമുവൽ (സ്റ്റീഫൻ -28), മുരുകേശൻ (27) എന്നിവരെയാണ് ആഗസ്റ്റ് 30ന് രാത്രി പത്തുമുതൽ കാണാതായത്.
തോട്ടങ്ങളിലും വനത്തിലുമായി അഗ്നിശമന സേനയും പൊലീസ് നായും ഡ്രോണടക്കം സംവിധാനങ്ങളും തിരച്ചിൽ നടത്തിയും കാണാതായതോടയാണ് തമിഴ്നാട്ടിലും കേരളത്തിലുമുള്ള അതിർത്തി പ്രദേശങ്ങളിൽ പൊലീസ് നോട്ടീസ് പതിച്ചത്. സ്വകാര്യ തോട്ടത്തിലെ ജീവനക്കാരനായ സ്റ്റീഫൻ ആഗസ്റ്റ് 30ന് വീട്ടിലെത്തി തിരിച്ച് രാത്രി പത്തിന് സുഹൃത്ത് മുരുകേശനുമായി തോട്ടത്തിലേക്ക് പോയതിനുശേഷം ഇരുവരെയും ആരും കണ്ടെത്തിയില്ല.
വീട്ടിൽനിന്ന് ഇറങ്ങി അര മണിക്കൂറിനകം മൊബൈൽ ഫോൺ ഓഫായതായി പൊലീസ് കണ്ടെത്തി. പ്രദേശത്തെ കിണറുകളിലടക്കം പരിശോധന നടത്തിയും ഫലമുണ്ടായില്ല. യുവാക്കൾക്കായി തിരച്ചിൽ തുടരുകയാണെന്ന് പൊലീസ് അറിയിച്ചു. സർക്കിൾ ഇൻസ്പെക്ടർ വിപിൻ ദാസ്, എസ്.ഐ. ഷാഹുൽ എന്നിവരുടെ നേതൃത്വത്തിലാണ് 36 ദിവസമായി തിരച്ചിൽ തുടരുന്നത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.