ദുബൈയിൽ ക്രിമിനൽ കേസുകളിൽ 65 ശതമാനം കുറവ്​

ദുബൈ: ദുബൈയിൽ ക്രിമിനൽ കേസുകളിൽ 65 ശതമാനം കുറവ്​ രേഖപ്പെടുത്തിയതായി പൊലീസ്​. ഈ വർഷം മൂന്നാം പാദത്തിലെ കണക്കാണിത്​. കഴിഞ്ഞ വർഷം ഇതേ കാലയളവുമായി താരതമ്യം ​ചെയ്തപ്പോഴാണ്​ വൻ കുറവ്​ രേഖപ്പെടുത്തിയത്​.

ദുബൈ ജനറൽ ഡിപ്പാർട്​മെന്‍റ്​ ഓഫ്​ ക്രിമിനൽ ഇൻവെസ്റ്റിഗേഷന്‍റെ യോഗത്തിൽ ഇക്കാര്യങ്ങൾ വിലയിരുത്തി. പൊലീസിന്‍റെ സൂക്ഷ്മതയും കരുതലുമാണ്​ ക്രിമിനൽ കേസുകൾ കുറയാൻ കാരണമായതെന്നാണ് വിലയിരുത്തൽ. ഉയർന്ന പ്രഫഷനലിസത്തോടെ ജീവനക്കാർ നടത്തുന്ന ആത്മാർഥ ഇടപെടലുകളെ അഭിനന്ദിക്കുന്നതായും യോഗം അറിയിച്ചു.

ദുബൈ ​പൊലീസ്​ കമാൻഡർ ഇൻ ചീഫ്​ ലഫ്.​ ജനറൽ അബ്​ദുല്ല ഖലീഫ അൽമർറി അധ്യക്ഷത വഹിച്ചു.