നിരോധിത പുകയില ഉൽപന്നങ്ങൾ വിറ്റയാൾ അറസ്റ്റിൽ

പാലോട്: സ്കൂൾ-കോളജ് പരിസരങ്ങളിൽ നിരോധിത പുകയില ഉൽപന്നങ്ങൾ വിൽപന നടത്തുന്നയാൾ അറസ്റ്റിൽ. പാലോട് പ്ലാവറ സ്വദേശി അജയനാണ് (48) നൂറോളം നിരോധിത പുകയില ഉൽപന്നങ്ങളുമായി പാലോട് പൊലീസിന്‍റെ പിടിയിലായത്.

ജില്ല പൊലീസ് മേധാവി ശിൽപ ദേവയ്യയുടെ നിർദേശാനുസരണം പാലോട് ഇൻസ്പെക്ടർ പി. ഷാജിമോന്‍റെ നേതൃത്വത്തിൽ എസ്.ഐ നിസാറുദ്ദീൻ ഉൾപ്പെടെയുള്ളവർ നടത്തിയ സംയുക്ത പരിശോധനയിലാണ് പ്രതി അറസ്റ്റിലായത്.