കൊലപാതകശ്രമ കേസില്‍ ഒളിവില്‍ കഴിഞ്ഞ പ്രതി അറസ്റ്റില്‍

ചോറ്റാനിക്കര: കൊലപാതകശ്രമ കേസില്‍ ഒളിവില്‍ കഴിഞ്ഞ പ്രതി അറസ്റ്റില്‍. പത്തനംതിട്ട കോന്നി സ്വദേശി ഷിഹാബുദ്ദീനെയാണ് (38) ചോറ്റാനിക്കര പൊലീസ് അറസ്റ്റ് ചെയ്തത്. 2014ല്‍ ചോറ്റാനിക്കര സ്റ്റേഷനില്‍ രജിസ്റ്റര്‍ ചെയ്ത കൊലപാതകശ്രമ കേസിലെ പ്രതിയാണ്. ജാമ്യം എടുത്ത ശേഷം കോടതിയില്‍ ഹാജരാകാതെ വിവിധ സ്ഥലങ്ങളില്‍ ഒളിവില്‍ കഴിയുകയായിരുന്നു.

ചോറ്റാനിക്കര ഇന്‍സ്‌പെക്ടര്‍ കെ.പി. ജയപ്രസാദിന്റെ നേതൃത്വത്തില്‍ രൂപവത്കരിച്ച പ്രത്യേക സംഘം നടത്തിയ അന്വേഷണത്തിലാണ് പിടിയിലായത്.പ്രത്യേക അന്വേഷണ സംഘത്തില്‍ എസ്.ഐ എ.എന്‍. സാജു, സീനിയര്‍ സി.പി.ഒ യോഹന്നാന്‍, സി.പി.ഒ സ്വരുണ്‍ പി. സോമന്‍ എന്നിവരാണ് ഉണ്ടായിരുന്നത്.