ട്രെയിൻ യാത്രക്കാരിയുടെ മാല പൊട്ടിച്ചയാൾ പിടിയിൽ

തിരുവനന്തപുരം: ട്രെയിൻ യാത്രക്കിടെ യാത്രക്കാരിയുടെ സ്വർണമാല പിടിച്ചുപറിച്ച തിരുവനന്തപുരം വഞ്ചിയൂർ പാറ്റൂർ സ്വാദേശി അച്ചുവിനെ തിരുവനന്തപുരം റെയിൽവേ പൊലീസ് തന്ത്രപരമായി പിടികൂടി.

ഞായറാഴ്ച രാത്രിയാണ് സംഭവം. ഷൊർണൂർ-തിരുവനന്തപുരം വേണാട് എക്സ്പ്രസിലെ യാത്രക്കാരിയുടെ മാലയാണ് പേട്ട റെയിൽവേ സ്റ്റേഷനിൽവെച്ച് പ്രതി കവർന്നത്.

റെയിൽവേ എസ്.പി ഗോപകുമാറിന്‍റെ നിർദേശപ്രകാരം ഇൻസ്പെക്ടർ അഭിലാഷ് ഡേവിഡിന്‍റെ നേതൃത്വത്തിൽ എസ്.എച്ച്.ഒ ഇതിഹാസ് താഹ, എസ്.ഐ ബിജുകുമാർ, നളിനാക്ഷൻ, സി.പി.ഒമാരായ വിവേക്, ജിതിൻ, സുരേഷ്, പ്രമോദ് എന്നിവരടങ്ങുന്ന സംഘമാണ് പ്രതിയെ പിടികൂടിയത്. പ്രതി സ്വർണക്കടയിൽ വിറ്റ മാല അന്വേഷണസംഘം കണ്ടെത്തി.