നിരവധി മോഷണക്കേസുകളിലെ പ്രതി പിടിയിൽ

ഗാന്ധിനഗർ: വീട് കുത്തിത്തുറന്ന് സ്വർണാഭരണങ്ങൾ മോഷ്ടിച്ചയാൾ അറസ്റ്റിൽ. കൊല്ലം, കരുനാഗപ്പള്ളി കൊച്ചുകോഴിക്കോട് ഭാഗത്ത് വിളയിൽപടീറ്റതിൽ വീട്ടിൽ നജീമുദ്ദീനെയാണ് (49) അറസ്റ്റ് ചെയ്തത്. ഡിസംബർ 24 നായിരുന്നു ഇയാൾ മെഡിക്കൽ കോളജ് ആറാട്ടുവഴി ഭാഗത്തുള്ള വീട്ടിൽ കയറി അലമാരയിൽ സൂക്ഷിച്ച 7.5 പവൻ ആഭരണങ്ങൾ മോഷ്ടിച്ചത്.

ഇയാൾക്കെതിരെ കരുനാഗപ്പള്ളി, പഴയന്നൂർ, കോട്ടയം വെസ്റ്റ്, അമ്പലപ്പുഴ, ഓച്ചിറ, ശാസ്താംകോട്ട, പാലക്കാട് ടൗൺ എന്നീ സ്റ്റേഷനുകളിൽ നിരവധി മോഷണക്കേസുകൾ നിലവിലുണ്ട്. ഗാന്ധിനഗർ എസ്.എച്ച്.ഒ കെ. ഷിജി , സി.പി.ഒമാരായ രാഗേഷ്, അഭിലാഷ്, അനീഷ് എന്നിവരും അന്വേഷണ സംഘത്തിൽ ഉണ്ടായിരുന്നു.