ആദിശേഖറിന്‍റെ കൊലപാതകം: പ്രതി റിമാൻഡിൽ; തെളിവെടുപ്പ് പൂർത്തിയായി

കാ​ട്ടാ​ക്ക​ട: പ​ത്താം ക്ലാ​സ് വി​ദ്യാ​ർ​ഥി ആ​ദി​ശേ​ഖ​ർ കൊ​ല്ല​പ്പെ​ട്ട കേ​സി​ല്‍ പ്ര​തി പ്രി​യ​ര​ഞ്ജ​നെ കോ​ട​തി റി​മാ​ൻ​ഡ് ചെ​യ്തു. ചൊ​വ്വാ​ഴ്ച രാ​വി​ലെ 10ന് ​പൂ​വ​ച്ച​ൽ പു​ളി​ങ്കോ​ടെ​ത്തി​ച്ച് തെ​ളി​വെ​ടു​പ്പ് പൂ​ര്‍ത്തി​യാ​ക്കി​യ​ശേ​ഷം വൈ​കീ​ട്ടാ​ണ് കാ​ട്ടാ​ക്ക​ട ജ്യു​ഡീ​ഷ്യ​ല്‍ ഒ​ന്നാം ക്ലാ​സ് കോ​ട​തി​യി​ല്‍ ഹാ​ജ​രാ​ക്കി​യ​ത്. ആ​സൂ​ത്രി​ത​മാ​യി ന​ട​ത്തി​യ കൊ​ല​പാ​ത​ക​മാ​ണെ​ന്ന വാ​ദം തെ​ളി​വെ​ടു​പ്പ് വേ​ള​യി​ൽ പ്രി​യ​ര​ഞ്ജ​ന്‍ നി​ഷേ​ധി​ച്ചു.

ഇ​ല​ക്​​ട്രി​ക് കാ​റി​ന്‍റെ ആ​ക്സി​ലേ​റ്റ​റി​ല്‍ കാ​ല്‍ അ​മ​ര്‍ന്ന് നി​യ​ന്ത്ര​ണം​തെ​റ്റി കു​ട്ടി​യെ ഇ​ടി​ക്കു​ക​യാ​യി​രു​ന്നെ​ന്നും കൊ​ല്ല​ണ​മെ​ന്ന് ഉ​ദ്ദേ​ശി​ച്ചി​രു​ന്നി​ല്ലെ​ന്നും അ​യാ​ൾ പ​റ​ഞ്ഞു. 30ന് ​വൈ​കീ​ട്ട് വീ​ടി​ന്​ സ​മീ​പ​ത്തെ റോ​ഡി​ല്‍ സൈ​ക്കി​ൾ സ​വാ​രി ന​ട​ത്തു​ക​യാ​യി​രു​ന്ന പ​ത്താം ക്ലാ​സ് വി​ദ്യാ​ർ​ഥി ആ​ദി​ശേ​ഖ​റി​നെ​യാ​ണ് (15) കാ​റി​ടി​ച്ച് കൊ​ല​പ്പെ​ടു​ത്തി​യ​ത്.

അ​പ​ക​ട​ശേ​ഷം ഒ​ളി​വി​ൽ​പോ​യ പ്ര​തി​യെ തി​ങ്ക​ളാ​ഴ്ച ത​മി​ഴ്നാ​ട് കു​ഴി​ത്തു​റ​യി​ൽ​നി​ന്നാ​ണ് പൊ​ലീ​സ് പി​ടി​കൂ​ടി​യ​ത്. തു​ട​ര്‍ന്ന് കാ​ട്ടാ​ക്ക​ട പൊ​ലീ​സ് സ്​​റ്റേ​ഷ​നി​ലെ​ത്തി​ച്ച് ചോ​ദ്യം​ചെ​യ്യ​ലി​നു​ശേ​ഷം ചൊ​വ്വാ​ഴ്ച രാ​വി​ലെ പൂ​വ​ച്ച​ല്‍ പു​ളി​ങ്കോ​ട് തെ​ളി​വെ​ടു​പ്പി​ന് എ​ത്തി​ക്കു​ക​യാ​യി​രു​ന്നു. ക​ന​ത്ത സു​ര​ക്ഷ പൊ​ലീ​സ് ഏ​ർ​പ്പെ​ടു​ത്തി​യി​രു​ന്നു. പ്ര​തി​യെ സ്ഥ​ല​ത്തെ​ത്തി​ച്ച് മി​നി​റ്റു​ക​ള്‍കൊ​ണ്ട് ന​ട​പ​ടി​ക്ര​മം പൂ​ർ​ത്തി​യാ​ക്കി പൊ​ലീ​സ് മ​ട​ങ്ങി.

പ്ര​തി മ​ദ്യ​പി​ച്ചി​രു​ന്നെ​ന്ന് സ​മ്മ​തി​ച്ച​താ​യും അ​ന്വേ​ഷ​ണ ഉ​ദ്യോ​ഗ​സ്ഥ​ർ പ​റ​യു​ന്നു. ചോ​ദ്യം​ചെ​യ്യ​ൽ പൂ​ർ​ത്തി​യാ​യി​ട്ടി​ല്ലെ​ന്നും കൂ​ടു​ത​ൽ അ​ന്വേ​ഷ​ണ​ത്തി​നാ​യി ക​സ്റ്റ​ഡി​യി​ൽ വാ​ങ്ങു​മെ​ന്നും പൊ​ലീ​സ് പ​റ​ഞ്ഞു. ക്ഷേ​ത്ര​ത്തി​ന് മു​ന്നി​ൽ സൈ​ക്കി​ൾ ച​വി​ട്ടു​ക​യാ​യി​രു​ന്ന കു​ട്ടി​യെ മു​ൻ വൈ​രാ​ഗ്യ​ത്താ​ൽ പ്രി​യ​ര​ഞ്ജ​ൻ കാ​റി​ടി​ച്ച് കൊ​ല​പ്പെ​ടു​ത്തു​ക​യി​രു​ന്നെ​ന്നാ​ണ് കേ​സ്. അ​ല​ക്ഷ്യ​മാ​യി വാ​ഹ​നം ഓ​ടി​ച്ചു​ണ്ടാ​ക്കി​യ അ​പ​ക​ട​മെ​ന്ന നി​ല​യി​ലാ​ണ് ആ​ദ്യം പൊ​ലീ​സ് കേ​സ് ര​ജി​സ്റ്റ​ർ ചെ​യ്ത​ത്. എ​ന്നാ​ൽ, സി.​സി.​ടി.​വി ദൃ​ശ്യം പു​റ​ത്തു​വ​ന്ന​തോ​ടെ​യാ​ണ് കേ​സി​ന്‍റെ ഗ​തി​മാ​റി​യ​ത്.

ഡ്രൈ​വി​ങ് ലൈ​സ​ൻ​സ് റ​ദ്ദാ​ക്കും

കാ​ട്ടാ​ക്ക​ട: പ്രി​യ​ര​ഞ്ജ​ന്‍റെ ഡ്രൈ​വി​ങ് ലൈ​സ​ൻ​സ് റ​ദ്ദാ​ക്കു​ന്ന ന​ട​പ​ടി​ക​ൾ ഉ​ണ്ടാ​കു​മെ​ന്ന് മോ​ട്ടോ​ര്‍ വാ​ഹ​ന വ​കു​പ്പ് അ​ധി​കൃ​ത​ര്‍ പ​റ​ഞ്ഞു. ക​സ്റ്റ​ഡി​യി​ലെ​ടു​ത്ത് കാ​ട്ടാ​ക്ക​ട പൊ​ലീ​സ് സ്​​റ്റേ​ഷ​നി​ല്‍ സൂ​ക്ഷി​ച്ചി​ട്ടു​ള്ള ഇ​ല​ക്​​ട്രി​ക് കാ​ർ മോ​ട്ടോ​ര്‍ വാ​ഹ​ന വ​കു​പ്പ് ഉ​ദ്യോ​ഗ​സ്ഥ​ര്‍ പ​രി​ശോ​ധി​ച്ചു. സ​യ​ന്‍റി​ഫി​ക് ഓ​ഫി​സ​ര്‍ അ​ന്‍സി​യു​ടെ നേ​തൃ​ത്വ​ത്തി​ലു​ള്ള ഫോ​റ​ന്‍സി​ക് വി​ഭാ​ഗം ഉ​ദ്യോ​ഗ​സ്ഥ​രും കാ​റി​ൽ വി​ശ​ദ​മാ​യ പ​രി​ശോ​ധ ന​ട​ത്തി. ആ​ദി​ശേ​ഖ​റി​ന്‍റെ സൈ​ക്കി​ളും ഫോ​റ​ന്‍സി​ക് വി​ഭാ​ഗം ഉ​ദ്യോ​ഗ​സ്ഥ​ര്‍ പ​രി​ശോ​ധി​ച്ചു.

പ്രതിയുടെ ബന്ധുക്കൾ അപവാദ പ്രചാരണം നടത്തുന്നെന്ന് പരാതി

കാ​ട്ടാ​ക്ക​ട: 15കാ​ര​നെ ദാ​രു​ണ​മാ​യി കൊ​ല​പ്പെ​ടു​ത്തി​യ പ്ര​തി പ്രി​യ​ര​ഞ്ജ​ന്‍റെ ബ​ന്ധു​ക്ക​ൾ സാ​മൂ​ഹി​ക മാ​ധ്യ​മ​ങ്ങ​ൾ വ​ഴി അ​പ​വാ​ദ പ്ര​ചാ​ര​ണം ന​ട​ത്തി ആ​ദി​ശേ​ഖ​റി​ന്‍റെ ബ​ന്ധു​ക്ക​ളെ ത​ള​ര്‍ത്തു​ന്ന​താ​യി പ​രാ​തി. ഇ​തി​നെ​തി​രെ ന​ട​പ​ടി എ​ടു​ക്ക​ണ​മെ​ന്നാ​വ​ശ്യ​പ്പെ​ട്ട് ആ​ദി​ശേ​ഖ​റി​ന്‍റെ പി​താ​വ് അ​രു​ൺ​കു​മാ​ർ കാ​ട്ടാ​ക്ക​ട പൊ​ലീ​സി​ൽ പ​രാ​തി ന​ൽ​കി. മ​ക​ന്‍ ന​ഷ്ട​പ്പെ​ട്ട വേ​ദ​ന​യി​ല്‍ ക​ണ്ണീ​രു​ണ​ങ്ങാ​തെ മാ​താ​പി​ക്കാ​ളും ബ​ന്ധു​ക്ക​ളും ക​ഴി​യു​മ്പോ​ഴാ​ണ് പ്ര​തി പ്രി​യ​ര​ഞ്ജ​ന്‍റെ ബ​ന്ധു​ക്ക​ൾ സാ​മൂ​ഹി​ക മാ​ധ്യ​മ​ങ്ങ​ൾ വ​ഴി അ​പ​വാ​ദ പ്ര​ചാ​ര​ണം ന​ട​ത്തു​ന്ന​ത്. ഇ​തി​ന് പി​ന്നി​ൽ പ്ര​തി​യു​ടെ ഭാ​ര്യ​യാ​ണെ​ന്നും പ​രാ​തി​യി​ൽ പ​റ​യു​ന്നു.