'ഞാൻ നാലുപേരെ വെടിവെച്ച് കൊന്നു, ടി.വി തുറന്ന് ബ്രേക്കിങ് ന്യൂസ് കാണൂ'; ട്രെയിനിലെ കൂട്ടക്കൊലക്ക് ശേഷം ചേതൻ സിങ് അമ്മാവനെ വിളിച്ചു പറഞ്ഞു

മുംബൈ: ജ​യ്പു​ർ-​മും​ബൈ സെ​ൻ​ട്ര​ൽ എ​ക്​​സ്​​പ്ര​സ്​ ട്രെ​യി​നി​ൽ റെ​യി​ൽ​വേ സു​ര​ക്ഷ സേ​ന (ആ​ർ.​പി.​എ​ഫ്) കോ​ൺ​സ്റ്റ​ബി​ൾ ചേ​ത​ൻ സി​ങ്​ ചൗ​ധ​രി നാലുപേരെ നിഷ്കരുണം വെടിവെച്ച് കൊന്നതിന് പിന്നാലെ വിളിച്ചത് തന്‍റെ അമ്മാവനെ. താൻ സീനിയർ ഓഫിസർ ഉൾപ്പെടെ നാല് പേരെ വെടിവെച്ച് കൊന്ന വിവരം അമ്മാവനായ സോളങ്കിയോട് പറഞ്ഞു. അദ്ദേഹം വിശ്വസിച്ചില്ല. ടി.വി തുറന്ന് ബ്രേക്കിങ് ന്യൂസ് കാണൂവെന്നായിരുന്നു ചേതൻ സിങ്ങിന്‍റെ മറുപടി. സ​ർ​ക്കാ​ർ റെ​യി​ൽ​വേ പൊ​ലീ​സ്​ (ജി.​ആ​ർ.​പി) കോടതിയിൽ സമർപ്പിച്ച കുറ്റപത്രത്തിലാണ് ഇക്കാര്യം പറയുന്നത്. വെ​ള്ളി​യാ​ഴ്ച​യാ​ണ്​ ബോ​രി​വ​ലി മ​ജി​സ്​​ട്രേ​റ്റ്​ കോ​ട​തി​യി​ൽ ആ​യി​ര​ത്തി​ലേ​റെ പേ​ജു​ക​ളു​ള്ള കു​റ്റ​പ​ത്രം സ​മ​ർ​പ്പി​ച്ച​ത്.

ചേ​ത​ൻ സി​ങ്​ ചൗ​ധ​രി മു​സ്​​ലിം​ക​ളെ തി​ര​ഞ്ഞു​പി​ടി​ച്ച്​ വെ​ടി​വെ​ച്ചു​കൊ​ല്ലു​ക​യാ​യി​രു​ന്നു​വെ​ന്നും​ കു​റ്റ​പ​ത്രത്തിൽ വ്യക്തമാക്കുന്നു. പ്ര​തി​ക്ക്​ മാ​ന​സി​ക പ്ര​ശ്ന​ങ്ങ​ളി​ല്ലെ​ന്നും സു​ബോ​ധ​ത്തോ​ടെ​യാ​ണ്​ കു​റ്റ​കൃ​ത്യം ചെ​യ്ത​തെ​ന്നും കു​റ്റ​പ​ത്രം പറയുന്നു.

ജൂ​ലൈ 31നാ​ണ്​ മേ​ലു​ദ്യോ​ഗ​സ്ഥ​നെ​യും മൂ​ന്ന്​ യാ​ത്ര​ക്കാ​രെ​യും ചേ​ത​ൻ സി​ങ്​ ചൗ​ധ​രി വെ​ടി​വെ​ച്ചു​കൊ​ന്ന​ത്. എ.​എ​സ്.​ഐ ടി​കാ​റാം മീ​ണ​യെ​യാ​ണ്​ ആ​ദ്യം വെ​ടി​വെ​ച്ച​ത്. ഡ്യൂ​ട്ടി തീ​രും മു​​മ്പെ വ​ൽ​സാ​ഡ്​ റെ​യി​ൽ​വേ സ്​​റ്റേ​ഷ​നി​ൽ ഇ​റ​ങ്ങാ​ൻ ചൗ​ധ​രി​യെ മീ​ണ അ​നു​വ​ദി​ച്ചി​രു​ന്നി​ല്ല. ഇ​തേ​ച്ചൊ​ല്ലി​യു​ള്ള ത​ർ​ക്ക​ത്തെ തു​ട​ർ​ന്നാ​ണ്​ കൊ​ല​പാ​ത​ക​ങ്ങ​ളെ​ന്ന്​ കു​റ്റ​പ​ത്രം പ​റ​യു​ന്നു. ആ​ദ്യം മീ​ണ​യെ​യാ​ണ്​ വെ​ടി​വെ​ച്ച​ത്. പി​ന്നീ​ട്​ മ​റ്റ്​ ബോ​ഗി​ക​ളി​ൽ ചെ​ന്ന്​ മൂ​ന്നു​പേ​രെ തി​രി​ഞ്ഞു​പി​ടി​ച്ച്​ വെ​ടി​വെ​ക്കു​ക​യാ​യി​രു​ന്നു.

അ​ബ്​​ദു​ൽ കാ​ദ​ർ മു​ഹ​മ്മ​ദ്​ ഹു​സൈ​ൻ ഭാ​ൻ​പു​ർ​വാ​ല, സ​യ്യ​ദ്​ സെ​യ്​​ഫു​ദ്ദീ​ൻ, അ​സ്​​ഗ​ർ അ​ബ്ബാ​സ്​ ശൈ​ഖ്​ എ​ന്നി​വ​രാ​ണ്​ കൊ​ല്ല​പ്പെ​ട്ട​ത്. തോ​ക്കി​ൻ​മു​ന​യി​ൽ ബു​ർ​ഖ​ധാ​രി​യാ​യ സ്ത്രീ​യെ​ക്കൊ​ണ്ട്​ ‘ജ​യ് മാ​താ​ദി’ വി​ളി​പ്പി​ക്കു​ക​യും ചെ​യ്തു. അ​സ്​​ഗ​ർ അ​ബ്ബാ​സി​ന്റെ മൃ​ത​ദേ​ഹ​ത്തി​ന​രി​കെ​നി​ന്ന്, ഇ​ന്ത്യ​യി​ൽ ക​ഴി​യ​ണ​മെ​ങ്കി​ൽ മോ​ദി​ക്കും യോ​ഗി​ക്കും വോ​ട്ട്​ ചെ​യ്യ​ണ​മെ​ന്ന്​ ചൗ​ധ​രി പ​റ​യു​ന്ന വി​ഡി​യോ​യും കു​റ്റ​പ​ത്ര​ത്തി​ന്റെ ഭാ​ഗ​മാ​ണ്. യാ​ത്ര​ക്കാ​ര​നാ​ണ്​ സം​ഭ​വം വി​ഡി​യോ​യി​ൽ പ​ക​ർ​ത്തി​യ​ത്.

ട്രെ​യി​നി​ലെ മൂ​ന്ന്​ സി.​സി.​ടി.​വി ദൃ​ശ്യ​ങ്ങ​ളും സ​മ​ർ​പ്പി​ച്ചി​ട്ടു​ണ്ട്. 150ഓ​ളം സാ​ക്ഷി​ക​ളാ​ണു​ള്ള​ത്. ഇ​വ​രി​ൽ മൂ​ന്ന്​ പേ​ർ മ​ജി​സ്​​ട്രേ​റ്റ്​​ മു​മ്പാ​കെ​യാ​ണ്​ മൊ​ഴി​ന​ൽ​കി​യ​ത്.

കൊ​ല​പാ​ത​കം, കൊ​ല​പാ​ത​ക​ത്തി​നാ​യി ത​ട്ടി​ക്കൊ​ണ്ടു​പോ​ക​ൽ, വ​ധ​ഭീ​ഷ​ണി, ഇ​രു​വി​ഭാ​ഗ​ങ്ങ​ൾ​ക്കി​ട​യി​ൽ ശ​ത്രു​ത​യു​ണ്ടാ​ക്ക​ൽ, യൂ​നി​ഫോ​മി​ലി​രി​ക്കെ ഔ​ദ്യോ​ഗി​ക ആ​വ​ശ്യ​ത്തി​ന്​ ന​ൽ​കി​യ ആ​യു​ധം ദു​രു​പ​യോ​ഗം ചെ​യ്യ​ൽ തു​ട​ങ്ങി​യ കു​റ്റ​ങ്ങ​ളാ​ണ്​ ഐ.​പി.​സി, ആ​യു​ധ നി​യ​മ​ങ്ങ​ൾ പ്ര​കാ​രം ചു​മ​ത്തി​യ​ത്.

സു​ര​ക്ഷ കാ​ര​ണ​ങ്ങ​ൾ ചൂ​ണ്ടി​ക്കാ​ട്ടി അ​കോ​ല ജ​യി​ലി​ൽ ക​ഴി​യു​ന്ന പ്ര​തി​യെ കോ​ട​തി​യി​ൽ ഹാ​ജ​രാ​ക്കി​യി​ല്ല. പ്ര​തി​യെ വി​ഡി​യോ​കോ​ൺ​ഫറ​ൻ​സ്​ വ​ഴി ഹാ​ജ​രാ​ക്കാ​ൻ അ​നു​വ​ദി​ക്ക​ണ​മെ​ന്ന ജി.​ആ​ർ.​പി​യു​ടെ ആ​വ​ശ്യം പ്ര​തി​ഭാ​ഗം കോ​ട​തി​യി​ൽ എ​തി​ർ​ത്തു. അ​ടു​ത്ത ര​ണ്ടി​നാ​ണ്​ തു​ട​ർ ന​ട​പ​ടി​ക​ൾ.