അറുപതുകാരനുനേരെ ആക്രമണം: യുവാവ് അറസ്റ്റിൽ

വൈക്കം: അറുപതുകാരനെ ആക്രമിച്ച കേസിൽ യുവാവ് അറസ്റ്റിൽ. ഉദയനാപുരം നാനാടം കൊല്ലേരി ഭാഗത്ത് വെട്ടുവഴി വീട്ടിൽ കണ്ണനെയാണ് (കുയിൽ -32) വൈക്കം പൊലീസ് അറസ്റ്റ് ചെയ്തത്. കഴിഞ്ഞ 12ന് നാനാടം കൊല്ലേരിമുക്ക് ഭാഗത്തുവെച്ചാണ് ആക്രമിച്ചത്.

ഇരുവരും തമ്മിൽ വീട് വാടകക്ക് എടുത്തുനൽകുന്നതിനെ ചൊല്ലി പ്രശ്നങ്ങൾ നിലനിന്നിരുന്നു. എസ്.ഐ അജ്മൽ ഹുസൈൻ, സി.പി.ഒമാരായ സാബു, ശിവദാസ പണിക്കർ, അജേന്ദ്രൻ എന്നിവർ ചേർന്നാണ് പിടികൂടിയത്.