മ​ധ്യ​വ​യ​സ്ക​നെ കൊ​ല​പ്പെ​ടു​ത്താ​ൻ ശ്ര​മം; പി​താ​വും മ​ക്ക​ളു​മ​ട​ക്കം നാ​ലു​പേ​ർ അ​റ​സ്റ്റി​ൽ

മ​ണ​ർ​കാ​ട്: മ​ധ്യ​വ​യ​സ്ക​നെ ആ​ക്ര​മി​ച്ച് കൊ​ല​പ്പെ​ടു​ത്താ​ൻ ശ്ര​മി​ച്ച കേ​സി​ൽ പി​താ​വും മ​ക്ക​ളു​മ​ട​ക്കം നാ​ലു​പേ​രെ അ​റ​സ്റ്റ് ചെ​യ്തു. വി​ജ​യ​പു​രം മോ​സ്കോ കൊ​ല്ലാ​ർ​കു​ഴി​യി​ൽ വീ​ട്ടി​ൽ കെ.​എം. ബാ​ല​ൻ (59), മ​ക്ക​ളാ​യ അ​ർ​ജു​ൻ കെ. ​ബാ​ല​ൻ (21), അ​രു​ൺ കെ. ​ബാ​ല​ൻ (28), അ​യ​ർ​ക്കു​ന്നം തി​രു​വ​ഞ്ചൂ​ർ മ​ണി​യാ​റ്റു​ങ്ക​ൽ വീ​ട്ടി​ൽ അ​ന​ന്തു മ​ധു (25) എ​ന്നി​വ​രെ​യാ​ണ് മ​ണ​ർ​കാ​ട് പൊ​ലീ​സ് അ​റ​സ്റ്റ് ചെ​യ്ത​ത്.

വി​ജ​യ​പു​രം സ്വ​ദേ​ശി​യാ​യ മ​ധ്യ​വ​യ​സ്ക​ന്റെ മോ​സ്കോ​യി​ലു​ള്ള ആ​ൾ​താ​മ​സ​മി​ല്ലാ​തി​രു​ന്ന വീ​ടി​ന്റെ വ​രാ​ന്ത​യി​ലി​രു​ന്ന് അ​ർ​ജു​നും അ​രു​ണും അ​ന​ന്തു മ​ധു​വും സു​ഹൃ​ത്തു​ക്ക​ളും മ​ദ്യ​പി​ക്കു​ന്ന​ത് ചോ​ദ്യം​ചെ​യ്ത​തി​നെ തു​ട​ർ​ന്ന്​ ഇ​വ​ർ ചീ​ത്ത​വി​ളി​ക്കു​ക​യും മ​ർ​ദി​ക്കു​ക​യു​മാ​യി​രു​ന്നു. ബ​ഹ​ളം​കേ​ട്ട് ഇ​വി​ടെ​യെ​ത്തി​യ ബാ​ല​ൻ ക​മ്പി​വ​ടി​കൊ​ണ്ട് മ​ധ്യ​വ​യ​സ്ക​ന്റെ ത​ല​ക്ക​ടി​ക്കു​ക​യും ചെ​യ്​​തു. മ​ധ്യ​വ​യ​സ്ക​നെ മ​ർ​ദി​ക്കു​ന്ന​ത് ത​ട​യാ​ൻ ശ്ര​മി​ച്ച സ​ഹോ​ദ​ര​നെ​യും ഇ​വ​ർ ആ​ക്ര​മി​ച്ചു. പ​രാ​തി​യെ തു​ട​ർ​ന്ന് മ​ണ​ർ​കാ​ട് പൊ​ലീ​സ് കേ​സെ​ടു​ത്ത്​ നാ​ലു​പേ​രെ​യും പി​ടി​കൂ​ടു​ക​യാ​യി​രു​ന്നു.

അ​ന​ന്തു മ​ധു അ​യ​ർ​ക്കു​ന്നം സ്റ്റേ​ഷ​നി​ലെ ആ​ന്റി സോ​ഷ്യ​ൽ ലി​സ്റ്റി​ൽ ഉ​ൾ​പ്പെ​ട്ട​യാ​ളാ​ണ്. കോ​ട​തി​യി​ൽ ഹാ​ജ​രാ​ക്കി​യ നാ​ലു​പേ​രെ​യും റി​മാ​ൻ​ഡ് ചെ​യ്തു.