വീടിന് തീയിട്ട് ഭാര്യയെയും ഭാര്യാമാതാവിനെയും കൊലപ്പെടുത്താൻ ശ്രമം

മങ്കര (പാലക്കാട്): മങ്കര പുള്ളോടിൽ ഡീസലൊഴിച്ച് വീടിന് തീയിട്ട് ഭാര്യയെയും മകനെയും ഭാര്യാമാതാവിനെയും കൊലപ്പെടുത്താൻ ശ്രമം. കൊടുമ്പ് സ്വദേശി ഫാറൂഖാണ് (45) ഭാര്യ നൂർജഹാൻ, മകൻ സൽമാൻ ഫാരിസ്, നൂർജഹാന്റെ മാതാവ് മറിയ എന്നിവരെ കൊലപ്പെടുത്താൻ ശ്രമിച്ചത്.

തുടർന്ന് ഇയാൾ ഞരമ്പ് മുറിച്ച് ആത്മഹത്യക്ക് ശ്രമിച്ചു. തിങ്കളാഴ്ച പുലർച്ചയോടെയായിരുന്നു സംഭവം. ഫാറൂഖിന്റെയും നൂർജഹാന്റെയും രണ്ടാം വിവാഹമാണ്. ഇരുവരും അകന്ന് കഴിയുകയാണ്.

നൂർജഹാനും മകൻ സൽമാൻ ഫാരിസും താമസിക്കുന്ന മറിയയുടെ വീട്ടിലെത്തിയ ഫാറൂഖ് തിങ്കളാഴ്ച ഡീസലൊഴിച്ച് വീട് കത്തിക്കുകയായിരുന്നു.