ആംബുലൻസിൽ യുവതികളെ പീഡിപ്പിക്കാൻ ശ്രമം; യുവാവ്​ അറസ്റ്റിൽ

ചെ​റു​തോ​ണി: ക​രി​മ്പ​ന് സ​മീ​പം ആം​ബു​ല​ൻ​സി​ൽ യു​വ​തി​ക​ളെ പീ​ഡി​പ്പി​ക്കാ​ൻ ശ്ര​മി​ച്ച​യാ​ളെ അ​റ​സ്റ്റ് ചെ​യ്തു. ചെ​റു​തോ​ണി സ്വ​ദേ​ശി ക​ദ​ളി​ക്കു​ന്നേ​ൽ കു​ട്ട​പ്പ​ൻ എ​ന്ന ലി​സ​നാ​ണ്​ (40) അ​റ​സ്റ്റി​ലാ​യ​ത്. യു​വ​തി​ക​ളു​ടെ മൊ​ഴി​യു​ടെ അ​ടി​സ്ഥാ​ന​ത്തി​ൽ അ​റ​സ്റ്റ് ചെ​യ്ത പ്ര​തി​യെ പീ​രു​മേ​ട് കോ​ട​തി​യി​ൽ ഹാ​ജ​രാ​ക്കും. ലാ​ബി​ലെ ആം​ബു​ല​ൻ​സ് ഡ്രൈ​വ​റാ​ണ് ലി​സ​ൺ. ഇ​തേ ലാ​ബി​ലെ ജീ​വ​ന​ക്കാ​രാ​ണ് പ​രാ​തി​ക്കാ​രാ​യ യു​വ​തി​ക​ളും. സം​ഭ​വ​വു​മാ​യി ബ​ന്ധ​പ്പെ​ട്ട് പൊ​ലീ​സ്​ പ​റ​യു​ന്ന​ത് ഇ​ങ്ങ​നെ: ലാ​ബ് ജീ​വ​ന​ക്കാ​രു​ടെ ക്രി​സ്​​മ​സ് ആ​ഘോ​ഷ​ത്തി​നു​ശേ​ഷം വീ​ട്ടി​ൽ കൊ​ണ്ടു​ചെ​ന്നാ​ക്കു​ന്ന​തി​നാ​ണ് ലാ​ബി​ന്റെ ആം​ബു​ല​ൻ​സി​ൽ ലി​സ​ണോ​ടൊ​പ്പം യു​വ​തി​ക​ളെ വി​ടു​ന്ന​ത്. മ​ദ്യ​പി​ച്ചി​രു​ന്ന ലി​സ​ൺ ത​ടി​യ​മ്പാ​ടി​ന് സ​മീ​പ​ത്തു​വെ​ച്ച് പി​ന്നി​ലി​രു​ന്ന യു​വ​തി​യെ ക​ട​ന്നു​പി​ടി​ക്കാ​ൻ ശ്ര​മി​ച്ചു. ഇ​തോ​ടെ ബ​ഹ​ളം​വെ​ച്ച യു​വ​തി വാ​ഹ​നം നി​ർ​ത്തി​ച്ച് ഇ​റ​ങ്ങി​യോ​ടി. പി​ന്നാ​ലെ​യെ​ത്തി​യ ലി​സ​ൺ യു​വ​തി​യെ അ​നു​ന​യി​പ്പി​ച്ച് വാ​ഹ​ന​ത്തി​ൽ തി​രി​കെ​യെ​ത്തി​ച്ച് യാ​ത്ര തു​ട​ർ​ന്നു. ഇ​തി​നു​ശേ​ഷം ക​രി​മ്പ​ന് സ​മീ​പ​ത്ത് ആ​ളൊ​ഴി​ഞ്ഞ വ​ന​പ്ര​ദേ​ശ​ത്ത് വാ​ഹ​നം നി​ർ​ത്തി വാ​ഹ​ന​ത്തി​ന്റെ പി​ന്നി​ൽ ക​യ​റി​യും യു​വ​തി​ക​ളെ ആ​ക്ര​മി​ക്കാ​ൻ ശ്ര​മി​ച്ചു. യു​വ​തി​ക​ൾ ബ​ഹ​ളം കൂ​ട്ടി​യ​തോ​ടെ ഇ​യാ​ൾ വീ​ണ്ടും വാ​ഹ​നം മു​ന്നോ​ട്ട് കൊ​ണ്ടു​പോ​വു​ക​യാ​യി​രു​ന്നു.

ഇ​ടു​ക്കി പൊ​ലീ​സ് ആ​ശു​പ​ത്രി​യി​ലെ​ത്തി യു​വ​തി​ക​ളു​ടെ മൊ​ഴി രേ​ഖ​പ്പെ​ടു​ത്തി. തു​ട​ർ​ന്ന് പ്ര​തി​യു​ടെ വീ​ട്ടി​ലെ​ത്തി ക​സ്റ്റ​ഡി​യി​ൽ എ​ടു​ക്കു​ക​യാ​യി​രു​ന്നു. സി.​ഐ ബി. ​ജ​യ​നൊ​പ്പം മു​ഹ​മ്മ​ദാ​ലി, എ​സ്.​സി.​പി.​ഒ​മാ​രാ​യ ന​ജീ​ബ്, ജീ​ൻ, സ്റ്റാ​ൻ​ലി എ​ന്നി​വ​ർ ചേ​ർ​ന്നാ​ണ് പ്ര​തി​യെ പി​ടി​കൂ​ടി​യ​ത്.