മുക്കുപണ്ടം പണയംവെച്ച് പണം തട്ടിയ ബാങ്ക്​ ജീവനക്കാരൻ അറസ്റ്റിൽ

കാ​ഞ്ഞി​ര​പ്പ​ള്ളി: മു​ക്കു​പ​ണ്ടം പ​ണ​യം​വെ​ച്ച് പ​ണം​ത​ട്ടി​യ കേ​സി​ൽ ബാ​ങ്ക് ജീ​വ​ന​ക്കാ​ര​നെ പൊ​ലീ​സ് അ​റ​സ്റ്റ് ചെ​യ്തു. മു​ണ്ട​ക്ക​യം ച​ര​ലേ​യി​ൽ വീ​ട്ടി​ൽ ശ്രീ​കാ​ന്ത് ഉ​ത്ത​മ​നെ​യാ​ണ്​ (38) കാ​ഞ്ഞി​ര​പ്പ​ള്ളി പൊ​ലീ​സ് അ​റ​സ്റ്റ് ചെ​യ്ത​ത്. കാ​ഞ്ഞി​ര​പ്പ​ള്ളി​യി​ലെ യൂ​നി​യ​ൻ ബാ​ങ്കി​ൽ ഗോ​ൾ​ഡ് അ​പ്രൈ​സ​റാ​യി ജോ​ലി ചെ​യ്തു​വ​രു​ക​യാ​യി​രു​ന്നു ശ്രീ​കാ​ന്ത്. ബാ​ങ്കി​ലെ ഉ​പ​ഭോ​ക്താ​ക്ക​ളു​ടെ പേ​രി​ൽ മു​ക്കു​പ​ണ്ടം പ​ണ​യം​വെ​ച്ച് 31 ല​ക്ഷ​ത്തോ​ളം രൂ​പ ത​ട്ടി​യെ​ടു​ക്കു​ക​യാ​യി​രു​ന്നു. ബാ​ങ്കി​ന്‍റെ റീ​ജ​ന​ല്‍ ഓ​ഫി​സി​ൽ നി​ന്ന് മാ​നേ​ജും മ​റ്റൊ​രു അ​പ്രൈ​സ​റു​മെ​ത്തി ബാ​ങ്കി​ലെ സ്വ​ര്‍ണം പ​രി​ശോ​ധി​ച്ച​പ്പോ​ഴാ​ണ് മു​ക്കു​പ​ണ്ടം ക​ണ്ടെ​ത്തി​യ​ത്. തു​ട​ർ​ന്ന് ഇ​വ​ർ കാ​ഞ്ഞി​ര​പ്പ​ള്ളി സ്റ്റേ​ഷ​നി​ൽ പ​രാ​തി ന​ൽ​കു​ക​യും അ​ന്വേ​ഷ​ണ​സം​ഘം ഇ​യാ​ളെ പി​ടി​കൂ​ടു​ക​യു​മാ​യി​രു​ന്നു. അ​ന്വേ​ഷ​ണ​ത്തി​ല്‍ ഇ​യാ​ള്‍ പ​ണം ചീ​ട്ടു​ക​ളി​ക്ക്​ ചെ​ല​വാ​ക്കി​യി​രു​ന്ന​താ​യി ക​ണ്ടെ​ത്തി.

കാ​ഞ്ഞി​ര​പ്പ​ള്ളി എ​സ്.​എ​ച്ച്.​ഒ ഷി​ന്‍റോ പി. ​കു​ര്യ​ൻ, എ​സ്.​ഐ പ്ര​തീ​പ്, സി.​പി.​ഒ അ​രു​ൺ എ​ന്നി​വ​രും അ​ന്വേ​ഷ​ണ​സം​ഘ​ത്തി​ല്‍ ഉ​ണ്ടാ​യി​രു​ന്നു. പ്ര​തി​യെ റി​മാ​ൻ​ഡ് ചെ​യ്തു.