വാഹനങ്ങളിൽനിന്ന് ബാറ്ററി മോഷ്ടിച്ചയാൾ പിടിയിൽ
text_fieldsഇരവിപുരം: വാഹനങ്ങളിൽ നിന്ന് ബാറ്ററികൾ മോഷ്ടിക്കുന്ന യുവാവിനെ പൊലീസ് പിടികൂടി. ഇരവിപുരം വാളത്തുംഗൽ ചേതനനഗർ ഉണ്ണി നിവാസിൽ ഉണ്ണി (29) ആണ് പിടിയിലായത്. കഴിഞ്ഞ ദിവസം വൈകീട്ട് വാളത്തുംഗലിൽ പാർക്ക് ചെയ്തിരുന്ന ഷാജി എന്നയാളുടെ ഓട്ടോയിൽ നിന്ന് ബാറ്ററി നഷ്ടപ്പെട്ടതിനെ തുടർന്ന് പൊലീസിൽ അറിയിച്ചിരുന്നു. അന്വേഷണത്തിൽ മറ്റ് വാഹനങ്ങളിൽ നിന്നും ബാറ്ററികൾ നഷ്ടപ്പെട്ടതായും വിവരം ലഭിച്ചു.
പരിസരത്തുള്ള സി.സി.ടി.വി ദൃശ്യങ്ങൾ പരിശോധിച്ചതിൽ മോഷ്ടാവിനെ തിരിച്ചറിയുകയായിരുന്നു. തുടർന്ന് െപാലീസ് ഇയാളെ തട്ടാമല നിന്ന് പിടികൂടി. മോഷ്ടിക്കുന്ന ബാറ്ററികൾ ആക്രിക്കടകളിൽ വിൽക്കുകയാണ് പതിവെന്ന് ഇയാൾ സമ്മതിച്ചതായി പൊലീസ് പറഞ്ഞു. ആശ്രാമത്തുള്ള ആക്രിക്കടയിൽ നിന്ന് മോഷണം പോയ ബാറ്ററികൾ കണ്ടെടുത്തു. ഇരവിപുരം ഇൻസ്പെക്ടർ വി.വി. അനിൽകുമാറിന്റെ നേതൃത്വത്തിൽ എസ്.ഐമാരായ അരുൺഷാ, ജെ. ജയേഷ്, ഷാജി, സി.പി.ഒമാരായ സുമേഷ് ബേബി, വിനു വിജയ് എന്നിവരടങ്ങിയ സംഘമാണ് പ്രതിയെ പിടികൂടിയത്. ഇയാളെ റിമാൻഡ് ചെയ്തു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.