10 കിലോ കഞ്ചാവുമായി ബംഗാളി യുവാവ് അറസ്റ്റിൽ

പെ​രി​ന്ത​ൽ​മ​ണ്ണ:10 കി​ലോ ക​ഞ്ചാ​വും ല​ക്ഷ​ത്തി​ല​ധി​കം രൂ​പ​യു​മാ​യി പ​ശ്ചി​മ ബം​ഗാ​ൾ സ്വ​ദേ​ശി​യെ പെ​രി​ന്ത​ൽ​മ​ണ്ണ എ​ക്സൈ​സ് സം​ഘം അ​റ​സ്റ്റ് ചെ​യ്തു.

പെ​രി​ന്ത​ൽ​മ​ണ്ണ എ​ക്സൈ​സ് റേ​ഞ്ച് പാ​ർ​ട്ടി​യും മ​ല​പ്പു​റം എ​ക്സൈ​സ് ഇ​ന്റ​ലി​ജ​ൻ​സ് സം​ഘ​വും സം​യു​ക്ത​മാ​യി ന​ട​ത്തി​യ പ​രി​ശോ​ധ​ന​യി​ലാ​ണ് പു​ലാ​മ​ന്തോ​ൾ വി​ല്ലേ​ജ് ചെ​മ്മ​ല​ശ്ശേ​രി ര​ണ്ടാം മൈ​ലി​ൽ​നി​ന്ന് വെ​സ്റ്റ് ബം​ഗാ​ൾ മു​ർ​ഷി​ദാ​ബാ​ദ് ജി​ല്ല​യി​ൽ ഗോ​ൽ​ജാ​ർ ബാ​ഗ് വി​ല്ലേ​ജി​ൽ ജി​യാ​ഗ​ഞ്ച് പൊ​ലീ​സ് സ്റ്റേ​ഷ​ൻ പ​രി​ധി​യി​ൽ ദേ​ബ് കു​മാ​ർ ബി​ശ്വാ​സ് (32) പി​ടി​യി​ലാ​യ​ത്.

ഇ​യാ​ളു​ടെ ഷോ​ൾ​ഡ​ർ ബാ​ഗി​ൽ സൂ​ക്ഷി​ച്ചി​രു​ന്ന 10 കി​ലോ ക​ഞ്ചാ​വും 1.01 ല​ക്ഷം രൂ​പ​യും ക​ണ്ടെ​ടു​ത്തു. ട്രെ​യി​ൻ മാ​ർ​ഗ​മാ​ണ് ഇ​യാ​ൾ ക​ഞ്ചാ​വ് എ​ത്തി​ച്ച​ത്. ക​ഞ്ചാ​വ് ഉ​പ​യോ​ഗി​ക്കു​ന്ന ര​ണ്ടു യു​വാ​ക്ക​ളെ ര​ണ്ടു​ദി​വ​സം മു​മ്പ് പി​ടി​കൂ​ടി​യി​രു​ന്നു. തു​ട​ർ​ന്ന് ആ​സൂ​ത്രി​ത​മാ​യി ന​ട​ത്തി​യ നീ​ക്ക​ത്തി​ലാ​ണ് മൊ​ത്ത വി​ൽ​പ​ന​ക്കാ​ര​ൻ പി​ടി​യി​ലാ​യ​ത്.

പെ​രി​ന്ത​ൽ​മ​ണ്ണ​യി​ലും പു​ലാ​മ​ന്തോ​ൾ ചെ​മ്മ​ല​ശ്ശേ​രി ഭാ​ഗ​ങ്ങ​ളി​ലും ഇതര​സം​സ്ഥാ​ന തൊ​ഴി​ലാ​ളി​ക​ൾ വ്യാ​പ​ക​മാ​യി ക​ഞ്ചാ​വ് വി​ൽ​പ​ന​യും ഉ​പ​യോ​ഗ​വും ന​ട​ത്തു​ന്നു​ണ്ടെ​ന്ന പ​രാ​തി​ക​ളു​ടെ അ​ടി​സ്ഥാ​ന​ത്തി​ൽ എ​ക്സൈ​സ് ഇ​ന്റ​ലി​ജ​ൻ​സ് വി​ഭാ​ഗ​വും പെ​രി​ന്ത​ൽ​മ​ണ്ണ എ​ക്സൈ​സ് സ്റ്റേ​ഷ​ൻ പാ​ർ​ട്ടി​യും ചേ​ർ​ന്നാ​ണ് പ​രി​ശോ​ധ​ന ന​ട​ത്തി​യ​ത്.

ഇ​ത​ര​സം​സ്ഥാ​ന തൊ​ഴി​ലാ​ളി​ക​ളെ നി​ര​ന്ത​രം നി​രീ​ക്ഷി​ച്ചു​വ​രു​ക​യും തു​ട​ർ​ന്ന് ന​ട​ത്തി​യ റെ​യ്ഡി​ലാ​ണ് ക​ഞ്ചാ​വ് ക​ണ്ടെ​ടു​ത്ത​ത്. തു​ട​ർ​ന്നും ല​ഹ​രി​ക്കെ​തി​രെ ശ​ക്ത​മാ​യ ന​ട​പ​ടി​ക​ൾ സ്വീ​ക​രി​ക്കു​മെ​ന്ന് പെ​രി​ന്ത​ൽ​മ​ണ്ണ റേ​ഞ്ച് ഇ​ൻ​സ്പെ​ക്ട​ർ അ​റി​യി​ച്ചു. പ്ര​തി​യെ കോ​ട​തി റി​മാ​ൻ​ഡ് ചെ​യ്തു. റേ​ഞ്ച് എ​ക്സൈ​സ് ഇ​ൻ​സ്പെ​ക്ട​ർ പി. ​യൂ​നു​സ്, എ.​ഇ.​ഐ പി. ​അ​ശോ​ക്, പ്രി​വ​ന്റീ​വ് ഓ​ഫി​സ​ർ സു​നി​ൽ​കു​മാ​ർ, ഡി. ​ഷി​ബു, പ്രി​വ​ന്റി​വ് ഓ​ഫി​സ​ർ സാ​യി റാം, സി​വി​ൽ എ​ക്സൈ​സ് ഓ​ഫി​സ​ർ​മാ​രാ​യ ഷം​സു​ദ്ദീ​ൻ, തേ​ജ​സ്, അ​ബ്ദു​ൽ ജ​ലീ​ൽ, പ്ര​സീ​ദ മോ​ൾ, എ​ക്സൈ​സ് ഇ​ൻ​സ്പെ​ക്ട​ർ ട്രെ​യി​നി പി. ​ആ​ർ. ജി​ഷ്ണു എ​ന്നി​വ​ർ പ​ങ്കെ​ടു​ത്തു.