ക​ഞ്ചാ​വ് കേ​സ്: പ്ര​തി​ക​ൾ​ക്ക് പ​ത്ത് വ​ർ​ഷം ക​ഠി​ന ത​ട​വും പി​ഴ​യും

മ​ഞ്ചേ​രി: 22.125 കി​ലോ​ഗ്രാം ക​ഞ്ചാ​വ് പി​ടി​കൂ​ടി​യ കേ​സി​ൽ പ്ര​തി​ക​ൾ​ക്ക് പ​ത്ത് വ​ർ​ഷം ക​ഠി​ന ത​ട​വും ല​ക്ഷം രൂ​പ പി​ഴ​യും വി​ധി​ച്ചു. ക​രു​വാ​ര​ക്കു​ണ്ട് മാ​മ്പ​റ്റ ത​രി​ശ് സ്വ​ദേ​ശി​ക​ളാ​യ പ​ടി​പ്പു​ര ഫാ​സി​ൽ (32), കു​റു​ക്ക​ൻ വീ​ട്ടി​ൽ റ​ഷാ​ദ് (29) എ​ന്നി​വ​രെ​യാ​ണ് മ​ഞ്ചേ​രി എ​ൻ.​ഡി.​പി.​എ​സ് സ്പെ​ഷ​ൽ കോ​ട​തി ജ​ഡ്ജി എം.​പി. ജ​യ​രാ​ജ് ശി​ക്ഷി​ച്ച​ത്. പി​ഴ​യ​ട​ച്ചി​ല്ലെ​ങ്കി​ല്‍ ആ​റ് മാ​സം അ​ധി​ക ത​ട​വും അ​നു​ഭ​വി​ക്ക​ണം.

ര​ഹ​സ്യ വി​വ​രം ല​ഭി​ച്ച​തി​ന്റെ അ​ടി​സ്ഥാ​ന​ത്തി​ല്‍ 2022 ഫെ​ബ്രു​വ​രി 16ന് ​രാ​ത്രി 10.35ന് ​മ​ല​പ്പു​റം-​പെ​രി​ന്ത​ൽ​മ​ണ്ണ റോ​ഡി​ൽ ക​ടു​ങ്ങൂ​ത്ത് നി​ന്ന് മ​ല​പ്പു​റം പൊ​ലീ​സ് എ​സ്.​ഐ അ​മീ​റ​ലി​യാ​ണ് ഇ​രു​വ​രെ​യും പി​ടി​കൂ​ടി​യ​ത്. കേ​സ​ന്വേ​ഷ​ണ​ത്തി​നി​ടെ അ​റ​സ്റ്റ് ചെ​യ്ത മൂ​ന്നാം പ്ര​തി ചെ​ർ​പ്പു​ള​ശ്ശേ​രി കു​റ്റാ​ന​ശ്ശേ​രി കാ​ര​യി​ൽ സു​മോ​ദി​നെ (30) കു​റ്റ​ക്കാ​ര​ന​ല്ലെ​ന്ന് ക​ണ്ടെ​ത്തി കോ​ട​തി വെ​റു​തെ വി​ട്ടു. മ​ല​പ്പു​റം പൊ​ലീ​സ് ഇ​ന്‍സ്പെ​ക്ട​ര്‍ ജോ​ബി തോ​മ​സാ​ണ് അ​ന്വേ​ഷ​ണം പൂ​ര്‍ത്തി​യാ​ക്കി കു​റ്റ​പ​ത്രം സ​മ​ര്‍പ്പി​ച്ച​ത്. പ്രോ​സി​ക്യൂ​ഷ​നാ​യി സ്പെ​ഷ്യ​ല്‍ പ​ബ്ലി​ക് പ്രോ​സി​ക്യൂ​ട്ട​ര്‍ പി. ​സു​രേ​ഷ് ഹാ​ജ​രാ​യി.‍ 12 സാ​ക്ഷി​ക​ളെ വി​സ്ത​രി​ച്ചു. ലൈ​സ​ണ്‍ വി​ങ്ങി​ലെ എ.​എ​സ്‌.​ഐ സു​രേ​ഷ്ബാ​ബു പ്രോ​സി​ക്യൂ​ഷ​നെ സ​ഹാ​യി​ച്ചു. പ്ര​തി​ക​ളെ ത​വ​നൂ​ര്‍ സെ​ന്‍ട്ര​ല്‍ ജ​യി​ലി​ലേ​ക്ക​യ​ച്ചു.