പത്തനംതിട്ടയി​ൽ ക​ഞ്ചാ​വ്​ വേ​ട്ട തു​ട​രു​ന്നു

പ​ത്ത​നം​തി​ട്ട: ര​ണ്ട്​ കി​ലോ​യി​ല​ധി​കം ക​ഞ്ചാ​വു​മാ​യി ര​ണ്ട് യു​വാ​ക്ക​ളെ പ​ത്ത​നം​തി​ട്ട പൊ​ലീ​സ് പി​ടി​കൂ​ടി. ആ​ന​പ്പാ​റ മ​ണ്ണി​ൽ ചു​ങ്ക​ക്കാ​ര​ൻ അ​ർ​ഷാ​ദ് ഖാ​ൻ (28), സു​ഹൃ​ത്ത് ആ​ന​പ്പാ​റ ചു​ങ്ക​ക്കാ​ര​ൻ റ​ഫീ​ഖ് (31) എ​ന്നി​വ​രാ​ണ് പി​ടി​യി​ലാ​യ​ത്. ഡാ​ൻ​സാ​ഫ് സം​ഘ​വും ആ​റ​ന്മു​ള, കോ​യി​പ്രം സ്പെ​ഷ​ൽ ബ്രാ​ഞ്ച്, സ്റ്റേ​റ്റ് സ്പെ​ഷ​ൽ ബ്രാ​ഞ്ച് ഉ​ദ്യോ​ഗ​സ്ഥ​രും ചേ​ർ​ന്ന് ക​ഴി​ഞ്ഞ​ദി​വ​സം രാ​ത്രി 9.15ഓ​ടെ സ്കൂ​ട്ട​റി​ൽ യാ​ത്ര​ചെ​യ്തി​രു​ന്ന ഇ​വ​രെ കോ​ഴ​ഞ്ചേ​രി പാ​ല​ത്തി​ൽ വെ​ച്ചാ​ണ്​ പി​ടി​കൂ​ടി​യ​ത്. ര​ണ്ട് കി​ലോ​യി​ല​ധി​കം ക​ഞ്ചാ​വും 40,000 രൂ​പ​യും പ്ര​തി​ക​ളി​ൽ നി​ന്ന്​ ക​ണ്ടെ​ടു​ത്തു. സ്കൂ​ട്ട​റി​ന്റെ സീ​റ്റി​ന​ടി​യി​ലെ സ്ഥ​ല​ത്ത് പാ​ക്ക​റ്റി​ൽ സൂ​ക്ഷി​ച്ച​നി​ല​യി​ലാ​യി​രു​ന്നു 2.120 കി​ലോ ക​ഞ്ചാ​വ്. ഇ​രു​വ​രെ​യും പി​ന്നീ​ട് കോ​യി​പ്രം പൊ​ലീ​സി​ന് കൈ​മാ​റി. ഒ​ന്നാം പ്ര​തി​ക്ക് ആ​റ​ന്മു​ള സ്റ്റേ​ഷ​നി​ൽ 2023ൽ ​ര​ജി​സ്റ്റ​ർ ചെ​യ്ത എ​ൻ.​ഡി.​പി.​എ​സ് കേ​സ് നി​ല​വി​ലു​ണ്ട്. ഒ​ന്നാം പ്ര​തി റ​ഫീ​ഖ് വി​ദേ​ശ​ത്ത് ജോ​ലി​യി​ലാ​യി​രു​ന്നു.

അ​വ​ധി​ക്ക് നാ​ട്ടി​ലെ​ത്തി​യ​താ​ണ്. അ​ർ​ഷാ​ദ് ഖാ​നാ​ണ് സ്കൂ​ട്ട​ർ ഓ​ടി​ച്ച​ത്, ഇ​യാ​ളു​ടെ ജീ​ൻ​സി​ന്റെ പോ​ക്ക​റ്റി​ൽ നി​ന്നാ​ണ് പ​ണം ക​ണ്ടെ​ത്തി​യ​ത്. ഇ​രു​വ​രു​ടെ​യും മൊ​ബൈ​ൽ ഫോ​ണു​ക​ളും പി​ടി​ച്ചെ​ടു​ത്തു.

കോ​യി​പ്രം ഇ​ൻ​സ്‌​പെ​ക്ട​ർ ജി.​സു​രേ​ഷ് കു​മാ​ർ, എ​സ്.​ഐ​മാ​രാ​യ ഗോ​പ​കു​മാ​ർ, ഷൈ​ജു, ബി​ജു, അ​ജി, എ.​എ​സ്.​ഐ ഷി​ബു​രാ​ജ്, സി.​പി.​ഒ​മാ​രാ​യ വി​പി​ൻ​രാ​ജ്, ഉ​ദ​യ​ൻ, സു​രേ​ഷ്, അ​ഖി​ൽ ബാ​ബു, അ​ന​ന്തു സാ​ബു, അ​ഭി​ലാ​ഷ് എ​ന്നി​വ​രാ​ണ് ഉ​ണ്ടാ​യി​രു​ന്ന​ത്.

പ​ന്ത​ളം: ല​ഹ​രി വ​സ്തു​ക്ക​ൾ​ക്കെ​തി​രാ​യ പ​രി​ശോ​ധ​ന ജി​ല്ല​യി​ൽ തു​ട​രു​ന്നു. പ​ന്ത​ളം പൊ​ലീ​സ് ര​ണ്ടു​യു​വാ​ക്ക​ളെ പി​ടി​കൂ​ടി. പു​ന്ത​ല ക​ക്ക​ട പാ​ല​ത്തി​ന് സ​മീ​പം വാ​ട​ക​ക്ക് താ​മ​സി​ക്കു​ന്ന ക​രു​നാ​ഗ​പ്പ​ള്ളി കൊ​ച്ചാ​ലും​മൂ​ട് കാ​ട്ടി​ൽ​ക​ട​വ് ആ​ദി​നാ​ട് സൗ​ത്ത് കു​ന്ന​യി​ൽ ജാ​ബി​ർ (22), പ​ന്ത​ളം ക​ട​ക്കാ​ട് പ​ണ്ടാ​ര​ത്തി​ൽ തെ​ക്കേ​പു​ര​യി​ൽ ജി​ഷ്ണു (19) എ​ന്നി​വ​രാ​ണ് അ​റ​സ്റ്റി​ലാ​യ​ത്.

ജാ​ബി​റി​ൽ നി​ന്ന്​ 35 ഗ്രാം ​ക​ഞ്ചാ​വും, ജി​ഷ്ണു​വി​ന്റെ പ​ക്ക​ൽ നി​ന്ന്​ ആ​റ്​ ഗ്രാം ​ക​ഞ്ചാ​വും പി​ടി​ച്ചെ​ടു​ത്തു. ക​ഞ്ചാ​വ് വി​ൽ​പ​ന​ക്കാ​യി ക​യ്യി​ൽ ക​രു​തി​യ​താ​ണെ​ന്ന് ഇ​രു​വ​രും ചോ​ദ്യം ചെ​യ്യ​ലി​ൽ പൊ​ലീ​സി​നോ​ട് സ​മ്മ​തി​ച്ചു.

ക​ഴി​ഞ്ഞ​ദി​വ​സം രാ​ത്രി 12ഓ​ടെ ക​ക്ക​ട​പാ​ല​ത്താ​ണ് ജാ​ബി​ർ പി​ടി​യി​ലാ​യ​ത്. പ്ലാ​സ്റ്റി​ക് സി​പ്പ് ലോ​ക്ക് ക​വ​റി​ൽ പൊ​തി​ഞ്ഞ് അ​ടി​വ​സ്ത്ര​ത്തി​ന്റെ അ​ര​ഭാ​ഗ​ത്ത് സൂ​ക്ഷി​ച്ച നി​ല​യി​ലാ​യി​രു​ന്നു. 11 ന് ​രാ​ത്രി പ​ത്ത​ര​യോ​ടെ മു​ട്ടാ​ർ മു​ത്തോ​ണി​യി​ൽ നി​ന്നാ​ണ് ജി​ഷ്ണു​വി​നെ ക​സ്റ്റ​ഡി​യി​ൽ എ​ടു​ത്ത​ത്.

പ്ലാ​സ്റ്റി​ക് ക​വ​റി​ൽ പൊ​തി​ഞ്ഞ് ജീ​ൻ​സി​ന്റെ പോ​ക്ക​റ്റി​ൽ സൂ​ക്ഷി​ച്ച നി​ല​യി​ലാ​യി​രു​ന്നു ക​ഞ്ചാ​വ് ക​ണ്ടെ​ടു​ത്ത​ത്. പ​ന്ത​ളം പോ​ലീ​സ് ഇ​ൻ​സ്‌​പെ​ക്ട​ർ ടി ​ഡി പ്ര​ജീ​ഷ്, എ​സ് ഐ ​അ​നീ​ഷ് എ​ബ്ര​ഹാം എ​ന്നി​വ​ർ പ​രി​ശോ​ധ​ന​ക്ക്​ നേ​തൃ​ത്വം ന​ൽ​കി. ജി​ല്ല​യി​ൽ ല​ഹ​രി​വ​സ്തു​ക്ക​ൾ​ക്കെ​തി​രാ​യ റെ​യ്ഡ് ഉ​ൾ​പ്പെ​ടെ​യു​ള്ള ന​ട​പ​ടി തു​ട​രു​ന്ന​തി​നു നി​ർ​ദേ​ശം ന​ൽ​കി​യി​ട്ടു​ണ്ടെ​ന്ന് ജി​ല്ല പോ​ലീ​സ് മേ​ധാ​വി അ​റി​യി​ച്ചു. ഇ​തു​മാ​യി ബ​ന്ധ​പ്പെ​ട്ട കു​റ്റ​കൃ​ത്യ​ങ്ങ​ൾ​ക്കെ​തി​രെ ശ​ക്ത​മാ​യ നി​യ​മ​ന​ട​പ​ടി തു​ട​രു​മെ​ന്നും ജി​ല്ലാ പോ​ലീ​സ് മേ​ധാ​വി പ​റ​ഞ്ഞു.